Ձենի Կարեզի
Ձենի Կարեզի (հուն․՝ Τζένη Καρέζη, հունվարի 12, 1932[1], Աթենք, Հունաստան - հուլիսի 26, 1992, Աթենք, Հունաստան), հայտնի է նաև, որպես Ջենի Կարեզի, հույն կինոյի և թատրոնի դերասանուհի[2][3]։
 հուն․՝ Τζένη Καρέζη | |
|---|---|
| Ծնվել է | հունվարի 12, 1932[1] |
| Ծննդավայր | Աթենք, Հունաստան |
| Մահացել է | հուլիսի 26, 1992 (60 տարեկան) |
| Մահվան վայր | Աթենք, Հունաստան |
| Գերեզման | Աթենքի առաջին գերեզմանատուն |
| Կրթություն | Հունաստանի ազգային թատրոնի դրամատիկական դպրոց |
| Քաղաքացիություն |  Հունաստան |
| Մասնագիտություն | թատրոնի դերասանուհի, կինոդերասանուհի, հեռուստատեսային դերասանուհի և թարգմանչուհի |
| Ամուսին(ներ) | Կոստաս Կազակոս և Zahos Hadjifotiou? |
| Երեխա(ներ) | Konstantinos Kazakos? |
Կենսագրություն խմբագրել
Ձենի Կարեզին ծնվել է 1932 թվականի հունվարի 12-ին Հունաստանի մայրաքաղաք Աթենքում։ Նրա հայրը եղել է մաթեմատիկոս, իսկ մայրը՝ ավագ դպրոցի ուսուցչուհի։ Նա սովորել է Սալոնիկի ֆրանսիական դպրոցում սովորող քույրերի վերահսկողության տակ։ Շուտով մանկահասակ Ձենին ևս հեշտությամբ սովորում է ֆրանսերեն։ Դեռահաս տարիքում նրա հայրը թողում է ընտանիքն ու հեռանում և Ձենի Կարեզին շարունակում է ապրել մոր և քույրերի հետ։ 1971 թվականին ավտովթարի հետևանքով մահանում է նրա հայրը։
1951 թվականին ընդունվում է Հունաստանի ազգային թատրոն, որտեղ նա սովորում է դրամատիկական դպրոցում։ Դպրոցի ուսուցիչների շարքում էր նաև դրամատուրգ Անգելոս Տերզակիսը, ով նաև ուսումնարանի տնօրենն էր։ Շուտով նա սկսել է խաղալ թատերական ներկայացումներում և բեմը կիսում է այնպիսի դերասանների հետ, ինչպիսիք էին Ալեքսիս Մինոտիսն ու Կատինա Պաքսինուն։
Իր նորամուտը թատրոնում նա նշել է Մարիկան Կոտոպուլիի ֆրանսիական կատակերգությամբ։ 1960-ականները համարվում են Ձենիի կարիերայի ծաղկման ժամանակները։ Այս թվականներին նա գլխավորել է սեփական թատերախումբը, որի կողմից 1963 թվականին նկարահանված «Կարմիր լապտեր» ֆիլմն առաջադրվում է լավագույն օտարալեզու ֆիլմի անվանակարգում ակադեմիայի մրցանակ ստանալու համար։
Նրա կողմից նկարահանված վերջին ֆիլմը դառնում է Արիստոփանեսի «Լիսիստրատը»-ն, որը նա թողարկել է 1972 թվականին։ Թատրոնում նա վերջին անգամ հայտնվում է 1990 թվականին։ Ձենի Կարեզին ստիպված էր լքել թատերական աշխարհը վրա հասած անբուժելի հիվանդության (կրծքի քաղցկեղ) պատճառով։ Մահացել է 1992 թվականի հուլիսի 27-ին Աթենքում։
Ծանոթագրություններ խմբագրել
 | Վիքիպահեստն ունի նյութեր, որոնք վերաբերում են «Ձենի Կարեզի» հոդվածին։ |
