Հունական Մակեդոնիայի դրոշ
- Անվան այլ կիրառումների համար տե՛ս՝ Մակեդոնիայի դրոշ
Հունական Մակեդոնիայի դրոշ (հուն․՝ Σημαία της Μακεδονίας), Հունաստանի ամենամեծ երկրամասի՝ Մակեդոնիայի ազգային դրոշը։
Մակեդոնիայի դրոշ | |
---|---|
Տեսակ | երկրամասի դրոշ |
Երկիր | Հունաստան |
Իրավասության տարածք | Հունական Մակեդոնիա |
Նշան | վիրջինյան աստղ |
Հարաբերություն | 3:2 |
Գույներ | կապույտ դեղին |
Պատկերված է | դաշտ և Վերգինայի աստղ |
Այն իրենից ներկայացնում է կապույտ ֆոնի վրա գտնվող վիրջինյան աստղ՝ ճառագայթող տասնվեց շողերով։ Այն կիրառվում է Հունաստանի Հանրապետության երեք պերիֆերիաներում (Արևելյան Մակեդոնիա, Կենտրոնական Մակեդոնիա և Արևմտյան Մակեդոնիա) և դրանց կազմի մեջ մտնող տարածաշրջանային միավորներում՝ նոմոսներում։
Այն նաև հունական մակեդոնացիների ազգային խորհրդանիշն է։ Այս դրոշն օգտագործվում է նաև Ամերիկայի Միացյալ Նահանգների[1][2][3] ու Ավստրալիայի համամակեդոնական շարժումներում, ինչպես նաև առևտրական-տնտեսական հիմնարկություններում։
Հարավսլավիայի անկումից և Հյուսիսայն Մակեդոնիայի տարածքում Մակեդոնիայի Հանրապետության ստեղծումից հետո նույն դրոշը, որոշակի փոփոխություններով դարձել է նորաստեղծ պետության ազգային խորհրդանիշերից մեկը։ Մակեդոնիայի Հանրապետության դրոշի վրա կապույտ ֆոնը փոխարինված է կարմիրով։
Տես նաև խմբագրել
Ծանոթագրություններ խմբագրել
- ↑ «Ամերիկայի Միացյալ Նահանգների համամակեդոնական ասոցացիա». Արխիվացված է օրիգինալից 2012 թ․ հունիսի 8-ին. Վերցված է 2008 թ․ հոկտեմբերի 25-ին.
- ↑ «History of Macedonia». Պան-մակեդոնական ցանց. Արխիվացված օրիգինալից 2012 թ․ հունիսի 8-ին. Վերցված է 2008 թ․ հոկտեմբերի 25-ին.
- ↑ «Մելբուրնի և Վիկտորիայի համամակեդոնական ասոցացիա». Արխիվացված է օրիգինալից 2012 թ․ հունիսի 8-ին. Վերցված է 2008 թ․ հոկտեմբերի 25-ին.
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Հունական Մակեդոնիայի դրոշ կատեգորիայում։ |