Էրիկ Բոգոսյան
Էրիկ Բոգոսյան (անգլ.՝ Eric Bogosian, ապրիլի 24, 1953[1], Ուոբըրն, Միդլսեքս շրջան, Մասաչուսեթս, ԱՄՆ), ամերիկահայ դերասան[2], սցենարիստ, թատերագիր, մոնոլոգիստ, վիպասան։ Հեղինակել է բազմաթիվ թատերգություններ, որոնցից Talk Radio-ն (1987) և subUrbia-ն (1994) էկրանավորվել են. դրանց հիման վրա նկարահանված ֆիլմերի ռեժիսորներն են համապատասխանաբար Օլիվեր Սթոունը և Ռիչարդ Լինքլեյթերը։
| Էրիկ Բոգոսյան Eric Bogosian | |
|---|---|
 | |
| Ծնվել է | ապրիլի 24, 1953[1] (70 տարեկան) |
| Ծննդավայր | Ուոբըրն, Միդլսեքս շրջան, Մասաչուսեթս, ԱՄՆ |
| Քաղաքացիություն |  ԱՄՆ |
| Մայրենի լեզու | անգլերեն |
| Կրթություն | Օբերլինի քոլեջ և Woburn Memorial High School? |
| Մասնագիտություն | դերասան, սցենարիստ, գրող, դրամատուրգ, հեռուստատեսային դերասան, վիպասան, կինոդերասան և թատրոնի դերասան |
| Պարգևներ և մրցանակներ | |
 Eric Bogosian Վիքիպահեստում | |
Բոգոսյանը դերակատարումներով հանդես է եկել բազմաթիվ թատերական ներկայացումներում, կինոնկարներում, հեռուստաֆիլմերում ու հեռուստասերիալներում։ Նրա հեռուստատեսային հիշարժան դերերից են կապիտան Դենի Ռոսը Law & Order: Criminal Intent-ում (2006–2010), Լոուրենս Բոյդը Billions-ում (2017–2018), Ջիլ Իվիսը Succession հեռուստասերիալում (սկսվել է 2018 թվականից)։ Բոգոսյանը գլխավոր հերոսի կերպարի մարմնավորմամբ հանդես է եկել կինոռեժիսորներ Սաֆդի եղբայրների Uncut Gems ֆիլմում (2019)։ Բացի այդ, Նյու Յորքում մասնակցել է բալետային բեմադրությունների։ Այս ամենի հետ մեկտեղ հեղինակել է մի շարք վեպեր, գրել պատմագիտական «Նեմեսիս գործողությունը» գիրքը (Operation Nemesis, (2015):
Մրցանակներ խմբագրել
Բոգոսյանը մի շարք հեղինակավոր մրցանակների դափնեկիր է, որոնց թվում է Բեռլինի միջազգային կինոփառատոնի «Արծաթե արջ»-ը (շնորհվել է Talk Radio ֆիլմում իր դերակատարման համար[3]): Նա արժանացել է նաև «Դրամա Դեսկ» մրցանակի[4], երեք անգամ՝ «Օբի» մրցանակի։ 2004 թվականին նրան շնորհվել է Գուգենհայմ կրթաթոշակ[5]։ Բացի այդ, Բոգոսյանը երկու անգամ խրախուսական ֆինանսավորում է ստացել արվեստների ամերիկյան ազգային հիմնադրամից (National Endowment for the Arts[6]):
Անձնական կյանք խմբագրել
Պողոսյանը ծնվել է ԱՄՆ Մասաչուսեթս նահանգի Բոստոն քաղաքում` Էդվինա և Հենրի Պողոսյանների ընտանիքում։ Հայրը հաշվապահ էր, մայրը՝ վարսավիր[7][8]։ Վաղ մանկությունն անց է կացրել Ուոթերթաունում, որի բնակիչների մեջ մեծ թիվ էին կազմում ցեղասպանությունից մազապուրծ փրկված և Ամերիկայում ապաստան գտած հայերը։ Հետագայում ընտանիքով տեղափոխվել են Ուոբուրն, որտեղ Էրիկը հաճախել է Woburn Memorial High School ավագ դպրոցը և դեռ դպրոցական տարիներին հրապուրվել թատրոնով։ Չիկագոյի համալսարանում սովորելուց և Օբեռլինի քոլեջն ավարտելուց[9] հետո Բոգոսյանը մեկնել է Նյու Յորք՝ թատրոնում սկսելու իր դերասանական կարիերան։ 1980 թ. ամուսնացել է նյույորքյան թատրոններից մեկի տնօրեն Ջո Էնն Բունիի հետ։ Ունեն 2 որդի՝ Հարրի և Թրևիս Բոգոսյանները[10]։
Ընտրյալ ֆիլմագրություն խմբագրել
- 1986 — 1988 — Քրեական պատմություններ (սերիալ) / Crime Story — Դի
- 1988 — «Քեյն»-ի խռովարարի դատը / The Caine Mutiny Court-Martial — լեյտենանտ Բարնի Գրինվալդ
- 1988 — Ռադիոզավզակություն / Talk Radio — Բարրի Չեմփլեն
- 1990 — Կաղապար:Год в кино — Օրենք ու կարգ (սերիալ) / Law & Order — Գերի Լովենթալ
- 1994 — Վհուկների որս / Witch Hunt — Լարսոն Քրոքեթ
- 1995 — Դոլորես Քլեյբորն / Dolores Claiborne — Փիթեր
- 1995 — Պաշարման մեջ 2։ Մթին տարածք / Under Siege 2: Dark Territory — Թրևիս Դեյն
- 1996 — Բիվիսն ու Բաթհեդը «շինում» են Ամերիկան (մուլտֆիլմ) / Beavis and Butt-head Do America — կերպարի հնչյունավորում
- 1997 — Մասնատելով Հարրիին / Deconstructing Harry — Բերթ
- 2000- Բամբասանք / պրոֆեսոր
- 2001 — 2010 — Կլինիկա (սերիալ) / Scrubs — դոկտոր Գրոս
- 2001 — …. — Օրենք ու կարգ. Հանցավոր մտադրություն (սերիալ) / Law & Order: Criminal Intent — կապիտան Դենի Ռոս
- 2002— Արարատ / Ararat — Ռուբեն
- 2003 — Չարլիի հրեշտակները. Միայն առա՛ջ / Charlie’s Angels: Full Throttle — Ալան Քոլֆիլդ
- 2003 — Հրաշքների երկիր / Wonderland — Էդդի Նեշ
- 2004 — Բլեյդ. Երրորդություն / Blade: Trinity — Բենթլի Թիթլ
- 2008 — Ռեկորդս կադիլլակը / Cadillac Records — Ալան Ֆրիդ
- 2017 — Միլիարդներ / Billions — Բայդ
- 2019 — Չհղկված ակնաքարեր / Uncut Gems — Առնո
Գրական երկեր խմբագրել
- Men in Dark Times
- Scenes from the New World
- Sheer Heaven (1980)
- Men Inside (1981)
- The New World (1981)
- FunHouse (1983)
- Drinking in America (1986) (արժանացել է «Դրամա Դեսկ» մրցանակի)
- Talk Radio (թատերգություն, 1987) (նաև՝ Talk Radio ֆիլմ, 1988)
- Sex, Drugs, Rock & Roll (1990)
- Notes from the Underground (1993)
- Pounding Nails in the Floor with My Forehead (1994)
- subUrbia (թատերգություն, 1994) (նաև՝ subUrbia ֆիլմ, 1996)
- Griller (1998)
- Mall (2000)
- Wake Up and Smell the Coffee (2000)
- Humpty Dumpty (2004)
- Non-profit Benefit
- Red Angel
- Wasted Beauty (2005)
- 1+1 (2008)
- Perforated Heart (2009)
- Operation Nemesis (ոչ գեղարվեստական գիրք, 2015)
Ծանոթագրություններ խմբագրել
- ↑ 1,0 1,1 Internet Broadway Database — 2000.
- ↑ Anny Bakalian //Armenian Americans: From Being to Feeling Armenian Արխիվացված 2017-11-08 Wayback Machine // Transaction Publishers, 2011 p.438 (511) ISBN 1412842271, 9781412842273
- ↑ «'Rain Man' Wins Golden Bear Award For Best Full-Length Film». Associated Press. 1989 թ․ փետրվարի 21. Վերցված է 2019 թ․ դեկտեմբերի 27-ին.
- ↑ «In Performance: Eric Bogosian Performs Excerpt from 100 (Monologues)». BroadwayWorld. 2013 թ․ հոկտեմբերի 15. Վերցված է 2019 թ․ դեկտեմբերի 27-ին.
- ↑ «John Simon Guggenheim Foundation | Eric Bogosian». Վերցված է 2019 թ․ դեկտեմբերի 27-ին.
- ↑ «Eric Bogosian To Lead Talkback Panel Following Performance Of DAYBREAK At Pan Asian Rep». BroadwayWorld. 2018 թ․ ապրիլի 27. Վերցված է 2019 թ․ դեկտեմբերի 27-ին.
- ↑ «Eric Bogosian Biography (1953-)». filmreference.com.
- ↑ CurrentObituary.com. «Henry Bogosian - Obituary - Watertown, MA - Aram Bedrosian Funeral Home».
- ↑ Kogan, Rick (1993 թ․ ապրիլի 25). «ON BROADWAY WITH ERIC BOGOSIAN». Chicago Tribune. Վերցված է 2019 թ․ դեկտեմբերի 27-ին.
- ↑ De Vries, Hilary (1991 թ․ հունիսի 23). «COVER STORY : Hello, America . . . Eric Bogosian Calling : Having earned a reputation as a biting commentator on stage, the monologuist wants to put his vision on the big screen». Los Angeles Times. Վերցված է 2019 թ․ դեկտեմբերի 27-ին.
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Էրիկ Բոգոսյան» հոդվածին։ |