Հայրն ուներ երեք որդի
«Հայրն ուներ երեք որդի» (ռուս.՝ «Было у отца три сына»), խորհրդային գեղարվեստական ֆիլմ, որը նկարահանել է ռեժիսոր Գենադի Իվանովը «Մոսֆիլմ» կինոստուդիայում[1]։ Թողարկվել է 1981 թվականին[2]։
 ռուս.՝ Было у отца три сына | |
|---|---|
| Երկիր |  ԽՍՀՄ |
| Ժանր | դրամա |
| Թվական | 1981 |
| Լեզու | ռուսերեն |
| Ռեժիսոր | Գենադի Իվանով |
| Դերակատարներ | Օլեգ Եֆրեմով |
| Կինոընկերություն | Մոսֆիլմ |
| Տևողություն | 135 րոպե |
Սյուժե խմբագրել
Առևտրային նավատորմի նավապետն ուներ երեք որդի՝ նկարիչ, նավաստի և երաժիշտ։ Եղբայրներն ապրում էին համերաշխ, մինչև ավագն ու միջնեկը սիրահարվում են նույն աղջկա։ Արդյունքում լուրջ վիճաբանություն է տեղի ունենում, ընտանիքում հարաբերությունները վատանում են։ Հրդեհի ժամանակ նավի վրա մահանում է հայրը։ Ընդհանուր վիշտը կրկին մերձեցնում է եղբայրներին։
Դերերում խմբագրել
- Օլեգ Եֆրեմով - Դմիտրի Ալեքսեևիչ, հայրը, առևտրային նավատորմի նավապետ
- Ադա Ռոգովցևա - Զինաիդա Միխայլովնա, մայրը
- Ալեքսանդր Սոլովյով – Կիրիլ, ավագ որդին
- Ալեքսանդր Տիմոշկին – Յուրի, միջնեկ որդին
- Վլադիմիր Շևելկով – Գերկա, կրտսեր որդին
- Իրինա Մալիշևա – Սվետլանա
- Ռաիսա Կուրկինա – Վերա, Սվետլանայի մայրը
- Դանիել Նետրեբին – Եգոր, Սվետլանայի հայրը
- Վսևոլոդ Սաֆոնով – Կոնստանտին, նավաստի, հոր ծառայակիցը
- Օքսանա Ստրելցովա – Նաստասյա
- Իվան Ռիժով – Սերգեյ Իվանովիչ, Նաստասյայի պապը
- Ելենա Նաումկինա – Լենա
- Գենադի Բորտնիկով – Պավել
- Վլադիմիր Կուրաշկին – Էդիկ
Նկարահանող խումբ խմբագրել
- Սցենարի հեղինակներ՝ Բորիս Պավլենոկ (լուսագրերում՝ Արխիպովեց), Սամսոն Պոլյակով
- Ռեժիսոր՝ Գենադի Իվանով
- Օպերատոր՝ Անատոլի Պետրիցկի
- Նկարիչ՝ Լեոնիդ Պլատով
- Կոմպոզիտոր՝ Էդուարդ Արտեմև[1]
Փաստեր խմբագրել
- Նկարահանումներն անցկացվել են Ղրիմում՝ Մեծ Ալուշտայում, ֆիլմի վերջում ցուցադրվում է Սևաստոպոլի բարձրագույն ռազմածովային ինժեներական ուսումնարանը (վերին անցակետը, հրապարակ, 1981 թվականին ընդունվածների երդման արարողությունը (ավարտել են 1986 թվականին)։
- Երաժշտական թեմաներից մեկի ժամանակ բանաստեղծ Նիկոլայ Զինովևը բանաստեղծություն է գրել․ այդ կերպ ծնվել է «Танго под тишину» երգը, որը կատարել է Ռոքսանա Բաբայանը։
Ծանոթագրություններ խմբագրել
- ↑ 1,0 1,1 «Հայրն ուներ երեք որդի» ֆիլմը kinopoisk.ru կայքում
- ↑ «Հայրն ուներ երեք որդի» ֆիլմը kino-teatr.ru կայքում
Արտաքին հղումներ խմբագրել
«Հայրն ուներ երեք որդի» ֆիլմը «Մոսֆիլմի» օնլայն կինոթատրոնում