Հաուս երաժշտություն
Հաուս երաժշտություն (անգլ.՝ house music), ակումբային երաժշտության տարատեսակ, որը ծնունդ է առել ԱՄՆ-ի Չիկագո քաղաքում 1980-ականների սկզբին[1]։ Արդեն 80-ականների կեսերին այս ոճը մեծ ժողովրդայնություն էր վայելում դիսկոտեկներում` աֆրոամերիկացիների և լատինաամերիկացիների շրջանում։ Երաժշտությունը տարածվում է Միացյալ Նահանգների ու Կանադայի այլ խոշոր քաղաքներում, որից հետո մուտք է գործում Եվրոպա։
| Հաուս երաժշտություն House | |
|---|---|
| Ոճային հիմքեր | Դիսկո, Սոուլ, Էլեկտրո, Ֆանկ, Դաբ |
| Մշակութային հիմքեր | 1984 թվական, Չիկագո |
| Ծագման ժամանակ | 1982 |
| Ծագման երկիր |  ԱՄՆ |
| Ենթաժանրեր | |
| Էյսիդ֊Հաուս, Դիփ֊հաուս, Դրիմ Հաուս, Էլեկտրո֊Հաուս | |
| Հարակից ժանրեր | |
| Փոստ֊դիսկո, Դիսկո, Իտալո֊դիսկո | |
| Տարածաշրջանային բեմեր | |
| Չիկագո, Ֆրանսիա, Իբիցա, Իտալիա, Նյու Ջերսի, Նյու Յորք | |
Այժմ հաուս երաժշտությունն ունի բազմաթիվ ենթաժանրեր, որոնցից առավել հայտնիներն են Էլեկտրո-հաուսը, հաուսը, հոլանդական-հաուսը, պրոգրեսիվ-հաուսը, Ֆյուչր-հաուսը, Բիգ Ռում հաուսը, Դիփ-հաուսը և այլն։
Պատմություն խմբագրել
Ամենաառաջին հաուս ոճի երգը՝ «On and on»-ը գրվել է Ջեսս Սոնդերսի և Վինս Լոուրենսի կողմից[2]։ Ձայնագրությունը կատարվել է 1984 թվականին Չիկագոյում Roland TB-303 կոչվող բաս֊սինթեզատորի և Roland TR-808 հարվածային մեքենայի օգնությամբ, բացի այդ օգտագործվել է «Player One» խմբի «Space Invaders» (1980) երգից հատված։ Հաուս երաժշտության տարատեսակների հիմքում կանգնած էին Ֆրենկի Նակլզը, Մարշալ Ջեֆերսոնը և այլք։
Անվանում խմբագրել
Մինև օրս չի պարզվել երաժշտության անվանման ծագումը։ Կա վարկած, որ «հաուս» (անգլ.՝ տուն) բառի ընտրությունը կապված է այն հանգամանքի հետ, որ նախկինում այս ժանրի երգերը գրվել և ձայնագրվել են սեփական առանձնատներում։ Ավելի տարածված տարբերակներից է, որ անվանումը ծագել է Չիկագոյում գտնվող «Warehouse» (անգլ.՝ «պահեստ») ակումբի անվանումից[3]։
Հաուսը ժամանակակից մշակույթում խմբագրել
- Օգտագործվում է «Grand Theft Auto» համակարգչային խաղի մեջ։ «San Andreas» խաղում կա SF-UR ռադիոկայան, որտեղ վկայարկվում է միայն հաուս ոճի երաժշտություն։
- Rise FM ռադիոն «Grand Theft Auto 3» և «Grand Theft Auto» խաղերի մեջ։ «Liberty City Stories»֊ում նույնպես հիմնականում օգտագործվում է հաուս։
- Քենան Թոմփսոնի «Շաբաթ երեկոյան ուղիղ եթերում» (անգլ.՝ Saturday Night Live) եղել է «Deep House Dish» էպիզոդների շարք, որի ժամանակ երաժիշտները նվագում էին հաուս։
Ծանոթագրություններ խմբագրել
- ↑ http://www.allmusic.com/subgenre/house-ma0000002651
- ↑ unesdoc.unesco.org/images/0012/001201/120152e.pdf
- ↑ Snoman, Rick (2009). The Dance Music Manual: Tools, Toys, and Techniques — Second Edition. Oxford, UK: Elsevier Press. էջ 233
 | Վիքիպահեստն ունի նյութեր, որոնք վերաբերում են «Հաուս երաժշտություն» հոդվածին։ |