Լևոն Դարբինյան
Լևոն Խնկանոսի Դարբինյան (մայիսի 29, 1905[1], Ալաստան, Ախալքալաքի շրջան, Սամցխե-Ջավախեթի մարզ, Վրաստան[1] - դեկտեմբերի 28, 1943[1], Կորոստիշև, Ժիտոմիրի մարզ, Ուկրաինական ԽՍՀ, ԽՍՀՄ[1]), հայ խորհրդային զինվորական, Խորհրդային Միության հերոս (ետմահու, հունվարի 10, 1944), գվարդիայի գնդապետ։
Լևոն Դարբինյան | |
---|---|
մայիսի 29, 1905[1] - դեկտեմբերի 28, 1943[1] (38 տարեկան) | |
Ծննդավայր | Ալաստան, Ախալքալաքի շրջան, Սամցխե-Ջավախեթի մարզ, Վրաստան[1] |
Մահվան վայր | Կորոստիշև, Ժիտոմիրի մարզ, Ուկրաինական ԽՍՀ, ԽՍՀՄ[1] |
Գերեզման | Կորոստիշև |
Քաղաքացիություն | Ռուսական կայսրություն և ԽՍՀՄ |
Զորատեսակ | տանկային զորքեր |
Կոչում | գնդապետ |
Մարտեր/ պատերազմներ | Հայրենական մեծ պատերազմ[1] |
Կրթություն | Վիստրել (1934)[1] և Մ. Վ. Ֆրունզեի անվան ռազմական ակադեմիա[1] |
Պարգևներ |
Կենսագրություն խմբագրել
1927 թվականին ավարտել է Երևանի Ալեքսանդր Մյասնիկյանի անվան հայկական միացյալ ռազմական դպրոցը, 1934 թ.-ին՝ «Վիստրել» դասընթացները (Մոսկվա)։
Սովորել է Մ․ Ֆրունզեի անվան ռազմական ակադեմիայում։ «Հայրենական մեծ պատերազմի» սկզբին կռվել է Կենտրոնական, ապա՝ Հարավ-Արևմտյան ռազմաճակատներում։ Եղել է գնդի հրամանատար, դիվիզիայի հրամանատարի տեղակալ։ 1943 թվականին մասնակցել է Վորոնեժի և Առաջին ուկրաինական ռազմաճակատների ռազմական գործողություններին։
Աչքի է ընկել Խարկովի ազատագրման, Դնեպրի գետանցման, Կիևի, Ֆաստովի համար մղված մարտերում։ 1943 թվականի դեկտեմբերին Դարբինյանի ղեկավարած 69-րդ մեքենայացված բրիգադը[2] ճեղքեց թշնամու ամրությունները Կիևից արևմուտք և հնարավորություն ստեղծեց ազատագրելու Կորոստիշև քաղաքը։ Այդ գործողությունների ժամանակ Դարբինյանը ծանր վիրավորվեց և մահացավ։
Պարգևներ խմբագրել
Հետմահու արժանացել է Խորհրդային Միության հերոսի կոչման։
Պարգևատրվել է Լենինի, Կարմիր դրոշի 2, Կարմիր աստղի, Հայրենական մեծ պատերազմի 1-ին աստիճանի շքանշաններով։
Ծանոթագրություններ խմբագրել
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ «Дарбинян Левон Хнканосович». www.warheroes.ru. Վերցված է 2016 թ․ հոկտեմբերի 12-ին.
Գրականություն խմբագրել
- Герои Советского Союза. Краткий биографический словарь. Том 1. М.: Воениз., 1987
- Золотые Звезды Полесья. 3-е изд., Киев, 1985
- Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 января (№ 3 (263)). — С. 1
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 312)։ |