Կյանքը (ֆիլմ)
Կյանքը (անգլ.՝ Life), ռեժիսոր Դանիել Էսփինսոնի ամերիկյան գիտա-ֆանտաստիկական սարսափ ֆիլմ։
 անգլ.՝ Life | |
|---|---|
.png) | |
| Երկիր |  ԱՄՆ[1] |
| Ժանր | ֆանտաստիկ ֆիլմ, սարսափ ֆիլմ, դրամա, մարտաֆիլմ և թրիլեր |
| Թվական | մարտի 23, 2017[2][3] և մարտի 24, 2017 |
| Լեզու | անգլերեն[1], ճապոներեն[1] և վիետնամերեն[1] |
| Ռեժիսոր | Դանիել Էսպինոսա |
| Պրոդյուսեր | Դևիդ Էլիսոն[1] և Բոննի Քերթիս[1] |
| Սցենարի հեղինակ | Փոլ Վեռնիկ և Ռեթ Ռիզ |
| Դերակատարներ | Ռայան Ռեյնոլդս, Ջեյք Ջիլենհոլ, Ռեբեկա Ֆերգյուսոն, Հիրոյուկի Սանադա, Էրիոն Բաքարե, Օլգա Դիխովիչնայա և Naoko Mori?[4] |
| Օպերատոր | Շեյմաս ՄակԳարվի |
| Երաժշտություն | Ջոն Էկստրանդ |
| Կինոընկերություն | Columbia Pictures և Skydance Media[5] |
| Տևողություն | 104 րոպե |
| Բյուջե | 58 000 000 $[6][7] |
| Շահույթ | 100 541 806 $[7] և 30 234 022 $[8] |
| Պաշտոնական կայքէջ | |
Ֆիլմի համաշխարհային պրեմիերան կայացել է 2017 թվականի մարտի 18-ին South by Southwest կինոփառատոնում։
Սյուժե խմբագրել
ՄՏԿ-ում գտնվող հետազոտողների խումբը, պատրաստվում է յուրացնել Մարսից վերադառցող ապարների նմուշներով մոդուլին։ Ռորի Ադամսը (Ռայան Ռեյնոլդս) ձեռքի մանիպուլյատորի օգնությամբ հասցնում է բռնել ՄՏԿ-ին մոտ թռչող մոդուլը։ Նմուշների հետազոտության ժամանակ հաստատվում է, որ մարսագնացը ապարների առաջնային վերլուծության ժամանակ չի սխալվել, և նրանց մեջ իսկապես կյանք կա։ Հետազոտողները հայտնաբերում են ենթադրաբար միաբջիջ արարած, որին Երկրի վրա տալիս են Քելվին անունը (ի պատիվ ԱՄՆ 30-րդ նախագահ Քալվին Քուլիջի)։
Քելվինի զարգացման գործընթացում պարզվում է, որ նա իրենից ներկայացնում է բազմաբջիջ գաղութային մարմին։ Հետազոտական սենյակում փոքր միջադեպից հետո, Քելվինը ընկնում է թմրության վիճակի մեջ։ Փորձելով նրան էլեկտրական շոկերի միջոցով դուրս բերել այս վիճակից, Քելվինը սկզբում կոտրում է Հյու Դերիի (Էրիոն Բակարե) մատները և ձեռքը, որից հետո ցույց տալով աննախադեպ սրամտություն, դուրս է գալիս սենյակից, բարձրանում Ռորիի կոկորդին, որը եկել էր Հյուին օգնելու և սպանում նրան։ Այնուհետև Քելվինը դուրս է գալիս Ռորիի մարմնից և դառնում մի քանի անգամ ավելի մեծ։
Արշավախմբի ավագ, Եկատերինա Գոլովկինան (Օլգա Դիխովիչնայա) Քելվինին ոչնչացնելու հրաման է տալիս, սակայն այրիչը, որով Ռորին ուզում էր սպանել այլմոլորակայինին բախվում է հրդեհային սենսորի հետ և ակտիվացվում է հրդեհի մարման համակարգը։ Քելվինը հասցնում է լաբորատորիայից դուրս գալ նրա խողովակներից մեկի միջոցով։ Միևնույն ժամանակ շարքից դուրս են գալիս Երկրի հետ հաղորդակցվելու համար սարքավորումները, չնայած նրանք հասցրել էին ուղարկել աղետի ազդանշան։ Եկատերինան դուրս է գալիս բաց տիեզերք, որպեսզի ախտորոշի պատճառը և գալիս է այն եզրակացության, որ Քելվինը որպես սնունդ կլանել է սարքավորումների սառեցման համակարգի սառնագենտը և այն գերտաքացել է։ Այդ պահին Քելվինը դուրս է գալիս խողովակաշարից դեպի տիեզերք և ընդգրկում Եկատերինայի սկաֆանդրը շարքից դուրս է բերում կենսապահովման համակարգը, Եկատերինան մահանում է, շնչահեղձ լինելով սկաֆանդրի սառեցնող սառնագենտով։ Թիմը հասկանում է, որ ոչ մի դեպքում չի կարելի թույլ տալ, որպեսզի Քելվինը հայտնվի Երկրում։ Հաշվի առնելով ծայրահեղ պայմաններին և նույնիսկ խորը վակուումի մեջ նրա գոյատևման գերբարձր հարմարունակությունը, նա կարող է ողջ մնալ, նույնիսկ եթե Երկրի վրա իջեցնեն ՄՏԿ-ի ուղեծրից մեկը։
Մինչդեռ, Քելվինը ցածր սնուցող շարժիչներից մեկի միջոցով անցնում է կայան։ Հետազոտողներ՝ Դևիդ Ջորդանը (Ջեյք Ջիլենհոլ), Միրանդա Նորթը (Ռեբեկկա Ֆերգյուսոն) և Շո Մուրակամին (Հիրոյուկի Սանադա) որոշում են մեկուսացնել ՄՏԿ-ի մեկուսամասերը իրարից, սակայն Քելվինը հասցնում է թափանցել Հյուի հագուստի տակ ու սկսում է ուտել նրա ոտքը, ինչի պատճառով նա մահանում է։ Թիմը փորձում է ազատվել Քելվինից։ Դևիդը և Միրանդան փակվում են կառավարման սենյակում, իսկ Շոն թաքնվում է քնելու համար նախատեսված պատիճախցիկում։ Քելվինը փորձում է կոտրել պատիճախցիկի ապակին, բայց հետո վերադառնում է Հյուի դիակի կլանմանը։
Դևիդը և Միրանդան հայտնաբերում են, որ ՄՏԿ-ին մոտենում է տիեզերանավ, որը ծայրակցում է և փորձում է իր շարժիչների միջոցով դուրս բերել ՄՏԿ-ն դեպի բաց տիեզերք՝ Երկրից հեռու, քանի որ Երկրի վրա, ստանալով աղետի ազդանշանը, նրանք որոշեցին լիովին ոչնչացնել կայանը համաձայն Միրանդայի կողմից մշակված արձանագրության։ Շոն մտածելով, թե եկել են նրանց փրկելու, դուրս է գալիս պատիճախցիկից և թռչում դեպի շլյուզ, որպեսզի հանդիպի «փրկարարներին»։ Բացելով ծայրակցող շլյուզը, Շոն, ինքն էլ այդ չուզենալով, հնարավորություն է տալիս Քելվինին հարձակվել «փրկարարների» վրա, որոնց մարսեցին սպանում է։ Դևիդը և միրանդան փորձում են փրկել Շոին, բայց ապարդյուն, և նույնիսկ ՄՏԿ-ի ապահերմետիկացումը չի նպաստում դրան։
Դևիդը մտածում է Քելվինին թթվածնային մոմերով գայթակղել փրկարար պատիճախցիկներից մեկում փակել և ուղարկել նրան տիեզերք, իսկ մեկ այլ պատիճախցիկում Միրանդան կիջնի Երկիր ու կփրկվի։ Դևիդը թռչում է պատիճախցիկներից մեկում և փակվում այնտեղ Քելվինի հետ։ Նույն պատիճախցիկում փակվում է Միրանդան։ Պատիճախցիկները ծայրակցում են և նրանցից մեկը սկսում է արգելակվել Երկրի մթնոլորտ մտնելու համար, իսկ մյուսը թռչում է դեպի տիեզերք։
Իջնելով Երկրի վրա կապսուլան ջրէջք է կատարում Հարավչինական ծովում։ Ձկնորսները, որոնք մոտ էին, նայեցին իլյումինատորին և տեսնում Դևիդին, Փաթաթված Քելվինով և գոռալով «Ոչ, ոչ, ոչ»։ Միևնույն ժամանակ պարզվում է, որ Միրանդայի պատիճախցիկի ու ՄՏԿ-ի բեկորների հետ բախման արդյունքում, շարքից դուրս է եկել կառավարման համակարգը և կապսուլային քշում է ավելի հեռու, դեպի տիեզերք Միրանդայի սարսափած աղաղակների տակ։ Իսկ ձկնորսները, չնայած Դևիդի աղաղակներին բացում են պատիճախցիկը և նրա ընկած վայրին լողալով մոտենում են շատ նավակներ․․․
Դերերում խմբագրել
| Դերասան | Դեր |
|---|---|
| Ջեյք Ջիլենհոլ | Դևիդ Ջորդան |
| Ռեբեկա Ֆերգյուսոն | Միրանդա Նորթ |
| Ռայան Ռեյնոլդս | Ռորի Ադամս |
| Հիրոյուկի Սանադա | Շո Մուրակամի |
| Էրիոն Բակարե | Հյու Դերի |
| Օլգա Դիխովիչնայա | Եկատերինա Գոլովկինա |
Արտադրում խմբագրել
2015 թվականի նոյեմբերի 18-ին Deadline.com կայքը հայտնել է, որ նախագիծը ֆինանսավորող Skydance Media ընկերությունը կանչել է ռեժիսոր Դանիել Էսփինսոնին, «Կյանքը» ֆիլմի նկարահանումների համար, Փոլ Վերնիկի և Ռետ Ռիվզի սցենարով[9]։ Ֆիլմի պրոդյուսերներ դարձել են Դևիդ Էլիսոնը, Դանա Գոլդբերգը, Բոնի Քերթիսը և Ջուլի Լիննը։
2016 թվականի հունվարի 28-ին Ռեբեկկա Ֆերգյուսոնը ստացել է ֆիլմում գլխավոր դերը[10]։ 2016 թվականի փետրվարի 16-ին դերասանական կազմին միացել է Ռայան Ռեյնոլդսը[11]։ 2016 թվականի մարտի 10-ին հայտնի է դարձել, որ Ջեյք Ջիլենհոլը կհայտնվի ֆիլմում[12]։ 2016 թվականի հունիսի 23-ին Հիրոյուկի Սանադան միացել է ֆիլմի դերասանական կազմին, որպեսզի կատարի Միջազգային տիեզերական կայանի տիեզերագնացի դերը[13]։ 2016 թվականի հուլիսի 19-ին The Hollywood Reporter ամսագիրը հայտնել է, որ Էրիոն Բակարեն և Օլգա Դիխովիչնայան կխաղան Միջազգային տիեզերական կայանի անձնակազմի անդամների դերերը[14]։
Հիմնական նկարահանումները սկսվել են 2016 թվականի հուլիսի 19-ին Shepperton Studios լոնդոնյան կինոընկերությունում[14]։
Մարքեթինգ խմբագրել
Թրեյլերի պրեմիերան կայացել է 2016 թվականի հոկտեմբերի 30-ին։ Ֆիլմի վերջնական թրեյլերը թողարկվել է 2017 թվականի փետրվարի 10-ին։
Ծանոթագրություններ խմբագրել
- ↑ 1,0 1,1 1,2 1,3 1,4 1,5 Internet Movie Database — 1990.
- ↑ Internet Movie Database — 1990.
- ↑ http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx
- ↑ ČSFD (չեխերեն) — 2001.
- ↑ FilmAffinity — 2002.
- ↑ http://deadline.com/2017/03/life-director-daniel-espinosa-interview-ridley-scott-alien-movie-waterboarding-denzel-washington-ryan-reynolds-jake-gyllenhaal-qa-1202046117/
- ↑ 7,0 7,1 http://www.boxofficemojo.com/movies/?id=life2017.htm
- ↑ Box Office Mojo — 1999.
- ↑ Jaafar, Ali (2015 թ․ նոյեմբերի 18). «Daniel Espinosa To Direct 'Life' For David Ellison's Skydance». Deadline.com (անգլերեն). Penske Business Media, LLC. Վերցված է 2017 թ․ մարտի 8-ին.
- ↑ Kroll, Justin (2016 թ․ հունվարի 28). «Rebecca Ferguson to Star in Skydance's Sci-fi Pic 'Life' (EXCLUSIVE)». Variety (անգլերեն). Վերցված է 2017 թ․ մարտի 8-ին.
- ↑ Fleming, Mike Jr (2016 թ․ փետրվարի 16). «'Deadpool' Star Ryan Reynolds Orbiting Mars Mission Thriller 'Life' For Skydance Productions». Deadline.com (անգլերեն). Վերցված է 2017 թ․ մարտի 8-ին.
- ↑ Kroll, Justin (2016 թ․ մարտի 10). «Jake Gyllenhaal Joins Ryan Reynolds, Rebecca Ferguson in 'Life' (EXCLUSIVE)». Variety (անգլերեն). Վերցված է 2017 թ․ մարտի 8-ին.
- ↑ Pedersen, Erik (2016 թ․ հունիսի 24). «Taylor John Smith Dives Into 'Hunter Killer'; Hiroyuki Sanada Gets 'Life'». Deadline.com (անգլերեն). Վերցված է 2017 թ․ մարտի 8-ին.
- ↑ 14,0 14,1 Kit, Borys (2016 թ․ հուլիսի 19). «Jake Gyllenhaal Sci-Fi Thriller 'Life' Adds Two». The Hollywood Reporter (անգլերեն). Վերցված է 2017 թ․ մարտի 8-ին.