Էմի Բրենեման
Էմի Բրենեման (անգլ.՝ Amy Frederica Brenneman, հունիսի 22, 1964, Նյու Լոնդոն), ամերիկացի դերասանուհի, պրոդյուսեր և սցենարիստ, որը հինգ անգամ առաջադրվել է «Էմմի» և երեք անգամ՝ «Ոսկե գլոբուս» մրցանակի։ Առավել հայտնի է «Նյու Յորքի ոստիկանություն», «Արդար Էմի», «Լքվածները» և «Մասնավոր պրակտիկա» ֆիլմերում խաղացած դերերով։ Կինոյում նրա ամենահայտնի դերերից առանձնանում են «Տապ», «Վախ», «Ցերեկային լույս», «Կյանքը ըստ Ջեյն Օսթինի» և «88 րոպե» ֆիլմերում խաղացած դերերը։
 | |
|---|---|
 | |
| Ծնվել է | հունիսի 22, 1964 (59 տարեկան) |
| Ծննդավայր | Նյու Լոնդոն |
| Կրթություն | Հարվարդի համալսարան և Glastonbury High School? |
| Քաղաքացիություն |  ԱՄՆ |
| Մասնագիտություն | դերասանուհի, հեռուստատեսային դերասանուհի, կինոդերասանուհի, պրոդյուսեր և սցենարիստ |
| Ամուսին(ներ) | Բրեդ Սիլբեռլինգ |
| Պարգևներ և մրցանակներ | |
| theamybrenneman.com/intro.html | |
Վաղ տարիներ խմբագրել
Էմի Բրենեմանը ծնվել է Կոնեկտիկուտ նահանգի Նյու Լոնդոն քաղաքում։ Նրա մայրը եղել է դատավոր, իսկ հայրը՝ փաստաբան[1][2][3]։ Մեծացել է Կոնեկտիկուտ նահանգի Գլաստոնբուր քաղաքում, որտեղ սկսել է խաղալ տեղի թատրոնում։ 1987 թվականին ավարտել է Հարվարդի համալսարանը[3]։
Կարիերա խմբագրել
Բրենեմանը առաջնաելույթ է ունեցել 1992 թվականին «Նա գրել է սպանություն» սերիալի էպիզոդներից մեկում։ Մեկ տարի անց ազգային ճանաչում է ձեռք բերել «Նյու Յորքի ոստիկանություն» հեռուստասերիալում իր մարմնավորած դետեկտիվ Ջենիս Լիկասլիի կերպարի շնորհիվ։ Նկարահանվել է առաջին եթերաշրջանում, ինչպես նաև երկրորդի մի քանի դրվագներում և ստացել է «Էմմի» մրցանակի անվանկարգեր 1994 թվականին «Դրամատիկական հեռուստասերիալում երկրորդ պլանի լավագույն դերասանուհի» և 1995 թվականին՝ «Դրամատիկական հեռուստասերիալում լավագույն հրավիրված դերասանուհի»կատեգորիաներում[4]։
1994 թվականին «Նյու Յորքի ոստիկանություն» հեռուստասերիալից հեռանալուց հետո Բրենեմանը սկսել է լիամետրաժ կինոյի կարիերան։ 1995 թվականին հայտնվել է «Կասպեր» և «Տապ» ֆիլմերում, իսկ մեկ տարի անց Սիլվեստր Ստալոնեի հետ գլխավոր դեր է խաղացել «Ցերեկային լույս» ֆիլմում։ Նկարահանվել է նաև «Վախ», «Նևադա», «Քո ընկերներն ու հարևանները», «Արվարձան» և «Կանացի գաղտնիքներ» ֆիլմերում։ Հեռուստատեսություն վերադարձել է 1998 թվականին որպես «Ֆրեյզեր» չորսէպիզոդանոց կատակերգական սերիալի հրավիրված աստղ։
1999 թվականին Բրենեմանը հանդես է եկել որպես «Արդար Էմի» սերիալի գլխավոր դերակատարուհի, ստեղծող և պրոդյուսեր։ Շոուն պատմում է ամուսնալուծված միայնակ մոր մասին, որն աշխատում է որպես Կոնեկտիկուտ նահանգի Հարթֆորդ քաղաքի ընտանեկան գործերով դատավոր։ Շոուն հիմնված էր իր մոր՝ Ֆրեդերիկ Բրենեմանի իրական կյանքի վրա։ Սերիալն CBS հեռուստառադիոցանցում հայտնվել է վեց եթերաշրջանով. 1999 թվականի սեպտեմբերի 19-ից մինչև 2005 թվականի մայիսի 3-ը կայունորեն հավաքել է բարձր վարկանիշներ, և Բրենեմանը «Ոսկե գլոբուս» մրցանակի երեք անվանակարգեր է ստացել հեռուստատեսային սերիալում՝ դրամայում, լավագույն կանացի դերի համար, ինչպես նաև «Էմմի» մրցանակի երեք անվանակարգեր՝ դրամատիկական հեռուստասերիալում կանանցի լավագույն դերի համար[4]։
Բրենեմանը 2005 թվականին «Ինը կյանք» ֆիլմում ունեցած դերի համար «Լավագույն դերասանուհի» կատեգորիայում արժանացել է «Լոկարնոյի կինոփառատոն» մրցանակի։ Ավելի ուշ նկարահանվել է «Կյանքն ըստ Ջեյն Օսթինի» (2007) և «88 րոպե» ֆիլմերում։ 2007 թվականի մարտին նկարահանվել է «Գրեյի անատոմիա» սերիալում, իսկ հետո կատարել է «Մասնավոր պրակտիկա» սփին-օֆֆի գլխավոր դերերից մեկը։ Սերիալն ավարտվել է 2013 թվականի սկզբին՝ վեց եթերաշրջաններից հետո։ 2013 թվականի հունիսին Բրենեմանը հրավիրվել էր HBO հեռուստաալիքի Ջասթին Տերուի մասնակցությամբ «Լքվածները» սերիալի գլխավոր կանացի դերի համար[5]։
Անձնական կյանք խմբագրել
1995 թվականին Բրենեմանն ամուսնացել է ռեժիսոր Բրեդ Սիլբերլինգի հետ, նրանք ունեն երկու երեխա՝ դուստրը՝ Շառլոտ Թաքեր Սիլբերլինգը և որդին՝ Բոդի Ռասել Սիլբերլինգը[6][7]։
Ֆիլմագրություն խմբագրել
Ֆիլմեր խմբագրել
| Տարի | Հայերերն անվանում | Բնօրինակ անվանում | Դեր | Ծանոթագրություններ |
|---|---|---|---|---|
| 1995 | Հաջողություն սեր | Bye Bye Love | Սյուզան Գոլդման | |
| 1995 | Կասպեր | Casper | Ամելիա Հարվի | |
| 1995 | Տապ | Heat | Իդա | |
| 1996 | Վախ | Fear | Լորի Ուոքեր | |
| 1996 | Ցերեկային լույս | Daylight | Մադլեն Թոմփսոն | |
| 1997 | Նևադա | Nevada | Քրիստի | Նաև պրոդյուսեր |
| 1998 | Հրեշտակների քաղաք | City of Angels | Հրեշտակ | Կամեո |
| 1998 | Քո ընկերներն ու հարևանները | Your Friends & Neighbors | Մերի | |
| 1999 | Մերի Կեսսետ։ Ամերիկացի իմպրեսիոնիստը | Mary Cassatt: An American Impressionist | Մերի Կեսսետ | Հեռուստաֆիլմ |
| 1999 | Ռոքի արքան | The Suburbans | Գրեյս | |
| 1999 | Կանացի գաղտնիքներ | Things You Can Tell Just by Looking at Her | Դետեկտիվ Քեթի Ֆաբեր | |
| 2003 | Քարտեզից դուրս | Off the Map | Բո Գրոդին | |
| 2005 | Ինը կյանք | Nine Lives | Լորնա | Լավագույն կանացի դերի համար Լոկարնո կինոփառատոնի մրցանակ։
Լավագույն դերասանական կազմի համար «Գոտեմ» մրցանակի անվանակարգ։ |
| 2007 | Կյանքն ըստ Ջեյն Օսթինի | The Jane Austen Book Club | Սիլվիա Ավիլա | |
| 2007 | 88 րոպե | 88 Minutes | Շելլի Բարնս | |
| 2009 | Մայր և երեխա | Mother and Child | բժիշկ Սթոուն | |
| 2013 | Սիրո դեմքը | The Face of Love | ||
| 2013 | Սերը բառերով և նկարներով | Words and Pictures | Էլսպետ |
Հեռուստատեսություն խմբագրել
| Տարի | Հայերերն անվանում | Բնօրինակ անվանում | Դեր | Ծանոթագրություններ |
|---|---|---|---|---|
| 1992 | Նա գրել է սպանություն | Murder, She Wrote | Էմի Ուեյնրայթ | 1 էպիզոդ |
| 1992 | Միջնադարում | Middle Ages | Բլանշ | Կանոնավոր դեր, 6 էպիզոդ |
| 1993-1994 | Նյու Յորքի ոստիկանություն | NYPD Blue | Դետեկտիվ Ջենիս Լիքասլին | Կանոնավոր դեր, 24 էպիզոդ «Էմմի» մրցանակի անավանակարգ դրամատիկական հեռուստասերիալում երկրորդ պլանի լավագույն կանացի դերի համար «Էմմի» մրցանակի անավանակարգ «Դրամատիկական հեռուստասերիալում լավագույն հրավիրված դերասանուհի» կատեգորիայում |
| 1998-1999 | Ֆրեյզեր | Frasier | Ֆեյ Մոսկովից | 4 էպիզոդ |
| 1999-2005 | Արդար Էմի | Judging Amy | Էմի Մեդիսոն Գրեյ | Կանոնավոր դեր, 138 էպիզոդ, ստեղծող և պրոդյուսեր TV Guide մրցանակ լավագույն կանացի դերի համար (2000-2001) «Էմմի» մրցանակի անավանակարգ՝ դրամատիկական հեռուստասերիալում լավագույն կանացի դերի համար (2000-2002) «Ոսկե գլոբուս» մրցանակի անավանակարգ՝ հեռուստատեսային սերիալում՝ դրամայում լավագույն կանացի դերի համար (2000-2002) ԱՄՆ կինոդերասանների Գիլդիա մրցանակի անավանակարգ դրամատիկական հեռուստասերիալում լավագույն կանացի դերի համար (2003) ԱՄՆ պրոդյուսերների գիլդիա մրցանակ՝ սերիալի սցենարի լավագույն արտադրության համար (2000) Viewers for Quality Television մրցանակի անավանակարգ՝ դրամատիկական հեռուստասերիալում լավագույն կանացի դերի համար (2000-2002) |
| 2007 | Գրեյի անատոմիա | Grey’s Anatomy | բժիշկ Վիոլետ Թրներ | 2 էպիզոդ, «Մասնավոր պրակտիկա» սերիալի ներկառուցված пилотный էպիզոդ |
| 2007-2013 | Մասնավոր պրակտիկա | Private Practice | Վիոլետտ Տրոներ | Կանոնավոր դեր, 111 էպիզոդ |
| 2013 - | Թագավորությունը | Reign | Մարիա դե Գիզ | |
| 2014 | Լքվածները | The Leftovers | Լորի Գարվի | Կանոնավոր դեր |
Ծանոթագրություններ խմբագրել
- ↑ Who's Who in American Law. — Marquis Who's Who, 1983. — С. 78.
- ↑ Amy Brenneman Biography (1964-)
- ↑ 3,0 3,1 Amy Brenneman Biography — Yahoo! Movies Արխիվացված 2006-12-13 Wayback Machine
- ↑ 4,0 4,1 «Awards for Amy Brenneman». Internet Movie Database. Արխիվացված է օրիգինալից 2013 թ․ օգոստոսի 30-ին. Վերցված է 2013 թ․ հուլիսի 29-ին.
- ↑ Lesley Goldberg (2013 թ․ հունիսի 25). «'Private Practice's' Amy Brenneman to Co-Star in HBO's 'Leftovers'». The Hollywood Reporter. Արխիվացված է օրիգինալից 2013 թ․ օգոստոսի 30-ին. Վերցված է 2013 թ․ հուլիսի 29-ին.
- ↑ Mouth Wide Open Program: Program Notes: Amy Brenneman Opens Up | A.R.T. — American Repertory Theater
- ↑ Amy Brenneman | Hollywood Prayer Network Արխիվացված 2011-07-26 Wayback Machine (չաշխատող հղում — պատմություն, կրկնօրինակ)
 | Վիքիպահեստն ունի նյութեր, որոնք վերաբերում են «Էմի Բրենեման» հոդվածին։ |