Հունգարիայի օպերային թատրոն
Հունգարիայի օպերային թատրոն (հունգ.՝ Magyar Állami Operaház), Հունգարիայի ամենամեծ օպերային թատրոնը։ Գտնվում է Բուդապեշտում։
 | |
|---|---|
.jpg) | |
| Տեսակ | օպերային թատրոն |
| Երկիր | .svg){kind=small} Հունգարիա[1] |
| Գտնվելու վայրը | Բուդապեշտի IV շրջան[1] |
| Հիմնադրման ամսաթիվ | 1884 |
| Ճարտարապետ | Միկլոշ Իբլ |
| Կայք | opera.hu(հունգարերեն) |
 Hungarian State Opera House Վիքիպահեստում | |
Պատմություն խմբագրել
Հայտնի է եղել որպես Հունգարիայի թագավորական օպերային թատրոն։ Թատրոնի շենքը նախագծել է հունգար ճարտարապետ Միկլոշ Իբլը։ Շինարարությունը, որը ֆինանսավորել են Բուդապեշտ քաղաքն ու Ավստրո-Հունգարիայի կայսեր Ֆրանց Յոզեֆ I-ը, սկսվել է 1875 թվականին։ Հանրության համար թատրոնը բացվել է 1884 թվականի սեպտեմբերի 27-ին։ Թատրոնի առաջին տնօրենն է եղել Ֆերենց Էրկելը, 1888-1891 թվականներին՝ կոմպոզիտոր Գուստավ Մալերը, 1947-1950 թվականներին՝ Օտտո Կլեմպերերը։
1970-ական թվականներին օպերայի շենքի վատթարացման պատճառով հունգարական իշխանությունները 1980-1984 թվականներին իրականացրել են վերանորոգման աշխատանքներ։ Թատրոնի վերաբացումը տեղի է ունեցել հիմնադրումից 100 տարի հետո՝ 1984 թվականի սեպտեմբերի 27-ին։
Օպերային թատրոնի շենքը հարուստ զարդարանքներով կառույց է և համարվում է ճարտարապետ Միկլոշ Իբլի գլուխգործոցներից։ Շենքը կառուցվել է նեոռենեսանս ոճով՝ բարոկկոյի տարրերով։ Զարդարանքները ներառում են հունգարական արվեստի առաջատար ներկայացուցիչներ Բերտալան Սեկեի, Մոր Տանի, Կարոյ Լոտցի նկարներն ու քանդակները[2]։
Թատրոնի շենքի դիմաց տեղադրված են Ֆերենց Էրկելի և Ֆերենց Լիստի արձանները։ Օպերային թատրոնի շենքում կազմակերպվում են շրջապտույտներ վեց լեզուներով (անգլերեն, գերմաներեն, իսպաներեն, ֆրանսերեն, իտալերեն և հունգարերեն)։
Պատկերասրահ խմբագրել
-
Թատրոնի շենքը 1896 թվականին (ձախ կողմում) -
Թատրոնի շենքը երեկոյան -
Թատրոնի մարմարե աստիճանավանդակը -
Թատրոնի ներքին հարդարանքներ -
Թատրոնի նկարազարդ առաստաղը
Գրականություն խմբագրել
- Legány, Dezsó (1998), "Budapest", in Stanley Sadie, (Ed.), The New Grove Dictionary of Opera, Vol. One, pp. 630–632. London: MacMillan Publishers, Inc. 1998 ISBN 0-333-73432-7 ISBN 1-56159-228-5
- Olszanska, Barbara; Tadeusz Olszanski, DK Eyewitness Travel Guide: Budapest, Dorling Kindersley Publishers Ltd, 2007. ISBN 075669471X ISBN 978-0756694715
Ծանոթագրություններ խմբագրել
- ↑ 1,0 1,1 archINFORM (գերմ.) — 1994.
- ↑ «Hungarian State Opera - Google Arts & Culture». Google Cultural Institute (ռուսերեն). Վերցված է 2016 թ․ դեկտեմբերի 14-ին.
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Հունգարիայի օպերային թատրոն» հոդվածին։ |