Իվան Օկունևի կիսանդրի (Նիժնի Տագիլ)
Իվան Օկունևի կիսանդրի (ռուս.՝ Бюст Ивана Окунева), հուշարձան Ռուսաստանի Դաշնության Սվերդլովսկի մարզի Նիժնի Տագիլ քաղաքում, որը նվիրված է «Ուրալվագոնզավոդ» գործարանի երկարամյա տնօրեն, Սոցիալիստական աշխատանքի հերոս Իվան Վասիլևիչ Օկունևին։ Տեղադրված է «Ուրալվագոնզավոդ» գործարանի մշակույթի պալատի մոտ գտնվող Օկունևի անվան մշակույթի զբոսայգում, քաղաքի Ձերժինսկի շրջանում, «Ուրալվագոնզավոդի» Վագոնկա ավանում։ Սա Օկունևի բրոնզե կիսանդրին է գրանիտե պատվանդանի վրա։
 | |
|---|---|
 | |
 | |
| Տեսակ | հուշարձան |
| Երկիր |  Ռուսաստան |
| Բնակավայր | Նիժնի Տագիլ |
| Շինության ձև | Կիսանդրի |
| Ներկա վիճակ | Կանգուն |
Պատմություն խմբագրել
Իվան Վասիլևիչ Օկունևը «Ուրալվագոնզավոդ» գործարանի տնօրենն է եղել մոտ քսան տարի` 1949-1968 թվականներին։ Ձեռնարկության 75-ամյակի առթիվ որոշվել է կառուցել նրա հուշարձանը։ Հուշարձանի հեղինակն է նիժնիտագիլցի հայտնի քանդակագործ Իվան Յակովլևիչ Բոգոլյուբովը (1934-2014 թվականներ)։ 1998 թվականին նա ստեղծել է արձանը ձուլելու համար նախատեսված գիպսե մոդելը, որը շատ նման էր Օկունևի պատկերին և արժանացել էր նրա դստեր` Օլգայի Իստոմինայի հավանությանը։ 160 սանտիմետր բարձրությամբ հուշարձանը ձուլվել է բրոնզից «Տագիլսկոյե լիտյո» ձեռնարկությունում և տեղադրվել է գրանիտե պատվանդանին` դեմքով դեպի «Ուրալվագոնզավոդ» գործարանը։ Օկունևի կրծքին պատկերված է Սոցիալիստական աշխատանքի հերոսին շնորհված «Սուրճ ու մանգաղ» ոսկե աստղը։ Գրանիտե պատվանդանին արված է «Օկունև Ի. Վ.» մակագրությունը։
Հուշարձանի հանդիսավոր բացումը տեղի է ունեցել 2011 թվականի սեպտեմբերի 7-ին։
Աղբյուրներ խմբագրել
- «Памятник И. В. Окуневу». История Нижнего Тагила от основания до наших дней. Վերցված է 2016 թ․ ապրիլի 8-ին.
- Пресс-служба НПК «Уралвагонзавод» (2011 թ․ սեպտեմբերի 8). «В Нижнем Тагиле состоялось открытие памятника И.В. Окуневу». TagilCity.ru. Վերցված է 2016 թ․ ապրիլի 8-ին.