Լիմա

Լիմա (իսպ.՝ Lima), Պերուի մայրաքաղաքը և խոշորագույն քաղաքը, ինչպես նաև Լիմա դեպարտամենտի կենտրոնը։ Լիմա քաղաքը Պերուի տնտեսական, քաղաքական և մշակութային կենտրոնն է։ Քաղաքի տարածքը՝ 804 կմ², իսկ արվարձաններով՝ 4310 կմ²։

Քաղաք
Լիմա
իսպ.՝ Lima
Դրոշ Զինանշան
Երկիր	Պերու
Քաղաքապետ	Սուսանա Վիլյարան
Հիմնադրված է	հունվարի 18, 1535 թ.
Առաջին հիշատակում	1535
Այլ անվանումներ	Ciudad de los Reyes (Թագավորների Քաղաք)
Մակերես	2672,3 կմ²
ԲԾՄ	154 մետր
Բնակչություն	7 605 742 մարդ (2007)
Խտություն	2846,1 մարդ/կմ²
Ագլոմերացիա	8 472 935
Ժամային գոտի	UTC-5
Հեռախոսային կոդ	51 1
Փոստային դասիչ	15001
Պաշտոնական կայք	munlima.gob.pe​(իսպ.)
Լիմա (Պերու)
Լիմա Վիքիպահեստում

Անվանում

Հիմնադրել է իսպանացի կոնքիստադոր Ֆրանսիսկո Պիսառոն 1535 թվականին և անվանել Cuidad de los Reyes «Արքաների քաղաք» (հիմնադրումը տեղի է ունեցել «երեք արքաների» կաթոլիկական տոնի օրը)։

Այժմյան Լիմա անվանումը Ռիմակ գետի անվան աղավաղված ձևն է։ Կեչուա լեզվով ռիմակ նշանակել է «խոսող», «նա, ով խոսում է»՝ ի հիշատակ այն ժամանակների, երբ այս վայրերում եղել է պատգամախոսարան։

Պատմություն

1536 թվականին Մանկո 2-րդի գլխավորությամբ Ինկայի ապստամբական ստորաբաժանումները պաշարեցին քաղաքը, բայց իսպանացիները կարողացան պաշտպանվել։

1543 թվականին Լիման դարձավ իսպանական տիրապետության կենտրոնը Հարավային Ամերիկայում։ Ըստ 1614 թվականի մարդահամարի Լիմայում բնակվում է 25154 մարդ․ իսպանացիներ և կրեոլներ՝ 5257, իսպանացի կանայք՝ 4359, սևամորթ տղամարդիկ՝ 4529, սևամորթ կանայք՝ 5857, մուլաթաները՝ 744, հնդկացիներ՝ 1116, հնդկուհիներ՝ 867, մեստիզոսը և մետրիսները՝ 192, վանականները, միանձնուհիները և նրանց ծառաները՝ 2227։

Պատկերասրահ

• 
• 
• 
• 
• 
• 
• 

Ծանոթագրություններ

Վիքիպահեստն ունի նյութեր, որոնք վերաբերում են «Լիմա» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 616)։