Թունավորություն

Թունայնություն (լատին․՝ toxicus[1] «թունավոր»), թունաչափական ցուցանիշ, այն հաշվարկվում է որպես մեծություն, որը հակադարձ է միջին մահացու չափաքանակին կամ թունային նյութի միջին մահացու կոնցենտրացիային։

Կմախքն ու խաչված ոսկորները թունավորության, ինչպես նաև՝ առհասարակ վտանգի ընդհանուր նշան են համարվում

Թունայնության ցուցանիշներ

Նյութի թունայնությունը գնահատվում է փորձառական կամ հետադարձ տվյալների օգնությամբ։ Հաճախ թունայնությունը գնահատելու համար օգտագործում են LD50 ցուցանիշը։

Ըստ տաքարյուն կենդանիների համար թունայնության` թույները բաժանվում են չորս խմբի` ըստ գործող նյութի զանգվածի` կենդանի օրգանիզմի 1 կիլոգրամ զանգվածի դիմաց.

1. Չափազանց թունային` միջին մահացու չափաքանակը՝ 15 մգ/կգ-ից պակաս։

2. Բարձր թունային` միջին մահացու չափաքանակը` 15-150 մգ/կգ։

3. Չափավոր թունային` միջին մահացու չափաքանակը` 151-1500 մգ/կգ։

4. Քիչ թունային` միջին մահացու չափաքանակը` առավել 1500 մգ/կգ։

Տես նաև

• Թունագիտություն
• Թույն
• Քաղցկեղածին
• Մուտագեններ
• Տոքսիններ

Արտաքին հղումներ

• Agency for Toxic Substances and Disease Registry(անգլ.)
• Chemical and Other Safety Information — Oxford University Արխիվացված 2013-08-31 Wayback Machine(անգլ.)
• Whole Effluent, Aquatic Toxicity Testing FAQ Արխիվացված 2021-04-14 Wayback Machine(անգլ.)