Կրիժևցի

Կրիժևցի (խորվ.՝ Križevci), քաղաք Խորվաթիայի հյուսիսային մասում։ Մեծությամբ Կոպրիվնիցկո-Կրիժևացկայա ժուպանության երկրորդ քաղաքն է։ Բնակչությունը կազմում է 11 541 մարդ (2001 թվական), 2006 թվականի տվյալներով՝ շուրջ 12 000 մարդ։

Քաղաք
Կրիժևցի
խորվ.՝ Križevci
Երկիր	Խորվաթիա
Ժուպանություն	Կոպրիվնիցկո-ԿրիժևացկայաԿոպրիվնիցկո-Կրիժևացկայա
Ղեկավար	Բրանկո Հրգ
Առաջին հիշատակում	1193
Մակերես	263,72 կմ²
ԲԾՄ	146 մ
Բնակչություն	11 541 մարդ (2001)
Ժամային գոտի	UTC+1, ամառը UTC+2
Հեռախոսային կոդ	48260
Փոստային դասիչ	48260
Պաշտոնական կայք	krizevci.hr
Կրիժևցի (Խորվաթիա)
Կրիժևցի Վիքիպահեստում

Կրիժևցի քաղաքը գտնվում է Զագրեբի հյուսիս-արևելքում (հեռավորությունը մայրաքաղաքից 60 կմ)։ 20 կմ դեպի հարավ գտնվում է Վրբոնեց քաղաքը, 30 կմ դեպի հյուսիս-արևելք՝ Կոպրիվնիցա քաղաքը, 30 կմ դեպի հարավ-արևելք՝ Բելովար քաղաքը, 50 կմ դեպի հյուսիս-արևմուտք՝ Վարաժդին քաղաքը։

Կրիժևցիում գտնվում է երկաթուղային Զագրեբ - Բուդապեշտ մայրուղին։ Քաղաքի տնտեսության հիմքը կազմում է սննդի և մետաղամշակման արդյունաբերությունը։

Պատմություն և տեսարժան վայրեր

Վերին Կրիժևցին առաջին անգամ հիշատակվել է 1193 թվականին։ 1253 թվականին այն ստացել է քաղաքի կարգավիճակ։

Քաղաքի հարևանությամբ գտնվող Ստորին Կրիժևցին զարգանում էր փոքր-ինչ ավելի դանդաղ և քաղաքի կարգավիճակ ստացել է 1405 թվականին։ Մինչև 18-րդ դարը Ստորին և Վերին Կրիժևցի քաղաքները զարգանում էին իրարից անկախ, ինչպես երկու տարբեր քաղաքներ։ 1752 թվականին կայսրուհի Մարիա Թերեզան իր հրամանագրով քաղաքները միավորել է։

Քաղաքի ամենահին եկեղեցին 11-րդ դարում կառուցված Սուրբ Խաչ եկեղեցին է։ 17-րդ դարում կառուցվել է Սուրբ Աննա եկեղեցին։ Սուրբ երրորդության մայր տաճարը կառուցվել է 1817 թվականին։

Հայտնի բնիկներ եւ բնակիչներ

• Մարյան Դետոնի (1905-1981). նկարիչ
• Մարկո Կրիժևչանին (1588-1619). Հռոմի Կաթոլիկ եկեղեցու սուրբ
• Մարսել Կիպաչ (1894-1915). գյուտարար։ Նրան է նվիրված քաղաքային թանգարանի բաժիններից մեկը։

Նկարներ

• 
  Սուրբ Աննա Եկեղեցի
• 
  Սուրբ Խաչ եկեղեցի

Արտաքին հղումներ

• Քաղաքի պաշտոնական կայք

Վիքիպահեստն ունի նյութեր, որոնք վերաբերում են «Կրիժևցի» հոդվածին։