Լուիս Ալֆրեդ Վիլց
Լուիս Ալֆրեդ Վիլց (անգլ.՝ Louis Alfred Wiltz, հունվարի 21, 1843, Օռլեան շրջան, Լուիզիանա, ԱՄՆ - հոկտեմբերի 16, 1881[1][2], Օռլեան շրջան, Լուիզիանա, ԱՄՆ), ամերիկացի քաղաքական գործիչ, Լուիզիանայի 29-րդ նահանգապետ։
| Լուիս Ալֆրեդ Վիլց | |
| |
| Կուսակցություն՝ | Դեմոկրատական կուսակցություն |
|---|---|
| Մասնագիտություն՝ | քաղաքական գործիչ |
| Դավանանք | Հռոմի Կաթոլիկ եկեղեցի |
| Ծննդյան օր | հունվարի 21, 1843 |
| Ծննդավայր | Օռլեան շրջան, Լուիզիանա, ԱՄՆ |
| Վախճանի օր | հոկտեմբերի 16, 1881[1][2] (38 տարեկան) |
| Վախճանի վայր | Օռլեան շրջան, Լուիզիանա, ԱՄՆ |
| Քաղաքացիություն | .svg){kind=small} ԱՄՆ
|
Կենսագրություն խմբագրել
Լուիս Ալֆրեդ Վիլցը ծնվել է 1834 թվականի օգոստոսի 20-ին, Նոր Օռլեանում՝ Ջ․ Բ․ Թեոֆիլի և Լուիզա Իրեն Վիլցի ընտանիքում։ 15 տարեկանում ավարտել է պետական դպրոցը, որից հետո սկսել է աշխատել Plauche and Co առևտրական ընկերությունում։ Ընկերության սնանկանալուց հետո Վիլցը դարձել է Լուիզիանայի 2-րդ շրջանային դատարանի աշխատող[3]։
Քաղաքացիական պատերազմի սկսվելուց հետո Վիլցը որպես շարքային զորակոչվել է Ամերիկայի Համադաշնային Նահանգների բանակ, բայց արագ հասել է մինչև կապիտանի կոչման[4]։ Հետագայում նրան գերի են վերցրել, իսկ հետո արձակել են գերիների փոխանակման ժամանակ[5]։ 1863 թվականին ամուսնացել է Միքայելե Բյենվենյուի հետ։ Նրանք չորս դուստր և մեկ որդի են ունեցել[3][4]։
1868 թվականին Վիլցն ընտրվել է Լուիզիանայի ներկայացուցիչների պալատ և Նոր Օռլեանի դպրոցական խորհուրդ[3]։ 1872 թվականին ընտրվել է քաղաքապետ, բայց չի կարողացել պաշտոնն զբաղեցնել մինչև 1875 թվականը՝ հանրապետական քաղաքապետի կողմից գրասենյակն ազատելու մերժման պատճառով։ 1875 թվականին զբաղեցրել է Պալատի խոսնակի, իսկ 1877-1880 թվականներին՝ փոխնահանգապետի պաշտոնը։
1879 թվականին, Լուիզիանայի նոր սահմանադրության ընդունումից հետո, նահանգապետ Ֆրենսիս Նիկոլսի ժամկետը կրճատվել է մեկ տարով[6]։ Նոր ընտրությունները կայացել էին 1879 թվականի դեկտեմբերի 2-ին, և Վիլցը հեշտությամբ հաղթել էր իր հանրապետական հակառակորդին։ Նրա երդմնակալության արարողությունը կայացել է 1880 թվականի հունվարի 13-ին։ Վիլցի՝ նահանգապետ դառնալը կապվում է կոռուպցիայի ծաղկման հետ։
Լուիս Վլիցը, որը հիվանդ էր տուբերկուլոզով, մահացել է 1881 թվականի հոկտեմբերի 16-ին, իր գրասենյակում[3][4]։ Հուղարկավորված է Նոր Օռելանի Սենթ Լուիս № 2 գերեզմանատանը[3][4]։
Ծանոթագրություններ խմբագրել
- ↑ 1,0 1,1 1,2 SNAC — 2010.
- ↑ 2,0 2,1 2,2 Find A Grave — 1996.
- ↑ 3,0 3,1 3,2 3,3 3,4 «Louis Alfred Wiltz» (անգլերեն). New Orleans Public Library. Արխիվացված է օրիգինալից 2013 թ․ հունվարի 8-ին. Վերցված է 2012 թ․ նոյեմբերի 15-ին.
- ↑ 4,0 4,1 4,2 4,3 «Louis Alfred Wiltz» (անգլերեն). La-Cemeteries. Արխիվացված է օրիգինալից 2013 թ․ հունվարի 8-ին. Վերցված է 2012 թ․ նոյեմբերի 15-ին.
- ↑ «Louisiana Governor Louis Aflred Wiltz» (անգլերեն). National Governors Association. Արխիվացված է օրիգինալից 2013 թ․ հունվարի 8-ին. Վերցված է 2012 թ․ նոյեմբերի 15-ին.
- ↑ «Louis Alfred Wiltz» (անգլերեն). Louisiana Secretary of State. Արխիվացված է օրիգինալից 2013 թ․ հունվարի 8-ին. Վերցված է 2012 թ․ նոյեմբերի 15-ին.
Գրականություն խմբագրել
- John Kendall. Chapter 22: Wiltz // History of New Orleans. — Chicago and New York: The Lewis Publishing Company, 1922. — P. 342-358.
- Robert Sobel, John Raimo. Biographical Directory of the Governors of the United States, 1789–1978. — Westport, Conn.: Meckler Books, 1978. — Т. 4.
- Joseph G. Dawson III. The Louisiana Governors: From Iberville to Edwards. — Baton Rouge: Lousiana State University Press, 1990.