Իվան Կռիլովի հուշարձան (Մոսկվա)
Իվան Կռիլովի հուշարձան (ռուս.՝ Памятник Ивану Крылову), հուշարձան Ռուսաստանի Դաշնության մայրաքաղաք Մոսկվայում, որը նվիրված է ռուս բանաստեղծ, առակագիր, թարգմանիչ Իվան Անդրեևիչ Կռիլովին։ Տեղադրված է Հայրապետական լճակների մոտ՝ Մալայա Բրոննայա փողոցում։
 | |
|---|---|
 Իվան Կռիլովի հուշարձանը | |
 | |
 | |
| Տեսակ | հուշարձան |
| Ստեղծում | 1976 |
| Երկիր |  Ռուսաստան |
| Քաղաք | Մոսկվա |
| Բնակավայր | Պրեսնենսկի շրջան |
| Շինության ձև | Քանդակ |
| Ներկա վիճակ | Կանգուն |
 Krylov's monument in Moscow Վիքիպահեստում | |
Պատմություն խմբագրել
Իվան Կռիլովի հուշարձանի հեղինակներն են քանդակագործ Անդրեյ Ալեքսանդրովիչ Դրևինը (1921-1996) և ճարտարապետ Արմեն Չալտիկյանը (1937-1994)։ Հուշարձանը բացվել է 1976 թվականի սեպտեմբերի 17-ին։
Առակագիրը պատկերված է զբոսայգու նստարանին նստած։ Իվան Կռիլովը ցույց է տրված այնպես, ինչպես նկարագրում են նրա ժամանակակիցները՝ հագնված փոքր-ինչ թափթփված, ծույլ, ֆլեգմատիկ և բարեհոգի մարդ։ Կռիլովի պատկերաքանդակն ունի դիմանկարային նմանություն գրողի հետ, տեղադրված է լայն և ցածր գրանիտե պատվանդանին, որի վրա արված է պարզ մակագրություն. «Իվան Անդրեևիչ Կռիլով»։
Քանդակագործական հորինվածքը ներառում է նաև Ի. Ա. Կռիլովի 12 առակների հերոսների բարձրաքանդակները։ Դրանց հեղինակն է քանդակագործ Դանիել Միտլյանսկին։ Բարձրաքանդակները գտնվում Կռիլովի քանդակից որոշակի հեռավորության վրա։ Պատկերված են քառյակի երաժիշտները (Կապիկը, Էշը, Այծը և ծուռթաթ Արջուկը), Փիղն ու Մոսկան, ակնոցով Կապիկը, Ագռավն ու Աղվեսը և այլն։ Արձանի շուրջ տեղադրվել են դեպի լճակը նայող նստարաններ։
Կռիլովի և նրա առակների հերոսների հուշարձանը պարբերաբար վերանորոգվում է[1]։
Պատկերասրահ խմբագրել
-
Հուշարձանը ձմռանը -
Հուշարձանը հեռվից
Ծանոթագրություններ խմբագրել
- ↑ «На Патриарших прудах реставрируют памятник Ивану Крылову». РИА Новости, Центральный округ. Վերցված է 2005 թ․ հուլիսի 8-ին.(չաշխատող հղում)
Աղբյուրներ խմբագրել
- «Памятник Ивану Крылову». intomoscow.ru. Արխիվացված է օրիգինալից 2019 թ․ նոյեմբերի 18-ին. Վերցված է 2013 թ․ օգոստոսի 31-ին.
- «Памятник И.А. Крылову». Московский туристический портал. Արխիվացված է օրիգինալից 2016 թ․ մարտի 4-ին. Վերցված է 2013 թ․ օգոստոսի 31-ին.