Իդլիբ
Իդլիբ (արաբ․՝ ادلب), քաղաք Սիրիայի Արաբական Հանրապետության հյուսիսարևմտյան մասում։ Համանուն մարզի վարչական կենտրոնն է։ Ունի 165000 բնակչություն[1]։ Գտնվում է Հալեպից 40, Լաթակիայից` 168, Համայից` 121 կմ հեռավորության վրա։
| Քաղաք | ||
|---|---|---|
| Իդլիբ | ||
| արաբ․՝ ادلب | ||
 | ||
| Երկիր |  Սիրիա | |
| Մուհաֆազա | Իդլիբի մարզ | |
| Մինտակա | Իդլիբի գավառ | |
| Նահիյա | Իդլիբի շրջան | |
| Մակերես | 23 կմ² | |
| Բնակչություն | 165 000 մարդ (2010[1]) | |
| Ժամային գոտի | UTC+2 | |
| Հեռախոսային կոդ | 23 | |
| Պաշտոնական կայք | eidleb.sy | |
| ||
Իդլիբի բնակչության մեծ մասն զբաղվում է գյուղատնտեսությամբ։ Հողը շատ բարեբեր է. այնտեղ մշակում են բամբակ, հացահատիկ, ձիթապտուղ, թուզ, խաղող, լոլիկ, քունջութ, նուշ։ Զբաղվում են նաև ապակու, օճառի արտադրությամբ։
Պատմություն խմբագրել
Միջին դարերում Իդլիբը ձիթապտղի ու ձիթապտղի օճառի արտադրության կենտրոն էր։ Այնտեղ պատրաստված օճառը վաճառվում էր Հալեպում, Համայում, Անտիոքում, Ստամբուլում։
2011 թվականին՝ Դառաայի մարզում տեղի ունեցած ապստամբությունից հետո, հակակառավարական ցույցեր եղան նաև Իդլիբի գավառում։ Պետական պաշտոնյաների վրա զինված հարձակումներ այստեղ տեղի էին ունեցել դեռ ապրիլին։ Հունիսի 6-ի իրադարձությունները Սիրիայի պատմության մեջ մտան որպես «Ջիսր ալ-Շուղուրի սպանդ»։ Այդ օրը սիրիական զորքերը միայն պաշտոնական տվյալներով այս քաղաքում տվեցին 120 սպանված։ Դրանց երկու երրորդը գազանաբար սպանվել էր քաղաքային ոստիկանության ու հատուկ ուժերի գրասենյակի վրա հարձակման ժամանակ։ Սիրիայի քաղաքացիական պատերազմի ժամանակ քաղաքը գրավվել է ապստամբերի կողմից։ Նրանք քաղաքի վերահսկողությունն իրենց ձեռքում պահեցին մի քանի ամիս։ 2012 թվականի մարտի 13-ին Սիրիայի պետական զորքերը գրավեցին Իդլիբ քաղաքը[2]։ Սակայն նույն տարվա հուլիսին Իդլիբի գավառի մեծ մասը նորից անցավ ապստամբների վերահսկողության տակ[3]։
Մարզական կյանք խմբագրել
1972 թվականին հիմնադրված «Օմայա Իդլիբ» ֆուտբոլային ակումբն ամենահայտնին է քաղաքում։ Ակումբը մասնակցել է Սիրիայի Պրեմիեր լիգային 2011-2012 մրցաշրջանում։
Ծանոթագրություններ խմբագրել
Գրականություն խմբագրել
- Baedeker, Karl (1912), Palestine and Syria, with routes through Mesopotamia and Babylonia and the island of Cyprus: handbook for travellers, K. Baedeker
- Casule, F. (2008), Art and History Syria, Casa Editrice Bonechi, ISBN 8847601193
- Angelo, Ferrari (2009), Proceedings 4th International Congress on "Science and Technology for the Safeguard of Cultural Heritage in the Mediterranean Basin", vol. 1, Angelo Ferrari-CNR, Institute of Chemical Methodologies, ISBN 889668031X
- Food and Agriculture Organization of the United Nations (1996). Citrus Pest Problems and Their Control in the Near East. Food & Agriculture Org. ISBN 9251033013.
- Inalcik, Halil (1997), An Economic and Social History of the Ottoman Empire, Cambridge University Press, ISBN 0521574552
- Porter, Josias Leslie (1858). A Handbook for Travellers in Syria and Palestine. Vol. 1. Murray.
Արտաքին հղումներ խմբագրել
- Պաշտոնական կայք Արխիվացված 2012-12-04 archive.today
 | Վիքիպահեստն ունի նյութեր, որոնք վերաբերում են «Իդլիբ» հոդվածին։ |