Թունաթափ
Թունաթափ | |
Դասակարգում | |
Թագավորություն | Բույսեր (Plantae) |
Ենթատիպ | Սերմնավոր բույսեր (Spermatophytes) |
Կարգ | Բոգածաղկավորներ (Gentianales) |
Ընտանիք | Շնամեռուկազգիներ (Apocynaceae) |
Ենթաընտանիք | Asclepiadoideae |
Տրիբա | Asclepiadeae |
Ենթատրիբա | Tylophorinae |
Ցեղ | Թունաթափ (Vincetoxicum) Wolf, 1776 |
Թունաթափ (անգլ.՝ Vincetoxicum), թունաթափագգիների ընտանիքի բազմամյա խոտաբույսերի կամ կիսաթփերի ցեղ։
Տարածում խմբագրել
Տարածված է Արագածոտնի, Շիրակի, Լոռու, Տավուշի, Գեղարքունիքի, Վայոց ձորի, Սյունիքի մարզերում։ Աճում է անտառեզրերին, թփուտներում, քարքարոտ լանջերին և այլն։
Կենսաբանական նկարագիր խմբագրել
Ցողունն ուղղաձիգ է կամ փաթաթվող, բարձրությունը՝ 20-180 սմ։ Տերևները պարզ են, հակադիր, ամբողջաեզր, ձվաձև կամ ձվանշտարաձև։ Ծաղկաբույլը վահանաձև է, տերևանութային կամ գագաթնային։ Ծաղիկները դեղնականաչավուն են կամ սպիտակ։ Ծաղկում է ամռանը։ Պտուղը՝ մեկ, հազվադեպ երկու տերևապտուղ Է։ Սերմերը փուփուլավոր են։
Կիրառում խմբագրել
Որոշ տեսակներ պարունակում են կաուչուկ, գլիկոզիդներ և այլն։ Մեղրատու է։
Տեսակներ խմբագրել
Germplasm Resources Information Network (GRIN) կայքում բերված են թունաթափ 12 տեսակները[1]։ Հայտնի է 100 (այլ տվյալներով՝ 150), ՀՀ-ում՝ 4 տեսակ՝
- Թունաթափ լայնատերև (V.amplifolium),
- Թունաթափ գորշավուն (V. fuscatum),
- Թունաթափ դեղատու (V. hirundinaria),
- Թունաթափ թաղման (V. funebre)
Ծանոթագրություններ խմբագրել
- ↑ См. раздел «Ссылки»
Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |