Մալինդի
Մալինդի (սվահիլի՝ Malindi, հայտնի է նաև պորտուգալական Մելինդա անունով, պորտ.՝ Melinde) , նավահանգստային քաղաք Քենիայի հարավ-արևելքում, Մալինդի շրջանի վարչական կենտրոն։
| Բնակավայր | ||
|---|---|---|
| Մալինդի | ||
 | ||
| Երկիր |  Քենիա | |
| ԲԾՄ | 0 մետր | |
| Բնակչություն | 54 000 մարդ | |
| Փոստային դասիչ | 80200 | |
| ||
Աշխարհագրություն խմբագրել
Քաղաքը գտնվում է Հնդկական օվկիանոսի համանուն ծոցի ափին՝ Գալանա գետի գետաբերանի մոտ։ Կորալային խութերը պաշտպանում են Մալինդիին օվկիանոսի փոթորիկներից։ Մալինդին գտնվում է 120 կմ հյուսիս-արևելք Մոմբասայից՝ Ծովափնյա նահանգի մայրաքաղաքից։
Բնակչություն խմբագրել
Մալինդի շրջանի բնակչությունը, 1999 թվականի մարդահամարի համաձայն, կազմել է 117,735 մարդ։ 2000 թվականի օգոստոսի դրությամբ, բուն քաղաքում ապրում էր մոտ 70.000 մարդ։ 2009 թվականի տվյալներով՝ Մալինդիի բնակչությունը կազմում է 118 265 մարդ։
Քաղաքի բնակչության հիմքը սուահիլի ժողովուրդն է, բանտու խոսող այլ ժողովուրդների՝ պոկոմոյի և մջիկենդայի, մասնավորապես՝ գիրյամայի ներկայացուցիչներ։ Քաղաքի բնակչության մեծ մասը դավանում են իսլամ[1]։
Պատմություն և տեսարժան վայրեր խմբագրել
Ժամանակակից հնագիտական գտածոները հուշում են, որ 9-րդ դարից ի վեր ժամանակակից Մալինդիի տարածքում գոյություն են ունեցել ձկնորսական բնակավայրեր, որոնք մշակութային առումով մոտ են ներկայիս Պոկոմոյի բնակավայրերին։
Մալինդին որպես ծովափնյա Սուահիլի բնակավայր հայտնի է 13-րդ դարից[2]։ Ավանդաբար, այն նավահանգստային քաղաք էր`օտարերկրյա ներկայացուցիչներով։
1414 թվականին Մալինդի է այցելել հայտնի չինացի ճանապարհորդ Չժենգ Հեն։ Այս առիթով տեղի առաջնորդը նրան ուղարկեց անձնական թիկնազոր, և որպես նվեր՝ նա ընձուղտ ուղարկեց նավով Չինաստան։
Պորտուգալացի ճանապարհորդ Վասկո դա Գաման 1498 թվականին այցելեց Մալինդի։ Հենց հաջորդ տարի՝ 1499 թվականին, պորտուգալացիները հաստատվում են Մալինդիում և այստեղ հիմնեցին առևտրային առաքելություն, և այդ ժամանակից ի վեր քաղաքը հաճախ ծառայում էր որպես նավահանգիստ Հնդկական օվկիանոսի այս հատվածում նավարկող եվրոպական նավերի համար։
Մոտ 1630 թվականին քաղաքն ընկավ Պորտուգալիայի տիրապետության տակ, իսկ ապագայում նրա ճակատագիրը մեծապես նման է Մոմբասայի ճակատագրին։
Այսօր Մալինդին նշանակալի զբոսաշրջային կենտրոն է, այն հատկապես սիրված է Իտալիայից ժամանած զբոսաշրջիկների կողմից։
Կլիմա խմբագրել
Մալինդին ունի արևադարձային կլիմա՝ չոր ձմեռներով և անձրևոտ ամառներով (Կյոպպենի կլիմայի դասակարգում As):
| Մալինդի (extremes 1892–present)ի կլիմայական տվյալները | |||||||||||||
|---|---|---|---|---|---|---|---|---|---|---|---|---|---|
| Ամիս | հունվ | փետ | մարտ | ապր | մայ | հուն | հուլ | օգոս | սեպ | հոկ | նոյ | դեկ | Տարի |
| Ռեկորդային բարձր °C (°F) | 34.0 (93.2) |
34.0 (93.2) |
34.5 (94.1) |
39.0 (102.2) |
32.2 (90) |
30.5 (86.9) |
30.8 (87.4) |
29.8 (85.6) |
32.0 (89.6) |
32.0 (89.6) |
34.1 (93.4) |
33.0 (91.4) |
39.0 (102.2) |
| Միջին բարձր °C (°F) | 30.8 (87.4) |
30.9 (87.6) |
31.8 (89.2) |
31.1 (88) |
28.8 (83.8) |
27.9 (82.2) |
27.3 (81.1) |
27.4 (81.3) |
28.3 (82.9) |
29.6 (85.3) |
30.5 (86.9) |
30.8 (87.4) |
29.6 (85.3) |
| Միջին ցածր °C (°F) | 23.3 (73.9) |
23.5 (74.3) |
23.9 (75) |
24.2 (75.6) |
23.4 (74.1) |
22.6 (72.7) |
22.0 (71.6) |
21.6 (70.9) |
21.7 (71.1) |
22.2 (72) |
22.8 (73) |
23.4 (74.1) |
22.9 (73.2) |
| Ռեկորդային ցածր °C (°F) | 20.0 (68) |
19.6 (67.3) |
21.0 (69.8) |
20.8 (69.4) |
21.0 (69.8) |
19.5 (67.1) |
18.6 (65.5) |
17.0 (62.6) |
17.2 (63) |
19.0 (66.2) |
19.0 (66.2) |
21.0 (69.8) |
17.0 (62.6) |
| Տեղումներ մմ (դյույմ) | 11 (0.43) |
17 (0.67) |
36 (1.42) |
163 (6.42) |
298 (11.73) |
154 (6.06) |
91 (3.58) |
64 (2.52) |
47 (1.85) |
68 (2.68) |
75 (2.95) |
35 (1.38) |
1059 (41,69) |
| Միջ. տեղումների օրեր (≥ {{{միավոր տեղումների օրեր}}}) | 2 | 2 | 3 | 11 | 17 | 12 | 12 | 9 | 7 | 6 | 6 | 3 | 90 |
| Աղբյուր #1: World Meteorological Organization[3] | |||||||||||||
| Աղբյուր #2: Meteo Climat (record highs and lows)[4] | |||||||||||||
Տնտեսություն և տրանսպորտ խմբագրել
Մալինդիի և հարակից շրջանների բնակչության ճնշող մեծամասնությունը զբաղվում է գյուղատնտեսությամբ և ձկնորսությամբ։ Սակայն, քաղաքի տնտեսության հիմնական ճյուղը զբոսաշրջությունն է, առաջին հերթին`միջազգային։ Մալինդիի մոտ գտնվող ամենամեծ հանգստավայրը Վատամուն է՝ Ազգային ծովային պարկի հետ։ Տրանսպորտի ոլորտը ներկայացված է ավտոբուսային և ավտոճանապարհային կապերով Մոմբասայի և Լամուի հետ, անուղղակիորեն՝ մայրաքաղաք Նայրոբիի հետ։ Բայց, առաջնային նշանակություն ունի Մալինդի օդանավակայանը (ներքին թռիչքները)։
Մալինդիից ոչ հեռու, բաց ծովում, գտնվում է Broglio Space Port (կոսմոդրոմ Սան Մարկո), որն օգտագործվել է իտալական տիեզերական գործակալության կողմից՝ NASA- ի հետ համատեղ։ Տիեզերական արձակումներ են իրականացվել 1964-1988 թվականներին, որից հետո հարթակ-կոսմոդրոմը փակվեց[5]։
Ծանոթագրություններ խմբագրել
- ↑ Oded, Arye (2000). Islam and Politics in Kenya. Lynne Rienner Publishers, p. 11
- ↑ Martin, Esmond Bradley Malindi. Past and Present. — New. — The National Museum of Kenya, 2009.
- ↑ «World Weather Information Service – Malindi». World Meteorological Organization. Արխիվացված օրիգինալից 2016 թ․ սեպտեմբերի 15-ին. Վերցված է 2016 թ․ օգոստոսի 31-ին.
- ↑ «Station Malindi» (ֆրանսերեն). Meteo Climat. Արխիվացված օրիգինալից 2017 թ․ մայիսի 10-ին. Վերցված է 2016 թ․ օգոստոսի 31-ին.
- ↑ «Морской космодром Сан-Марко». Արխիվացված է օրիգինալից 2020 թ․ հոկտեմբերի 23-ին. Վերցված է 2020 թ․ նոյեմբերի 26-ին.
Արտաքին հղումներ խմբագրել
- Magical Malindi (անգլ.)
 | Վիքիպահեստն ունի նյութեր, որոնք վերաբերում են «Մալինդի» հոդվածին։ |