Կոնստանդին Մենիե
Կոնստանդին Մենիե (հոլ.՝ Constantin Meunier, ապրիլի 12, 1831[2][3][4][…], Էտերբեկ, Բրյուսել, Բելգիա - ապրիլի 4, 1905[2][3][4][…], Իքսել, Բրյուսել, Բելգիա), բելգիացի քանդակագործ և նկարիչ։
Կոնստանդին Մենիե ֆր.՝ Constantin Meunier | |
|---|---|
 | |
| Կեղծանուն | Meunier, C[1], Meunier, Constantin Emile[1] և Mene, Konstantin[1] |
| Ծնվել է | ապրիլի 12, 1831[2][3][4][…] |
| Ծննդավայր | Էտերբեկ, Բրյուսել, Բելգիա |
| Վախճանվել է | ապրիլի 4, 1905[2][3][4][…] (73 տարեկան) |
| Մահվան վայր | Իքսել, Բրյուսել, Բելգիա |
| Քաղաքացիություն |  Բելգիա[5] |
| Կրթություն | Գեղեցիկ արվեստների ակադեմիա և Գեղարվեստի թագավորական ակադեմիա |
| Մասնագիտություն | նկարիչ և քանդակագործ |
| Ոճ | ռեալիզմ |
| Թեմաներ | գեղանկարչություն[6] և քանդակագործություն[6] |
| Ուշագրավ աշխատանքներ | In the Black Country? |
| Ուսուցիչ | Ֆրանսուա Ժոզեֆ Նավեզ |
| Անդամակցություն | Kunst van Heden? |
| Զավակներ | Կառլ Մենիե |
| Ազգականներ | Georgette Meunier? |
| Կայք | fine-arts-museum.be/en/museums/musee-meunier-museum |
 Constantin Meunier Վիքիպահեստում | |
Աշակերտել է եղբորը՝ Ժ. Բ. Մենիեին, Բրյուսելի Գեղարվեստի ակադեմիայում՝ Ֆ. Ժ. Նավեզին։ 1851 թվականին սկսել է որպես ակադեմիական ուղղության քանդակագործ, սակայն շուտով անցել է գեղանկարչությանը։ Դ. Կարբեի, Ֆ. Միչեի արվեստի և Շ. դե Գրուի ազդեցությամբ ուժեղացել են Մենիեի ստեղծագործության ռեալիստական գծերը, որոնք դրսևորվել են կրոնական և պատմական սյուժեներով գունանկարներում։ 1870-1880-ական թվականներին Բելգիայի արդյունաբերական շրջաններն ու Իսպանիա կատարած ուղևորությունները Մենիեին հանգեցրել են նոր թեմայի՝ բանվորների, նրանց աշխատանքային առօրյայի պատկերմանը («Հանքահոր» բազմաֆիգուր եռանկար, մոտ 1878, Կ. Մենիեի թանգարան, Բրյուսել)։ 1880-ական թվականների կեսերին վերադարձել է քանդակագործությանը։ Կերտելով տարբեր մասնագիտության տեր բանվորների կերպարներ՝ Մենիեն ձգտել է աշխատանքային թեմային հաղորդել հերոսական հնչողություն («Մրճահար», 1885, բրոնզ, Կ. Մենիեի թանգարան), ցույց տալ կապիտալիստական լծի ծանրությունը («Ձուլողը», բրոնզ, 1886, Հին արվեստի թանգարան, Բրյուսել)։ Մենիեի քանդակներն աչքի են ընկնում ընդհանրացվածությամբ, հաճախ՝ կերպարների այլաբանությամբ ու մանրամասների դիպուկ պատկերմամբ, գրաֆիկական արտահաւտիչ ուրվագծով, բրոնզյա մակերեսի գեղանկարչական մշակումով։ 1880-ական թվականներին աշխատել է «Հուշարձան աշխատանքին» կոմպոզիցիայի վրա (ավարտվել է Մենիեի մահից հետո, բացումը՝ 1930, Բրյուսել)։ Մենիեի արվեստը մեծ նշանակություն է ունեցել բանվորական շարժումների հետ կապված 20-րդ դարի ռեալիստական արվեստի զարգացման համար։
Ծանոթագրություններ խմբագրել
- ↑ 1,0 1,1 1,2 https://mix-n-match.toolforge.org/#/entry/115957152
- ↑ 2,0 2,1 2,2 2,3 2,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 3,0 3,1 3,2 3,3 3,4 Constantin Meunier (նիդերլ.)
- ↑ 4,0 4,1 4,2 4,3 4,4 Benezit Dictionary of Artists — OUP, 2006. — ISBN 978-0-19-977378-7
- ↑ Շվեդիայի Ազգային թանգարանի նկարիչների ցանկ — 2016.
- ↑ 6,0 6,1 Չեխիայի ազգային գրադարանի կատալոգ
 | Վիքիպահեստն ունի նյութեր, որոնք վերաբերում են «Կոնստանդին Մենիե» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 461)։ 
|