Լարս Հերտերվիգ
Լարս Հերտերվիգ (նորվ.՝ Lars Hertervig, փետրվարի 16, 1830[1][2][3], Թյուսվեր, Ռուգլան, Նորվեգիա - հունվարի 6, 1902[4][5][1][…], Սթավանգեր, Ռուգլան, Նորվեգիա), նորվեգացի նկարիչ, բնապատկերների վարպետ։ Նորվեգիայում նրան անվանում են «Lysets maler»՝ լույսի նկարիչ[6]։ Առավել հայտնի են Ռյուֆյուլկե շրջանի նրա կիսաերևակայական բնանկարները։
Լարս Հերտերվիգ | |
|---|---|
 | |
| Ի ծնե | բուկմոլ՝ Lars Larsen Hertervig |
| Ծնվել է | փետրվարի 16, 1830[1][2][3] |
| Ծննդավայր | Թյուսվեր, Ռուգլան, Նորվեգիա |
| Վախճանվել է | հունվարի 6, 1902[4][5][1][…] (71 տարեկան) |
| Մահվան վայր | Սթավանգեր, Ռուգլան, Նորվեգիա |
| Քաղաքացիություն |  Նորվեգիա |
| Կրթություն | Դյուսելդորֆի գեղարվեստի ակադեմիա և Նորվեգիայի արհեստագործական և արվեստի արդյունաբերության ազգային ակադեմիա |
| Մասնագիտություն | նկարիչ |
 Lars Hertervig Վիքիպահեստում | |
Կենսագրություն խմբագրել
Լարս Հերտերվիգը ծնվել է 1830 թվականին Թյուսվեր քաղաքում։ 1852 թվականին սկսել է սովորել Դյուսելդորֆի գեղարվեստի ակադեմիայում Հանս Գուդեի մոտ։ Երկու տարի անց նրա մոտ ի հայտ են եկել շիզոֆրենիայի ակնհայտ նշաններ, և նա ստիպված է եղել հեռանալ ակադեմիայից և վերադառնալ Նորվեգիա՝ Սթավանգեր։ Հետագայում նա ամբողջ կյանքի ընթացքում տառապել է հոգեկան հիվանդությունից։ Միջերկրական ծովի ափին բուժումը չի օգնել, և 1856 թվականի հոկտեմբերին նրան ընդունել են Օսլոյի Գաուստադ հոգեբուժարան։ Բուժումն անհաջող է ընթացել, և կյանքի վերջին 30 տարիները նա ապրել է գրեթե աղքատության մեջ. բավարար գումար չի ունեցել նույնիսկ կտավներ գնելու համար և ստիպված է եղել աշխատել գուաշով և ջրաներկով։ Որոշ գործերում նա նույնիսկ մի քանի շերտով թղթեր է փակցրել՝ կտավը նմանակելով։ Նկարիչը մահացել է Սթավանգերի խնամակալների տանը։ Կյանքի ընթացքում գրեթե անհայտ է մնացել։ Նրա ստեղծագործությունների մասնակցությամբ առաջին խոշոր ցուցահանդեսը տեղի է ունեցել 1914 թվականին՝ նկարչի մահից 12 տարի անց։
Հերտերվիգի լանդշաֆտներում ներկայացված են Սթավանգերի տեսարանները, ժայռերն ու սոճիները։ Նրա լանդշաֆտներում ժայռերն ու ծառերը ֆանտաստիկ ուրվագծեր ունեն, հատկապես 1860-ական թվականներից հետո ստեղծված գործերում։ Ժայռերն ու ամպերը հաճախ շատ լավ են նկարված, բնապատկերներին բնորոշ է կապույտ երկինքը։
Հիշատակ խմբագրել
Նորվեգացի գրող Յուն Ֆոսեի «Մելամաղձություն» (Melancholia I, 1995) վեպը նվիրված է Լարս Հերտերվիգին[7]։
Սթավանգերում պահպանվել է նկարչի տունը։ Նրա պատվին անվանվել են փողոց և հրապարակ։
Գրականություն խմբագրել
- Koefoed, Holger. Lars Hertervig : lysets maler. Gyldendal, 1984. ISBN 82-05-14982-8.
- Koefoed, Holger. I Lars Hertervigs skog. Gyldendal, 1991 ISBN 82-05-19169-7.
Պատկերասրահ խմբագրել
-
«Անտառային լիճ», 1865, Արվեստի, ճարտարապետության և դիզայնի ազգային թանգարան -
«Թյուսվերից», Սթավանգերի արվեստի թանգարան -
«Ծովային բնապատկեր», Նորվեգիայի ազգային պատկերասրահ
Ծանոթագրություններ խմբագրել
- ↑ 1,0 1,1 1,2 1,3 1,4 KulturNav — 2015.
- ↑ 2,0 2,1 Բրոքհաուզի հանրագիտարան (գերմ.)
- ↑ 3,0 3,1 Koefoed H. Hertervig [Hertervik, Lars] // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — ISBN 978-1-884446-05-4 — doi:10.1093/GAO/9781884446054.ARTICLE.T037885
- ↑ 4,0 4,1 4,2 RKDartists (նիդերլ.)
- ↑ 5,0 5,1 5,2 Lars Hertervig — OUP, 2006. — ISBN 978-0-19-977378-7
- ↑ «Michael Price, From darkness into light--the legacy of Lars Hertervig, Scandinavian Review». Արխիվացված է օրիգինալից 2009 թ․ հոկտեմբերի 28-ին. Վերցված է 2018 թ․ փետրվարի 4-ին.
- ↑ The complete review
Արտաքին հղումներ խմբագրել
- Lars Hertervig (1830-1902) (Stavanger kunstmuseum)
- Lars Hertervig og Carl Fredrik Hill – kreativitet og psykisk sykdom (Tidsskrift for Den norske legeforening)
- Lars Hertervig (1830-1902) (Lokalhistorie fra Rogaland) Արխիվացված 2016-03-24 Wayback Machine
- Dokusommer: Lars Hertervig: Lysets vanvidd
 | Վիքիպահեստն ունի նյութեր, որոնք վերաբերում են «Լարս Հերտերվիգ» հոդվածին։ |