Կորրերի թանգարան
Կորրերի քաղաքային թանգարան (իտալ.՝ Museo Civico Correr), գեղարվեստի թանգարան Վենետիկում, որտեղ ներկայացվել են ավանդական վենետիկյան կյանքի տարբեր կողմերը, Վենետիկի հանրապետության գոյատևման վերջին շրջանը։
Կորրերի թանգարան | |
|---|---|
_Salle_de_Bal_-_Correr_Museum.jpg) | |
| Տեսակ | պատկերասրահ, պատմության թանգարան և museum of a public entity? |
| Երկիր |  Իտալիա[1] |
| Տեղագրություն | Վենետիկ[1][2] |
| Վայր | Սուրբ Մարկոսի հրապարակ |
| Հասցե | Piazza San Marco 52, 30124 Venezia[2][3]30124[1][2]Սուրբ Մարկոսի հրապարակ (52) |
| Հիմնադրվել է | 1836 |
| Հիմնադիր | Թեոդորո Կորրեր |
| Մակերես | 3818 քառակուսի մետր, 3697 քառակուսի մետր |
| Այցելուներ | 286 454 մարդ (2015), 77 009 մարդ (2020)[2], 310 458 մարդ (2019)[4], 328 205 մարդ (2018)[5], 161 365 մարդ (2021)[6] և 349 729 մարդ (2022)[3] |
| Հավաքածուի չափս | 1856 արխիվային միավոր[5] և 1856 արխիվային միավոր[7] |
| Կայք | correr.visitmuve.it(իտալ.) |
 | |
 | |
Թանգարանը գտնվում է Պրոկուրացիի նապոլեոնյան կողմում՝ Սուրբ Մարկոսի հրապարակում, սուրբ Մարկոսի տաճարի դիմաց։ Թանգարանը հիմնադրվել է 1830 թվականին՝ վենետիկցի Թեոդորո Կորրերի շնորհիվ (1750—1830), ով քաղաքին է կտակել բնանկարների և դեկորատիվ-կիրառական արվեստի իր հին իրերի ամենաթանկ հավաքածուն[8]։
Նապոլեոնի կողաշենքը միավորում է Հին և Նոր պրոկուրացիաները, սակայն ամբողջովին չի համադրվում ընդհանուր տեսքի հետ[9]։ Մինչև 1807 թվականը այդ վայրում եկեղեցի է եղել, որը քանդել են, որպեսզի Նապոլեոնի նստավայրն ամբողջացնեն նոր շքամուտքով (ճարտարապետ Ջուզեպպե Սալի)։
Ներկայումս թանգարանում ցուցադրված են երեք տարբեր հավաքածուներ։ Կանալետտոյի դպրոցի կողմից կազմված վեդուտները, Վենետիկի պատմական տեսարանները և փաստաթղթերը Թեոդորո Կորրերայի ցուցանմուշների մասն են կազմում և պատմում են քաղաքի պատմության տարբեր փուլերի մասին։ Թանգարանային այս հավաքածուն ներառում է նաև վանքապատկան գրքեր, շքեղ հանդերձանք, մետաղադրամներ և կնիքներ, ինչպես նաև պատմական զենքեր։
Թանգարանային ֆոնդի երկրորդ բաժնում ցուցադրվում է պատկերասրահը, որում ընդգրկված են վենետիկյան դպրոցի ժանրային ստեղծագործությունների մի ամբողջ շարք. Պիետրո Լոնգիի վրձնին պատկանող վենետիկյան դիմակահանդեսի դրվագները և Կարպաչչոյի «Երկու վենետիկուհիներ» նկարը, որը XIX դարում սխալմամբ համարել են կուրտիզանուհիների նկար։
Կորրերի թանգարանի երրորդ հավաքածուն ցուցադրվում է թանգարանի կազմում ընդգրկված Ռիզորջիմենտո (իտալ.՝ Museo del Risorgimento e dell'Ottocento Veneziano) թանգարանում, որտեղ այցելուները կարող են տեսնել պատմական նկարներ, հագուստ, փաստաթղթեր և փորագրություններ, որոնք փաստացի վկայություններ են Վենետիկի անկումից մինչև XIX դարի իրադարձությունների վերաբերյալ, երբ Վենետիկը միացել է Իտալիային։
Գրականություն խմբագրել
- Thorsten Droste: Venedig — DuMont Kunst-Reiseführer; DuMont Buchverlag, Köln 1996, ISBN 3-7701-3582-2, S. 313.
Ծանոթագրություններ խմբագրել
- ↑ 1,0 1,1 1,2 dati.beniculturali.it — 2014.
- ↑ 2,0 2,1 2,2 2,3 Indagine sui musei e le istituzioni similari — 2022.
- ↑ 3,0 3,1 Indagine sui musei e le istituzioni similari — 2024.
- ↑ Italian National Institute of Statistics Indagine sui musei e le istituzioni similari — 2021.
- ↑ 5,0 5,1 Indagine sui musei e le istituzioni similari — 2020.
- ↑ Indagine sui musei e le istituzioni similari — 2023.
- ↑ Italian National Institute of Statistics թանգարանների և նմանատիպ հաստատությունների վերաբերյալ ԻԱՎԻ-ի 2015 թվականի հետազոտություն — 2017.
- ↑ Ein digitaler Katalog ist über das Internet verfügbar: Կաղապար:Webarchiv, Website des Museo Correr
- ↑ Италия (Северная и Центральная). М.: Авангард, 2008, С. 208. ISBN 978-5-86394-287-2.
Արտաքին հղումներ խմբագրել
- Պաշտոնական կայքէջ(անգլ.)
 | Վիքիպահեստն ունի նյութեր, որոնք վերաբերում են «Կորրերի թանգարան» հոդվածին։ |