Էկտոր Բելյերին
Հեկտոր Բելլերին (իսպ.՝ Héctor Bellerín Moruno, մարտի 19, 1995[1][2][3][…], Բարսելոնա, Իսպանիա), իսպանացի ֆուտբոլիստ է, ով խաղում է Լոնդոնի Արսենալի կազմում, որպես՝ աջ պաշտպան։ Վարձավճարով նաև հանդես է եկել Ուատֆորդում, հանդես է եկել Իսպանիայի մինչև 16 և 21 տարեկանների հավաքականներում։
| Էկտոր Բելյերին իսպ.՝ Héctor Bellerín | |
|---|---|
 | |
| Ծնվել է | մարտի 19, 1995[1][2][3][…] (29 տարեկան) |
| Ծննդավայր | Բարսելոնա, Իսպանիա |
| Քաղաքացիություն |  Իսպանիա |
| Մայրենի լեզու | իսպաներեն |
| Մասնագիտություն | ֆուտբոլիստ |
 Héctor Bellerín Վիքիպահեստում | |
Ակումբային կարիերա խմբագրել
Ծնվել է Բարսելոնայում։ Նա իր կարիերան սկսել է Բարսելոնայի երիտասարդական թիմերում։ 2011 թվականի ամռանը տեղափոխվում է Արսենալ և 2013 թվականին կապում է իր առաջին պրոֆեսիոնալ պայմանագիրը։ Արսենալի կազմում իր դեբյուտը Բելյերինը նշել է 2013 թվականի սեպտեմբերի 25-ին Վեսթ Բրոմվիչի հետ գավաթային խաղում՝ խաղի 95-րդ րոպեին փոխարինելով հայրենակցին՝ Միկել Արտետային։ Երկու ամիս անց վարձավճարով տեղափոխվում է Չեմփիոնշիփ՝ Ուատֆորդ։ Ութ օր անց Յովիլ Թաուն ֆուտբոլային ակումբի հետ խաղում նշում է իր դեբյուտը։ Մինչ մրցաշրջանի ավարտը հանդես է գալիս Ուատֆորդում և 2014 թվականի փետրվարին նրան նորից հրավիրում են Արսենալի առաջին թիմ։
.jpg)
Մաթյո Դեբյուշիի,Կալում Չեմբերսի և Նաչո Մոնրեալի վնասվածքների շնորհիվ, Բելյերինը 2014 թ.-ի սեպտեմբերի 16 թ.-ին իր դեբյուտն է նշում Չեմպիոնների լիգայում, Դորտմունդի Բորուսիայից կրած 2-0 հաշվով պարտության ժամանակ։ Արսենալի կազմում առաջին գոլը խփել է 2015 թ.-ի փետրվարի 1-ին Ասթոն Վիլայի հետ կայացած (5-0) մրցավեճում, իսկ երկրորդը ապրիլի 4-ին Լիվերպուլի դեմ կայացած մրցավեճում (4-1)։ Այդ խաղում Բելյերինը նաև սեփական տուգանայինում խախտեց կանոնները Ռահիմ Ստեռլինգի նկատմամբ և իր թիմի գլխին բերեց 11-մետրանոց։ Բելյերինը Արսենալի հիմնական կազմում էր նույն տարվա մայիսի 30-ին Ուեմբլիում կայացած Անգլիայի գավաթի եզրափակչի ժամանակ (4-0)՝ օգնելով իր թիմին անցկացնել չոր հանդիպում։ Բելյերինը մրցաշրջանի ավարտից հետո Արսենալի հետ կնքում է երկարաժամկետ պայմանագիր։ 2015/16 մրցաշրջանի առաջին խաղում, սկզբունքային մրցակից՝ Չելսիի հետ կայացած Անգլիայի Սուպերգավաթի ժամանակ (1-0) Բելյերինը նվաճում է իր երկրորդ գավաթը (Պետեր Չեխի առաջին խաղը Չելսիի դեմ)։
Միջազգային կարիերա խմբագրել
2013 թվականի Եվրոպայի մինչև 19 տարեկանների առաջնությունում Բելյերինն իր թիմի հետ հասնում է մինչև կիսաեզրափակիչ։ Իր դեբյուտը նշել է մինչև 21 տարեկանների հավաքականում Ալբերտ Սելադեսի օրոք 2015 թվականի մարտի 30-ին՝ Բելառուսի հավաքականի դեմ կայացած ընկերական խաղում (4-0), խաղալով 90 րոպե։
Խաղաոճ խմբագրել
Բելյերինը հայտնի է իր կայծակնային արագությամբ։ Նա 2014/15 մրցաշրջանում գերազանցեց Թեո Ուոլքոթի 40 մետր տարածության ռեկորդը։
Վիճակագրություն խմբագրել
Ակումբային խմբագրել
| Ակումբ | Մրցաշրջան | Լիգա | FA Cup | League Cup | Europe | Total | ||||||
|---|---|---|---|---|---|---|---|---|---|---|---|---|
| Առաջնություն | Մասնակցած խաղեր |
Գոլեր | Մասնակցած խաղեր | Գոլեր | Մասնակցած խաղեր | Գոլեր | Մասնակցած խաղեր | Գոլեր | Մասնակցած խաղեր | Գոլեր | ||
| Արսենալ | 2013/14 | Պրեմիեր Լիգա | 0 | 0 | 0 | 0 | 1 | 0 | 0 | 0 | 1 | 0 |
| Ուատֆորդ (վարձավճար) |
2013/14 | Չեմփիոնշիփ | 8 | 0 | 0 | 0 | 0 | 0 | 0 | 0 | 8 | 0 |
| Արսենալ | 2014/15 | Պրեմիեր Լիգա | 20 | 2 | 3 | 0 | 1 | 0 | 4 | 0 | 28 | 2 |
| 2015–16 | 14 | 0 | 0 | 0 | 0 | 0 | 4 | 0 | 18 | 0 | ||
| Ընդհանուր | 42 | 2 | 3 | 0 | 2 | 0 | 8 | 0 | 55 | 2 | ||
Ծանոթագրություններ խմբագրել
- ↑ 1,0 1,1 Transfermarkt.com(բազմ․) — 2000.
- ↑ 2,0 2,1 Արգենտինական ֆուտբոլի տվյալների շտեմարան (իսպ.)
- ↑ 3,0 3,1 As (իսպ.) — Madrid: Grupo Prisa, 1967. — ISSN 1888-6671