Հիրոսիմայի խաղաղության թանգարան
Հիրոսիմայի խաղաղության թանգարան, (ճապ. 広島平和記念資料館 Հիրոսիմա հեյվա կինեն սիրյոկան) թանգարանը տեղակայված է խաղաղության հուշատախտակների զբոսայգում։ Կառույցի առաջատար ճարտարապետը ճապոնացի հայտնի վարպետ Կենձո Տանգեն է։ Թանգարանը բաղկացած է երկու համալիրից՝ գլխավոր (1․615 քառակուսի մետր) և արևելյան (10․ 098 քառակուսի մետր)[3]։ Գլխավոր համալիրն այնպես է նախագծվել, որ գետնի մակերևույթի և բարձրացող հատակի միջև եղած տարածությունը բնութագրում է մարդու՝ մոխիրներից հառնելու կամքը։
Հիրոսիմայի խաղաղության թանգարան | |
|---|---|
 | |
| Տեսակ | ռազմական թանգարան և խաղաղության թանգարան |
| Երկիր |  Ճապոնիա[1] |
| Տեղագրություն | Nakajimachō?[1] |
| Վայր | Hiroshima Peace Memorial Park? |
| Մասն է | 100 Best Public Buildings in Japan? |
| Ղեկավարության նստավայր | Հիրոսիմա, Ճապոնիա |
| Հասցե | 1-2 Nakajima-cho, Naka-ku և 広島県広島市中区中島町1-2[2]730-0811 |
| Հիմնադրվել է | 1955 |
| Կայք | hpmmuseum.jp(ճապոներեն) և hpmmuseum.jp/?lang=eng(անգլ.) |
 | |
 | |
Գլխավոր համալիրում են գտնվում Ճապոնիայի ատոմային ռմբակոծության հետ կապված ցուցանմուշներ՝ նյութեր, որոնք ներկայացնում են պայթյունի սարսափելի հետևանքները, հրդեհները, բարձր ռադիացիոն ճառագայթման ազդեցությունը և ճառագայթային հիվանդությունները։ Ցուցանմուշներն իրենց մեջ ներառում են սարքեր, որոնք մեդիա տեղեկատվության, ռմբակոծությունից ողջ մնացած վկաների ձայնագրության և տեսաձայնագրության հնարավորություն են ընձեռնում[4]։
Արևելյան սրահի ցուցանմուշները վերաբերում են ատոմային ռմբակոծության նախադրյալներին, Երկրորդ համաշխարհային պատերազմին Ճապոնիայի մասնակցությանը, Միջուկային դարաշրջանի մասին ընդհանուր տեղեկատվությանը՝ պատկերների, մոդելների, նկարների տեսքով։ Այնտեղ գտնվում է նաև վավերագրական կինոնկարների կինոթատրոն, ռմբակոծությունից փրկվածների պատկերասրահ, ինչպես նաև գիտաժողովների սենյակներ և գրադարան, որտեղ տեղի են ունենում ուսումնական միջոցառումներ ուսանողների և դպրոցականների համար։ Այցելություն Խաղաղության հուշահամալիր և թանգարան Ճապոնիայի դպրոցական ուսումնական ծրագրի մի մասն է[5]։
2005 թվականի հուլիսի 5-ին Խաղաղության համաշխարհային հուշահամալիր թանգարանի գլխավոր շենքը եղել է Ճապոնիայի ազգային արժեքների ցուցակում։ Սա հետպատերազմյան շրջանում կառուցած շենքերի առաջին մշակութային ժառանգությունն է[6]։
Թանգարանի կողքին՝ Օտա գետի մյուս ափին գտնվում է ատոմային ռմբակոծության զոհվածների՝ Հիրոսիմայի խաղաղության հուշարձանը։
Պատկերասրահ խմբագրել
-
Խաղաղության հուշատախտակների զբոսայգի Հիրոսիմայում -
Հիրոսիման մինչև ատոմային ռմբակոծությունը։ -
Հիրոսիման ատոմային ռմբակոծությունից հետո։ -
Ռմբակոծության ժամը ցույց տվող կանգնած ժամացույց։
Տես նաև խմբագրել
Ծանոթագրություններ խմբագրել
- ↑ 1,0 1,1 archINFORM (գերմ.) — 1994.
- ↑ https://rekimin.com/place
- ↑ Makar, A. B.; McMartin, K. E.; Palese, M.; Tephly, T. R. (1975-06). «Formate assay in body fluids: application in methanol poisoning». Biochemical Medicine. 13 (2): 117–126. doi:10.1016/0006-2944(75)90147-7. ISSN 0006-2944. PMID 1.
- ↑ «Мемориальный музей мира в хиросиме, япония». Галерея (ռուսերեն). 2019 թ․ հոկտեմբերի 24. Արխիվացված է օրիգինալից 2020 թ․ սեպտեմբերի 25-ին. Վերցված է 2020 թ․ մայիսի 17-ին.
- ↑ «Хиросима и Ясукуни как символы военного прошлого». www.ng.ru (անգլերեն). Վերցված է 2020 թ․ մայիսի 17-ին.
- ↑ «バーチャルツアー». www.pcf.city.hiroshima.jp. Արխիվացված է օրիգինալից 2011 թ․ ապրիլի 17-ին. Վերցված է 2020 թ․ մայիսի 17-ին.
Արտաքին հղումներ խմբագրել
- Виртуальный гид по музею Արխիվացված 2011-04-17 Wayback Machine на официальном сайте.
- Фотографии Мемориального парка Мира в Хиросиме Արխիվացված 2018-08-14 Wayback Machine и окрестностей.
- Мемориальный музей мира в Хиросиме, Япония
- Бенто и истории
 | Վիքիպահեստն ունի նյութեր, որոնք վերաբերում են «Հիրոսիմայի խաղաղության թանգարան» հոդվածին։ |