Իմ կանաչաթև լեդի (կտավ)
«Իմ կանաչաթև լեդի» (անգլ.՝ My Lady Greensleeves), անգլիացի պրեռաֆայելիտ նկարիչ Դանթե Գաբրիել Ռոսսետտիի նկարը՝ ստեղծված 1863 թվականին։ Ներկայումս նկարը գտնվում է Ֆոգի պատկերասրահի հավաքածուում[2]։
 | |
|---|---|
 | |
| տեսակ | գեղանկար |
| նկարիչ | Դանթե Գաբրիել Ռոսսետտի |
| տարի | 1863 |
| բարձրություն | 33 սանտիմետր |
| լայնություն | 27,3 սանտիմետր |
| ստեղծման վայր | Միացյալ Թագավորություն[1] |
| նյութ | յուղաներկ և փայտե տախտակ |
| գտնվում է | Ֆոգ թանգարան |
| հավաքածու | Ֆոգ թանգարան և Հարվարդի արվեստների թանգարան |
Ծանոթագրություններ | |
 My Lady Greensleeves by Dante Gabriel Rossetti Վիքիպահեստում | |
Տեղեկություն նկարի մասին խմբագրել
Հերոսուհու կերպարը և նկարի անվանումը վերցված է անգլիական բանահյուսական «Կանաչ թևեր» բալլադից, որը հայտնի է 16-րդ դարից։ 1859 թվականին Ռոսսետտին ստեղծել է նաև համանուն ջրաներկ՝ բոլորովին այլ կոմպոզիցիայով և հերոսուհու կերպարով[3]։
Նկարի համար 1863 թվականին բնորդուհի է դարձել Վ. Ջ. Նյուսթաբը՝ Ռոսսետտիի օգնականներից մեկի կինը[3]։ Նկարիչը սկսել է աշխատել ստեղծագործության վրա դեռևս 1854 թվականին, երբ ստեղծել է մատիտով առաջին էսքիզը։ Եվս մեկ ուրվանկար արվել է 1855 թվականին։ Երկու էսքիզների համար բնորդուհի է եղել Էլեն Սմիթը[3]։ Նկարի հակառակ կողմում առկա է Ռոսսետտիի գրած բանաստեղծությունը, որի բնօրինակը պահվում է Ֆոգի թանգարանի արխիվում[2]։
Ռոսսետտին ավարտել է նկարը 1863 թվականի մայիսին։ Ռոսսետտիի նկարների հիմնական գնորդներից մեկը՝ Ջորջ Բոյսը, ենթադրել է, որ նկարն իրեն բաժին կհասնի, սակայն չափազանց հիասթափված էր՝ լսելով, որ նկարիչն ուղարկել է այն արվեստի գործերի միջնորդ Էռնեստ Գամբարտին։ Իրականում նկարը մնացել է Ռոսսետտիի մոտ մինչև 1863 թվականի դեկտեմբեր, այդ ժամանակ այն գնել է Ջորջ Ռեյը[3]։ 1943 թվականին նկարը վերագնվել է Ֆոգի թանգարանի հավաքածուի համար[2]։
Ծանոթագրություններ խմբագրել
- ↑ https://www.harvardartmuseums.org/collections/object/230036
- ↑ 2,0 2,1 2,2 «From the Harvard Art Museum Collections — My Lady Greensleeves». Harvard Art Museums.
- ↑ 3,0 3,1 3,2 3,3 «My Lady Greensleeves». Rossetti Archive.