Հարսանիք (ֆիլմ, 1944)

«Հարսանիք» (ռուս.՝ Свадьба), Թբիլիսիի կինոստուդիայում 1944 թվականին ռեժիսոր Իսիդոր Աննենսկու նկարահանած գեղարվեստական կինոկատակերգություն։

Հարսանիք ռուս.՝ Свадьба
Երկիր	ԽՍՀՄ
Ժանր	կինոկատակերգություն
Հիմք	Հարսանիք
Թվական	1944
Լեզու	ռուսերեն
Ռեժիսոր	Իսիդոր Աննենսկի
Սցենարի հեղինակ	Իսիդոր Աննենսկի
Դերակատարներ	Ալեքսեյ Գրիբով, Ֆաինա Ռանևսկայա, Զոյա Ֆյոդորովա, Էրաստ Գարին, Սերգեյ Մարտինսոն, Վերա Մարեցկայա, Միխայիլ Յանշին, Նիկոլայ Կոնովալով, Օսիպ Աբդուլով, Սերգեյ Բլիննիկով, Նիկոլայ Պլոտնիկով, Վլադիմիր Վլադիսլավսկի, Լև Սվերդլին, Ալեքսանդր Կոստոմոլոցկի, Սոֆյա Լևիտինա, Իրինա Մուրզաևա, Միխայիլ Պուգովկին, Ելենա Պոնսովա, Անտոնի Մարցելևիչ, Ալեքսանդրա Դանիլովա, Տատյանա Պելտցեր և Պավել Շպրինգֆելդ
Օպերատոր	Յուրի Եկելչիկ
Երաժշտություն	Վալերի Ժելոբինսկի
Պատմվածքի վայր	Ռուսական կայսրություն
Կինոընկերություն	Մոսֆիլմ և Վրացֆիլմ
Տևողություն	64 րոպե

Անտոն Չեխովի համանուն զավեշտախաղի, «Հարսանիք գեներալի հետ», «Հարսանիքից առաջ» պատմվածքների, «Հաշվարկով ամուսնություն» երկմասանի վեպի, «Փեսացուն և հայրիկը» տեսարանի հիման վրա ստեղծված ֆիլմը համարվում է նախահեղափոխական Ռուսաստանի քաղքենիների բարեպաշտ սովորույթների սարկազմային երգիծանք։

2007 թվականին ֆիլմի ստեղծման մասին նկարահանվել է «Մի հարսանիքի պատմություն» վավերագրական հեռուստաֆիլմը։

Սյուժե

Քաղքենի Ժիգալովները, որոնց դուստրը Դաշան ամուսնացնելու աղջիկ է, սարսափահար տեղեկանում են, որ պաշտոնյա Ապլոմբովը (Էրաստ Գարին), ով ամեն օր ճաշում էր իրենց մոտ և իրեն դրսևորում որպես փեսացու, չի պատրաստվում ամուսնանալ։ Դաշենկայի հայրը շատ դժվարությամբ էր համոզել, որ հավակնոտ փեսացուն առաջարկություն անի։ Փեսացուն համաձայնել էր, հարսանիքին գեներալի պարտադիր ներկայության պայմանով։

Եվ ահա վերջապես հարսանիքն է։ Հանդիսավոր պահին գալիս է գլխավոր հյուրը` գեներալը։ Սկանդալը սկսվեց զվարճանքի թեժ պահին, երբ պարզ դարձավ, որ գեներալը ընդամենը երկրորդ կարգի կապիտան է (փոխգնդապետ)։ Հարսանիքը խափանվեց։

Ուշագրավ ռեժիսուրայի և փայլուն դերասանական խաղի շնորհիվ ֆիլմի ոչ բարդ սյուժեում երբեմն սկսում են հնչել իրոք ողբերգական նոտաներ։

Դերերում

• Ալեքսեյ Գրիբով՝ Եվդոկիմ Զախարովիչ Ժիգալով, հարսնացուի հայր
• Ֆաինա Ռանևսկայա՝ Նաստասյա Ժիգալովա, հարսնացուի մայր
• Էրաստ Գարին՝ Էպամինոնդ Մակսիմովիչ Ապլոմբով, փեսացու
• Զոյա Ֆյոդորովա՝ Դաշենկա, հարսնացու
• Նիկոլայ Կոնովալով՝ Ֆեոդոր Յակովլևիչ Ռևունով-Կարաուլով, թոշակի անցած 2-րդ աստիճանի կապիտան
• Միխայիլ Յանշին՝ Անդրեյ Անդրեևիչ Նյունին, ապահովագրական ընկերության գործակալ
• Սերգեյ Մարտինսոն՝ Իվան Միխայլովիչ Յատ, հեռագրիչ
• Վերա Մարեցկայա՝ Աննա Մարտինովնա Զմեյուկինա, մանկաբարձուհի
• Օսիպ Աբդուլով՝ Խարլամպի Սպիրիդոնովիչ Դիմկա, հույն հրուշակագործ
• Նիկոլայ Պլոտնիկով, վարորդ
• Սերգեյ Բլինիկով՝ Դմիտրի Ստեպանովիչ Մոզգովոյ, նավաստի
• Վլադիմիր Վլադիսլավսկի՝ բժիշկ Կոնդրաշկին
• Լև Սվերդլին, երգեհոնահար
• Ալեքսանդր Կոստոմոլոցկի, դիրիժոր
• Վալենտինա Կուզնեցովա, դրվագում
• Սոֆյա Լևիտինա, հյուր
• Իրինա Մուրզաևա, հյուր
• Միխայիլ Պուգովկին, հյուր
• Ելենա Պոնսովա, հյուր
• Անտոնի Խոդուրսկի՝ Օսիպ Լուկիչ Բաբ-ել-Մանդեբսկի
• Ալեքսանդր Շագին, սպասավոր
• Ալեքսանդր Դանիլովա, պատուհանից դուրս նայող լվացարարուհի (տիտրերում չկա)
• Տատյանա Պելտցեր, բժշկի կին (տիտրերում չկա)
• Պավել Շպրինգֆելդ, հյուր (տիտրերում չկա)

Նկարահանող խումբ

• Սցենարի հեղինակ, ռեժիսոր՝ Իսիդոր Անենսկի
• Օպերատոր՝ Յուրի Եկելչիկ
• Նկարիչ՝ Սեմյոն Մանդել
• Կոմպոզիտոր՝ Վալերի Ժելոբինսկի (բացի ֆիլմի բնօրինակ երաժշտությունը, այստեղ հնչում է նաև Ալեքսանդր Դավիդովի «Քեզ ինձանից չեն խլի ...» հայտնի ռոմանսը Վ. Ժելոբինսկու գործիքավորմամբ)

Հետաքրքիր փաստեր

Ֆիլմի նկարահանումները տեղի են ունեցել Մոսկվայի լիխովյան նրբանցքում, վավերագրողներին պատկանող շենքում։ Նկարահանումները կատարվել են գիշերով (ցերեկային ժամերին վավերագրողները պատրաստում էին «Քրոնիկոններ»)։ Փողոցային կադրերում կարելի է տեսնել ռազմական Մոսկվայի առարկաներ։ Ֆիլմը պետք է ցուցադրվեր Անտոն Չեխովի մահվան 40-ամյակին։ Ըստ Ռանևսկայայի՝ «Մեզ մոտ նույնիսկ մահվան տարելիցն են տոն դարձնում»։