Ժոսլեն III (Եդեսիայի կոմս)
Ժոսլեն III դը Կուրտենե (ֆր.՝ Josselin III de Courtenay, 1134-1200), Եդեսիայի կոմսության տիտղոսավոր կոմս 1159 թվականից։ Երուսաղեմի արքունիքի մարեշալ կամ մարշալ 1156-1159 թվականներին, սենեշալ՝ 1176-1190 թվականներին։ Եդեսիայի կոմս Ժոսլեն II-ի և Բեատրիսա դը Սոնի որդին։
Ժոսլեն III Josselin III | |||
| |||
---|---|---|---|
1159 - 1200 | |||
Նախորդող | Ժոսլեն II | ||
| |||
1156 - 1159 | |||
Նախորդող | Օդո դը Սենտ Աման | ||
Հաջորդող | Վիլյամ | ||
| |||
1176 - 1190 | |||
Նախորդող | Ռալֆ | ||
Հաջորդող | Օբերտոս Նեպոս | ||
Մասնագիտություն՝ | կառավարիչ, Ֆեոդալներ, պաշտոնյա և միապետ | ||
Ազգություն | ֆրանսիացի | ||
Դավանանք | Կաթոլիկություն | ||
Ծննդյան օր | 1134 | ||
Ծննդավայր | Ֆրանսիա | ||
Վախճանի օր | 1200 | ||
Վախճանի վայր | Հալեպ | ||
Դինաստիա | Կուրտենե | ||
Հայր | Ժոսլեն II | ||
Մայր | Բեատրիս դը Սոն | ||
Ամուսին | Agnes of Milly? | ||
Զավակներ | Beatrix de Courtenay? և Agnès of Courtenay? |
Հարիմի ճակատամարտում Նուր ալ-Դին Մահմուդի կողմից գերի է ընկել[1], որտեղ անցկացրել է տասներկու տարի, սակայն Նուր ալ-Դին Մահմուդի մահից հետո Ժոսլենի քույր Ագնես Կուրտենեի վճարած 50 հազար դինարի դիմաց ազատվել է[2]։ Գործունյա առևտրական և հնարամիտ պալատական Ժոսլենը, որպես Բադուին IV արքայի հորեղբայր՝ արագ հարստացացավ։ Նա ստեղծեց այսպես կոչված Երուսաղեմի թագավորության հինգերորդ ենթակա կոմսությունը (ընդհանուր առմամբ նրանք չորսն էին)։ Նա միակը չէր, ողջ թագավորությունը կազմված էր առանձին հողատարածքներից։ Բացի դրանից, Ժոսլենին անցնում էին որոշ առևտրական մաքսեր, ինչը երբեմն բերում էր ավելի շատ եկամուտ, քան հողը։
1187 թվականի հուլիսին Ժոսլենը մնացել է Աքքայում (հավանաբար, նա Տիբերիայում խաչակիրների հարձակման նախօրեին վնասել է իր ոտքը և չի կարողացել ձի հեծնել) և Հատտինի Կոտոշների ճակատամարտին չի մասնակցել։ Իմանալով պարտության մասին, նա արագ բանակցություններ է սկսել Սալահ ալ-Դինի դեսպանների հետ՝ քաղաքի հանձնման մասին։ Երբ 1191 թվականին քաղաքը Ռիչարդ I Առյուծասիրտ արքայի կողմից գրավվել է, Ժոսլենը վախից չի ներկայացրել իր նախկին պահանջները։
Ծանոթագրություններ խմբագրել
Գրականություն խմբագրել
- Nicholson, R. B. «Joscelyn III & the Fall of the Crusaders States». Brill, 1973: