Հոքյումա Ղուրբանովա
Հոքյումա Աբասալի ղիզի Ղուրբանովա (ադրբ.՝ Hökümə Abbasəli qızı Qurbanova, մայիսի 29 (հունիսի 11), 1913, Բաքու, Ռուսական կայսրություն[1] - նոյեմբերի 2, 1988, Բաքու, Ադրբեջանական ԽՍՀ, ԽՍՀՄ), ադրբեջանցի խորհրդային դերասանուհի։ ԽՍՀՄ ժողովրդական արտիստուհի (1965 թ.)։
 ադրբ.՝ Hökümə Qurbanova | |
|---|---|
 | |
| Ծնվել է | մայիսի 29 (հունիսի 11), 1913 |
| Ծննդավայր | Բաքու, Ռուսական կայսրություն[1] |
| Մահացել է | նոյեմբերի 2, 1988 (75 տարեկան) |
| Մահվան վայր | Բաքու, Ադրբեջանական ԽՍՀ, ԽՍՀՄ |
| Գերեզման | Պատվո հուղարկավորության պուրակ |
| Կրթություն | Բաքվի երաժշտական ակադեմիա |
| Քաղաքացիություն |  Ռուսական կայսրություն,  Ադրբեջանի Ժողովրդավարական Հանրապետություն և  ԽՍՀՄ |
| Մասնագիտություն | դերասանուհի |
| Ամուսին(ներ) | Ալեքսեր Ալեքպերով և Նուսրաթ Ֆաթուլաև |
| Երեխա(ներ) | Վաֆա Ֆաթուլաև |
| Պարգևներ և մրցանակներ |       և  |
Կենսագրություն խմբագրել
Հոքյումա Ղուրբանովան ծնվել է 1913 թվականի մայիսի 29-ին Բաքվում։
1931 թվականին ավարտել է Բաքվի պետական տեխնիկումը։ 1931-1932 թվականներին սովորել է Բաքվի կոնսերվատորիայի դաշնամուրի դասարանում։
Դերասանական գործունեությունն սկսել է 1933 թվականին «Ադրբեջանֆիլմ» կինոստուդիայում։ 1938 թվականից աշխատել է Բաքվի Մ. Ազիզբեկովի անվան ադրբեջանական դրամատիկական թատրոնում։ Խաղացել է քնարական, հերոսական, ողբերգական, կենցաղային և կատակերգական դերեր՝ Շիրին (Վուրղունի «Ֆարհադ և Շիրին»), Ռեյհան (Հուսեյնի «Ջավանշիր»), Խումար, Սուդաբա (Զավիդի «Շեյխ Սանան», «Սիյավուշ»), Սոլմազ (Զաբարլիի «Հրո հարս»), Սևինջ (Ղուրբանովաի «Առանց քեզ»), Սուսան (Շիրվանզադեի «Նամուս»), Խանումա (Ցագարելիի «Խանումա), Սերեբրյակովա (Չեխովի «Քեռի Վանյա»), Կլեոպատրա (Շեքսպիրի «Անտոնիոս և Կլեոպատրա»), Մարի Թյուդոր (Հյուգոյի «Մարի Թյուդոր»), ժաննա դ’Արկ (Շիլլերի «Օռլեանի կույսը»)։ Նկարահանվել է «Մի ընտանիք» (1943 թ.), «Ես պետք է պարեմ» (1963 թ.) և այլ կինոնկարներում։
Ադրբեջանական ԽՍՀՄ կինոմատոգրաֆիստների միության անդամ է[2], Ադրբեջանական ԽՍՀՄ Գերագույն խորհրդի 7-8 գումարման պատգամավոր։
Մահացել է 1988 թվականի նոյեմբերի 2-ին Բաքվում։ Թաղված է Բաքվում՝ Պատվո հուղարկավորության պուրակում[3]։
Ընտանիք խմբագրել
- Առաջին ամուսինը - Ալեսկեր Ալեքպերով (1910-1963 թթ.), թատրոնի և կինոյի դերասան, ԽՍՀՄ ժողովրդական արտիստ (1961 թ.)
- Դուստրը - Նաիլյա
- Երկրորդ ամուսինը - Նուսրատ Ֆաթուլաև, ձևավորող
- Դուստրը - Վաֆա Ֆաթուլաև, դերասանուհի
Պարգևներ և կոչումներ խմբագրել
- Ադրբեջանական ԽՍՀ վաստակավոր արտիստուհի (1943 թ.)
- Ադրբեջանական ԽՍՀ ժողովրդական արտիստուհի (1960 թ.)
- ԽՍՀՄ ժողովրդական արտիստ (1965 թ.)
- Ադրբեջանական ԽՍՀ Մ․ Ֆ․ Ախունդովի անվան պետական մրցանակ (1965 թ.)
- Լենինի շքանշան (1959 թ., Մոսկվայում ադրբեջանական մշակույթի տասնօրյակի կապակցությամբ)
- «Աշխատանքային կարմիր դրոշ» շքանշան (1973)
- «Պատվո շքանշան» (1949 թ., թատրոնի 75-ամյակի կապակցությամբ)
- Մեդալներ։
Ծանոթագրություններ խմբագրել
- ↑ 1,0 1,1 1,2 Курбанова Окума Аббас кызы // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
- ↑ «Курбанова, Экюма Абас Али кызы — RuData.ru». Արխիվացված օրիգինալից 2013 թ․ մայիսի 2-ին. Վերցված է 2013 թ․ ապրիլի 22-ին.
- ↑ «Курбанова Окума Аббас кызы (1913-1988)». Արխիվացված օրիգինալից 2013 թ․ մայիսի 2-ին. Վերցված է 2013 թ․ ապրիլի 22-ին.
 | Վիքիպահեստն ունի նյութեր, որոնք վերաբերում են «Հոքյումա Ղուրբանովա» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 27)։ 
|