Էմմա Տահմիզյան
Էմմա Տահմիզյան (բուլղար․՝ Емма Тахмизян, անգլ.՝ Emma Tahmizian, դեկտեմբերի 13, 1957, Պլովդիվ, Բուլղարիա), հայկական ծագմամբ բուլղարացի դաշնակահարուհի։
| Էմմա Տահմիզյան | |
|---|---|
| Բնօրինակ անուն | անգլ.՝ Emma Tahmizian |
| Ի ծնե անուն | բուլղար․՝ Емма Тахмизян |
| Ծնվել է | դեկտեմբերի 13, 1957 (66 տարեկան) Պլովդիվ, Բուլղարիա |
| Երկիր |  Բուլղարիա և  ԱՄՆ |
| Մասնագիտություն | դաշնակահարուհի և երաժշտության ուսուցիչ |
| Գործիքներ | դաշնամուր |
| Աշխատավայր | Lawrence University? |
| Կրթություն | Երաժշտության պետական ակադեմիա և Ջուլիարդ դպրոց |
Կենսագրություն խմբագրել
Էմմա Տահմիզյանը ծնվել է 1957 թվականին Պլովդիվում, Առաջին աշխարհամարտից հետո Բուլղարիայում հաստատված հայ գաղթականների ընտանիքում։ Ութ տարեկանում արժանացել է Սոֆիայում կայացած ազգային փառատոնի մրցանակին։ Սովորել է Բուլղարիայի ազգային երաժշտական ակադեմիայում (Կոնստանտին Գանևի դասարան)։ 1974-1985 թվականներին դարձել է մի շարք միջազգային մրցույթների հաղթող, այդ թվում` 1977 թվականին Ցվիկաուում Ռոբերտ Շումանի անվան դաշնակահարների և երգիչների միջազգային մրցույթի հաղթող։ Հանդես է եկել Մոսկվայի, Լենինգրադի, Հալլեի, Բեռլինի սիմֆոնիկ նվագախմբերի հետ։ 1985 թվականին Վան Կլիբերնի անվան դաշնամուրային միջազգային մրցույթին մասնակցությունից հետո մնացել է ԱՄՆ-ում և բնակություն հաստատել Նյու Յորքում։ Կատարելագործվել է Ջուլիարդ դպրոցում (Ադել Մարկուս դասարան)։
Հանդես է գալիս կամերային երաժշտության համերգներով, մենահամերգներով հանդես է եկել Նյու Յորքի Մերկին համերգասրահում, Բոստոնի Ջորդան սրահում, Սմիթսոնյան ինստիտուտում։
Դասավանդում է Վիսկոնսին նահանգի Լոուրենսա համալսարանում, ինչպես նաև՝ Բոուդին միջազգային երաժշտական փառատոնի ամառային դպրոցում[1]։
Մասնակցություն մրցույթներին խմբագրել
- Ռոբերտ Շումանի անվան դաշնակահարների և երգիչների միջազգային VII մրցույթի 1-ին մրցանակի դափնեկիր (Ցվիկաու, Գերմանիայի Դեմոկրատական Հանրապետություն, 1977)[2]
- Չայկովսկու անվան VII միջազգային մրցույթի 7-րդ մրցանակ (Մոսկվա, 1982)[3][4]
- Լիդս քաղաքում կայացած դաշնակահարների մրցույթի 6-րդ մրցանակ (Մեծ Բրիտանիա, 1984)[5]
- Վան Կլիբերնի անվան դաշնամուրային միջազգային մրցույթի 4-րդ մրցանակ (ԱՄՆ, 1985)
Ծանոթագրություններ խմբագրել
- ↑ «Teatime: Emma Tahmizian, piano». Bowdoin. 2012. Վերցված է 2014 թ․ մարտի 24-ին.
- ↑ «Winners» (անգլերեն). Schumann Zwickau. Արխիվացված է օրիգինալից 2009 թ․ դեկտեմբերի 7-ին. Վերցված է 2014 թ․ մարտի 24-ին.
- ↑ «Международные конкурсы им. П. И. Чайковского». КомпактБук. Արխիվացված է օրիգինալից 2014 թ․ մարտի 24-ին. Վերցված է 2014 թ․ մարտի 24-ին.
- ↑ «VII Международный конкурс им. П.И.Чайковского. Концерт лауреатов». Гостелерадиофонд. Արխիվացված է օրիգինալից 2014 թ․ մարտի 24-ին. Վերցված է 2014 թ․ մարտի 24-ին.
- ↑ Leeds International Pianoforte Competition
Արտաքին հղումներ խմբագրել
- «Emma Tahmizian, piano». Biographies of key organizations and personnel (անգլերեն). Nathan Currier Classical Composer. Արխիվացված է օրիգինալից 2014 թ․ մարտի 24-ին. Վերցված է 2014 թ․ մարտի 24-ին.