Լուքսոր
- Անվան այլ կիրառումների համար տե՛ս՝ Լուքսոր (այլ կիրառումներ)
Լուքսոր (արաբ․՝ الأقصر), քաղաք Վերին (Հարավային) Եգիպտոսում, նույնանուն նահանգի վարչական կենտրոնը։ 2012 թվականի տվյալներով բնակչության թվաքանակը եղել է 506,588[2]։ Զբաղեցնում է շուրջ 417 քառակուսի կիլոմետր տարածք[3]։ Կլիմայաբուժական առողջավայր է, զբոսաշրջիկության կենտրոն։ Հիմնադրվել է Թեբե (Եգիպտոսի մայրաքաղաքը 21-11-րդ դդ. մ.թ.ա.) քաղաքի տեղում։ Լուքսորի արևմտյան ծայրամասում է (հին Թեբեի մի մասը) Ամոն-Ռա, Մուտ և Հոնսու աստվածների տաճարը։ Հյուսիսից հարավ ձգված կառույցը բաղկացած է՝ սրբարանից, հիպոստիլ նախասրահից (32 սյուն), ուղղանկյուն, 45 x 51 մ չափերի երկշար 64 սյուներով բակից, կենտրոնական մեծ սյունաշարից (մ.թ.ա. 15-րդ դ. 2-րդ կես, ճարտ. Ամենհոտեպ Կրտսեր և ուրիշներ)։ 2-րդ պիլոնը (առջևում Ռամզես 11-ի[փա՞ստ] 6 արձաններն են) և պարագծային երկշար 74 սյուներով ու մեկընդմեջ՝ փարավոնների արձաններով բակը կառուցվել են մ.թ.ա. 1317-1251 թվականներին (ճարտ. Բեկենհոնսու)։
Քաղաք | |||||
---|---|---|---|---|---|
Լուքսոր | |||||
| |||||
Երկիր | Եգիպտոս | ||||
Մակերես | 416 կմ² | ||||
ԲԾՄ | 89±1 մետր | ||||
Բնակչություն | ▲202 232 մարդ (նոյեմբերի 11, 2006)[1] | ||||
Ժամային գոտի | UTC+2 | ||||
Հեռախոսային կոդ | 0952 | ||||
Փոստային դասիչ | 85511 | ||||
Պաշտոնական կայք | luxor.gov.eg | ||||
| |||||
Լուքսորը հաճախ բնորոշվում է որպես «աշխարհի ամենամեծ բացցթյա թանգարան». Կառնակի և Լուքսորի հուշարձանների համալիրների ավերակները ընկած են ժամանակակից քաղաքի շրջագծում; Անմիջականորեն դրանց դիմաց՝ Նեղոսի հակառակ ափին, ընկած են Թեբեի նեկրոպոլիսի տաճարներն ու դամբանները՝ ներառելով Թագավորների հովիտը և Թագուհիների հովիտը։
Ամեն տարի աշխարհի տարբեր ծայրերից հազարավոր զբոսաշրջիկներ են գալիս՝ դիտելու պատմաճարտարապետական, մշակութային եզակի հուշարձանները և զգալի ավանդ են ներդնում ժամանակակից քաղաքի զարգացման գործում։
Ծանոթագրություններ խմբագրել
- ↑ http://www.citypopulation.de/Egypt-Cities.html
- ↑ «World Gazetteer – Egypt: largest cities and towns and statistics of their population». Արխիվացված է օրիգինալից 2012 թ․ դեկտեմբերի 10-ին.. Retrieved on 27 July 2010.
- ↑ «Data from Luxor.gov.eg». Արխիվացված է օրիգինալից 2007 թ․ հունիսի 9-ին. Վերցված է 2007 թ․ հունիսի 4-ին.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 698)։ |