Էրատո ջոկատ

Էրատո ջոկատ, 2018 թվականին Հայաստանի վարչապետ դարձած Նիկոլ Փաշինյանի տիկնոջ կողմից ստեղծված զինված ջոկատ, որը բաղկացած էր բացառապես աղջիկներից ու կանացից։ Ըստ Աննա Հակոբյանի՝ ջոկատը կոչվել է Հայոց թագուհի Էրատոյի անվամբ^[1]։

2020 թվականի սեպտեմբերի 27-ին սկսված 44-օրյա պատերազմի կեսերին Աննա Հակոբյանը հայտարարեց, որ ստեղծում է կանանց ջոկատ, որպեսզի մեկնի հայ-ադրբեջանական շփման գիծ և մասնակցի մարտական գործողություններին։ Նոյեմբերի 6-ին նա իր ֆեյսբուքյան էջով հայտարարեց, որ 10-օրյա մարզումներից հետո պատրաստ են մարտական առաջադրանք կատարելու^[1]։ Չնայած 2020 թվականի նոյեմբերի 9 լույս 10-ի գիշերը ստորագրվեց պատերազմական գործողությունների դադարեցման մասին հայտարարությունը՝ Աննա Հակոբյանը դեռևս նոյեմբերի 13-ին իր ֆեյսբուքյան էջով հայտնեց, որ իր ստեղծած «Էրատո» կանանց ջոկատի հետ դեռևս գնտվում է Արցախում և շարունակում է պահել իրեն վստահված մարտական դիրքը^[2]։ Այդ հրապարակման մեջ նա նաև ասել է․

Այս ընթացքում ինձ փոխանցեցին, որ Երևանում փնտրում են ինձ, հետաքրքրվում են, թե որտեղ եմ։ Ուզում եմ ասել, որ ոչ մի տեղ չեմ գնացել, մենք մեր ջոկատով շարունակում ենք պահել այն դիրքը, որն այս ընթացքում վստահված է եղել մեզ։ Մենք այստեղ կանգնած ենք և վստահված է վերահսկել նաև այն ձորը, որտեղից հնարավոր էր թշնամու դիվերսանտների խմբերի սողոսկում դեպի մեր տարածք։ Գիտեմ, որ այս ընթացքում մեծ քննարկում է եղել, թե ինչու եմ ես զինվորագրվել հայրենիքի պաշտպանությանը^[2]։
- Աննա Հակոբյան

Համաձայն մի շարք լրատվամիջոցների հրապարակումների և տարածված տեսանյութերի՝ Աննա Հակոբյանն իր ջոկատի հետ միասին իրականում չի եղել հայ-ադրբեջանական շփման գծում, այլ գտնվելիս է եղել Գորիս քաղաքի հյուրանոցներից մեկում։ Տարածված տեսանյութերում երևում էր, թե ինչպես էին ջոկատի անդամները շարքով դուրս գալիս հյուրանոցից և այնուհետև նույն կերպ վերադառնում^[3]^[4]^[5]։

Ջոկատի կազմը խմբագրել

Էրատո ջոկատը կազմված է բացառապես կանացից և աղջիկներից։ Ջոկատի հրամանատարն է Աննա Հակոբյանը։ Ջոկատի մյուս անդամների մասին գրեթե տեղեկություններ հայտնի չեն։ Անդամներից մեկը ոմն Գայանեն է, ում մասին մամուլում մի շարք հրապարակումներ գրվեցին։ Ըստ այդ հրապարակումների Գայանեն Աբխազիայից է և սերտ հարաբերություններ ունի այնտեղի թուրք առևտրականների հետ^[6]։

Ծանոթագրություններ խմբագրել

[factor.am-1] 1,0 ^1,1 «Հայոց թագուհի Էրատոյի անունը կրող մեր ջոկատը պատրաստ է մարտական առաջադրանքի կարարման. Աննա Հակոբյան»(արխիվացված 21․03․2021թ․)

[armenpress.am_ահ1-2] 2,0 ^2,1 «Աննա Հակոբյանն իր հավաքագրած «Էրատո» ջոկատի հետ շարունակում է պահել իրենց վստահված դիրքը», (արխիվացված)։

[irakanum_ահ1-3] ««Էրատտո»-ականների համար սահմանը եղել է Գորիս քաղաքի «Գորիս» հյուրանոցը․ ինչպես են նրանք շարքով դուրս գալիս և հետ գալիս հյուրանոց», (արխիվացված 21.03.2021թ․)։

[newspress_ահ1-4] ««Էրատտո»-ականների համար սահմանը եղել է Գորիս քաղաքի «Գորիս» հյուրանոցը․ ինչպես են նրանք շարքով դուրս գալիս և հետ գալիս հյուրանոց», (արխիվացված)։

[hayeli_ահ1-5] ««Էրատտո»-ականների համար սահմանը եղել է Գորիս քաղաքի «Գորիս» հյուրանոցը․ ինչպես են նրանք շարքով դուրս գալիս և հետ գալիս հյուրանոց»։

[168.am_G-6] «Ո՞վ է Աննա Հակոբյանի «Էրատո» ջոկատի Գայանեն և ի՞նչ կապ ունի նա թուրքերի հետ(արխիվացված 21․03․2021թ․)

[1]

[2]

[3]

[4]

[5]

[6]