Խուլիան Կաստրո (նախարար)
Խուլիան Կաստրո (անգլ.՝ Julian Castro, սեպտեմբերի 16, 1974, Սան Անտոնիո, Տեխաս, ԱՄՆ), ամերիկացի քաղաքական գործիչ, Դեմոկրատական կուսակցության անդամ, ԱՄՆ-ի բնակարանային շինարարության և քաղաքային զարգացման նախարարը Բարաք Օբամայի աշխատակազմում (2014-2017 թվականներ)։
| Խուլիան Կաստրո Julian Castro | |||
| |||
| |||
|---|---|---|---|
| 2014 թվականի հուլիսի 22 - 2017 թվականի հունվարի 20 | |||
| Նախորդող | Շոն Դոնովան | ||
| Հաջորդող | Բեն Կարսոն | ||
| |||
| 2009 թվականի հունիսի 1 - 2014 թվականի հուլիսի 22 | |||
| Նախորդող | Ֆիլ Հարդբերգեր[en] | ||
| Հաջորդող | Այվի Թեյլոր | ||
| Կուսակցություն՝ | ԱՄՆ դեմոկրատական կուսակցություն | ||
| Կրթություն՝ | Հարվարդի համալսարան Սթենֆորդի համալսարան | ||
| Մասնագիտություն՝ | քաղաքական գործիչ և փաստաբան | ||
| Ազգություն | Mexican Americans? | ||
| Դավանանք | Հռոմի Կաթոլիկ եկեղեցի | ||
| Ծննդյան օր | սեպտեմբերի 16, 1974 (49 տարեկան) | ||
| Ծննդավայր | Սան Անտոնիո, Տեխաս, ԱՄՆ | ||
| Քաղաքացիություն |  ԱՄՆ
| ||
| Մայր | Ռոզի Կաստրո | ||
| Կայք՝ | julianforthefuture.com | ||
| Ինքնագիր | 
| ||
| Պարգևներ | |||
Կենսագրություն խմբագրել
Ծնվել է 1974 թվականի սեպտեմբերի 16-ին, Սան Անտոնիոյում ավարտել է Թոմաս Ջեֆերսոնի անվան դպրոցը (Thomas Jefferson High School), 1996 թվականին ավարտել է Սթենֆորդի համալսարանը, ավելի ուշ Հարվարդի համալսարանում ստացել է իրավաբանական կրթություն։ 2001 թվականին, հաղթելով Սան Անտոնիոյի քաղաքային խորհրդի ընտրություններում, սկսեց իր քաղաքական կարիերան։ 2005 թվականին մասնակցեց Սան Անտոնիոյի քաղաքապետի ընտրություններին, բայց պարտեց Ֆիլ Հերդբերգերին, և միայն 2009 թվականին, երկրորդ փորձ ձեռնարկելով, դարձավ հարազատ քաղաքի քաղաքապետ[1]։
Սան Անտոնիոյի քաղաքային խորհրդում աշխատանքը վարձատրվող չէր, և Խուլիան Կաստրոն մինչ քաղաքապետ ընտրվելը զբաղվել է փաստաբանական գործունեությամբ՝ սկսելով տրանսնացիոնալ Akin Gump Strauss Hauer & Feld ընկերությունում աշխատանից[2]։
2014 թվականի հուլիսի 28-ին, երդվելով, Խուլիան Կաստրոն դարձավ ԱՄՆ-ի պատմության մեջ 16-րդ բնակարանային շինարարության և քաղաքային զարգացման նախարարը Բարաք Օբամայի գրասենյակում[3]։
Ընտանիք խմբագրել
Խուլիան Կաստրոն ունի երկորյակ եղբայր՝ Հոակին Կաստրոն[en], ում հետ միասին նա սովորել է Հարվարդի համալսարանի իրավունքի դպրոցում (2012 թվականին Հոակինը ընտրվեց ԱՄՆ Ներկայացուցիչների պալատի անդամ[4]): Նրանց մայրը՝ Ռոզի Կաստրոն, քաղաքական ակտիվիստ էր, մասնակցել է մեքսիկացիների քաղաքացիական իրավունքների շարժմանը ԱՄՆ-ում 1960-ական թվականներին (այսպես կոչված «չիկանոների շարժմանը», Chicano Movement), եղել է La Raza Unida կուսակցության անդամ, 1971 թվականին Սան Անտոնիոյի քաղաքային խորհրդի անդամ ընտրվելու անհաջող փորձ է կատարել[5]։ Հայրը՝ մաթեմատիկայի ուսուցիչ Ջեսի Գուսմանը (Jesse Guzman) լքել է ընտանիքը, երբ երկորյակները ութ տարեկան էին[6]։
Խուլիան Կաստրոն ամսուսնացած է Էրիկե Լիրայի հետ[7]։
Ծանոթագրություններ խմբագրել
- ↑ «Julian Castro». Tribopedia (անգլերեն). The Texas Tribune. 2014 թ․ մայիսի 23. Վերցված է 2016 թ․ ապրիլի 29-ին.
- ↑ Zev Chafets (2010 թ․ մայիսի 6). «The Post-Hispanic Hispanic Politician» (անգլերեն). The New York Times. Վերցված է 2016 թ․ մայիսի 1-ին.
- ↑ «Julian Castro Sworn In As New HUD Secretary» (անգլերեն). NBC News. 2014 թ․ հուլիսի 28. Վերցված է 2016 թ․ մայիսի 1-ին.
- ↑ Emily Ramshaw (2013 թ․ մարտի 2). «The Twin in the Background Takes Center Stage» (անգլերեն). The New York Times. Վերցված է 2016 թ․ մայիսի 2-ին.
- ↑ J. J. McGrath (2015 թ․ հունվարի 23). «The Power of Two: Inside the Rise of the Castro Brothers» (անգլերեն). The Atlantic. Վերցված է 2016 թ․ ապրիլի 27-ին.
- ↑ Jacob Weisberg (2013 թ․ մարտի 1). «Pair of Aces: Rising Democratic Stars Julián and Joaquin Castro» (անգլերեն). Vogue. Արխիվացված է օրիգինալից 2016 թ․ մայիսի 8-ին. Վերցված է 2016 թ․ մայիսի 1-ին.
- ↑ «Julian and Joaquin Castro: Rising stars have Democrats seeing double» (անգլերեն). The Washington Post. 2012 թ․ սեպտեմբերի 4. Վերցված է 2016 թ․ մայիսի 1-ին.
Արտաքին հղումներ խմբագրել
- Jaime Fuller (2014 թ․ մայիսի 23). «The 10 things you need to know about Julian Castro» (անգլերեն). The Washington Post. Վերցված է 2016 թ․ ապրիլի 27-ին.
 | Վիքիպահեստն ունի նյութեր, որոնք վերաբերում են «Խուլիան Կաստրո (նախարար)» հոդվածին։ |