Վիքիպեդիա

Էլիզաբեթ Բիշոփ

Էլիզաբեթ Բիշոփ (փետրվարի 8, 1911(1911-02-08)[9][10][11][…], Վուստեր, Մասաչուսեթս, ԱՄՆ[2] - հոկտեմբերի 6, 1979(1979-10-06)[9][10][11][…], Բոստոն, ԱՄՆ[12]), ամերիկացի բանաստեղծ և արձակագիր։ 1949 թվականից մինչև 1950 թվականը աշխատել է Կոնգրեսի գրադարանում որպես պոեզիայի բաժնի խորհրդատու, 1956 թվականի Պուլիցերյան մրցանակի հաղթողն է[13], 1970 թվականի Գրքի ազգային մրցանակի (National Book Award) հաղթողը, 1976 թվականին ստացել է Գրականության Նեուստադյան միջազգային մրցանակը (Neustadt International Prize for Literature)[14]: Նա համարվում է 20-րդ դարի լավագույն բանաստեղծներից մեկը[15]։

Էլիզաբեթ Բիշոփ
Դիմանկար
Ծնվել է1911 փետրվարի 8
ԾննդավայրՎուսթեր, Մասսաչուսեթս, ԱՄՆ
Մահացել էՀոկտեմբերի 6, 1979 թ․ (68տարեկան)
Մահվան վայրԲոստոն, Մասսաչուսեթս, ԱՄՆ
ԳերեզմանHope Cemetery
Քաղաքացիություն ԱՄՆ և  Կանադա
ԿրթությունWalnut Hill School?[1][2], Վասար քոլեջ (1934)[1][2] և Saugus High School?
ԵրկերOne Art?
Մասնագիտությունբանաստեղծուհի, գրող, թարգմանչուհի, համալսարանի դասախոս և ակնարկագիր
ԱշխատավայրՀարվարդի համալսարան[2], Մասաչուսեթսի տեխնոլոգիական ինստիտուտ և Վաշինգտոնի համալսարան
ԱմուսինԼոտա դե Մասեդո Սոարես (1952–1967)
Էլիս Մեթֆեսսել (1971–1979)
Պարգևներ և
մրցանակներ
ԱնդամությունԱրվեստների և գիտությունների ամերիկյան ակադեմիա և Արվեստի և գրականության ամերիկյան ակադեմիա
Ստորագրություն
 Elizabeth Bishop Վիքիպահեստում

Կյանքի վաղ շրջանը խմբագրել

Էլիզաբեթ Բիշոփն՝ ընտանիքի միակ զավակը, ծնվել է Վուսթերում (Մասսաչուսեցթս, ԱՄՆ) Ուիլիամ Թոմասի և Գերթրուդ Մեյ Բիշոփի ընտանիքում։ Էլիզաբեթի հայրը հմուտ շինարար էր, ով մահացավ, երբ Էլիզաբեթը ընդամենը ութ տարեկան էր։ Իր հոր մահվանից հետո Բիշոփի մայրը ձեռք բերեց մտավոր հիվանդություն և 1916 թվականին հոսպիտալացվեց (հետագայում Բիշոփը գրեց իր մոր տանջանքների մասին «Գյուղում» պատմվածքում)[16]։ Վաղ մանկության տարիներին ապրել է իր տատիկի և պապիկի հետ Նոր Շոտլանդիայի Գրեյթ գյուղի մի ագարակում։ Իր գրական գործունեության մեջ նա նաև անդրադարձել է կյանքի այս շրջանին։ Բիշոփի մայրը մինչև կյանքի վերջ (1934 թվականը) ապրել է հեգեբուժարանում, և նրանք այլևս երբեք չեն վերամիավորվել[17]։ Բակալավրի աստիճանը ստացել է 1934 թվականին Վասսարի քոլեջում` Նյու Յորք, Պոուկպիզի[18]։

Մանկության հետագա տարիներին Բիշոփի խնամակալությունը անցավ իր հայրական ընտանիքին, և նա տեղափոխվեց Վուսթեր, Մանչեստր՝ ապրելու իր հոր հարուստ ընտանիքի հետ։ Այդուհանդերձ, Բիշոփն այնտեղ դժբախտ էր, քանի որ իր մայրական ընտանիքից բաժանվելը ստիպում էր իրեն միայնակ զգալ։ Վուսթերում ապրելու տարիներին նա ձեռք բերեց քրոնիկ բրոնխյալ ասթմա, ինչից նա տառապել է իր ողջ կյանքի ընթացքում[16]։ Վուսթերում ապրած տարիները հակիրճ նկարագրված են իր «Սպասարահում» բանաստեղծության մեջ։ Հասկանալով, որ աղջիկը դժբախտ է իրենց հետ՝ 1918 թվականին հայրական տատիկն ու պապիկը Էլիզաբեթին ուղարկում են իր մեծ մորաքրոջ՝ Մոդ Բալմեր Շեֆերդսոնի և նրա ամուսնու՝ Ջորջի հետ ապրելու։ Բիշոփները Մոդին վճարում էին իրենց թոռնուհու կեցության և կրթութայն համար։ Շեֆերդսոնները բնակվում էին Ռեվերում (Մասսաչուսեթ))՝ մի հանրակացարանում։ Թաղամասում հիմնականում բնակվում էին իռլանդացի և իտալացի փախստականներ։ Հետագայում ընտանիքը տեղափոխվեց Քլիֆթոնդեյլ և սկսեց ապրել ավելի լավ պայմաններում։ Հենց մորաքույրն է Բիշոփին ներկայացրել վիկտորիանական գրողների (Ալֆրեդ Թեննիսոն, Թոմաս Քարլայլ, Ռոբերտ Բրաունինգ և Էլիզաբեթ Բարեթ Բրաունինգ) աշխատանքներին[19]։

 
Բիշոփը 1934 թվականի Վասսարի տարեգրքում (երկրորդ շարքի կենտրոնում)

Մանուկ հասակում Բիշոփը հաճախ էր հիվանդանում, այդ պատճառով էլ մինչ Սաուգուսի ավագ դպրոցը հաճախելը չի ստացել ֆորմալ կրթություն։ Ավագ դպրոցի երկրորդ կուրսում նա ընդունվեց Վալնաթ Հիլ Սկուլ (Walnut Hill School), բայց չհաճախեց դպրոց, քանի որ հետ էր ընկնում պատվաստումներից։ Դրա փոխարեն ուսումնական այդ տարին Բիշոփը անցկացրեց Սվամպսկոթի «North Shore Country Day» դպրոցում[19]։ Հետագայում նա ուսանել է Վալնաթ Հիլ Սկուլում (Walnut Hill School), որտեղ էլ ուսումնասիրել է երաժշտություն[16]։ Այդ դպրոցում իր ընկերներից մեկը՝ Ֆրանի Բլոթը, տպագրել է Բիշոփի բանաստեղծությունները ուսանողական ամսագրում[20]։ 1929 թվականի աշնանը Էլիզաբեթը ընդունվեց Վասսարի քոլեջը՝ նպատակադրվելով դառնալ երգահան։ Նա հրաժարվեց երաժշտությամբ շարունակելու մտքից հանրության առաջ ներկայանալու սարսափի պատճառով և փոխեց մասնագիտացումը՝ անգլերեն։ Կուրսը նաև ներառում էր 16 և 17-րդ դարերի գրականության ուսումնասիրությունը[16]։ Բիշոփը իր աշխատանքը հրատարակեց ավարտական կուրսում «The Magazine» ամսագրում[16]։ 1933 թվականին նա գրող Մերի ՄքՔարթիի, Մարգարետ Միլլերի և Էունիս և Էլեանոր Քլարք[21] քույրերի հետ դարձավ «Con Spirito» ապստամբ գրականագիտական ամսագրի համահիմնադիրը։ Էլիզաբեթ Բիշոփը ավարտեց քոլեջը 1934 թվականին։

Հարաբերություններ ընկերների հետ խմբագրել

Բիշոփի վրա խոր ազդեցություն է ունեցել բանաստեղծ Մարիաննա Մուրը[22], ում հետ նրան ծանոթացրել է Վասսարի գրադարանավարներից մեկը 1934 թվականին։ Մուրը չափազանց հետաքրքրված էր Բիշոփի աշխատանքներով և նույնիսկ հետ պահեց նրան Քորնելի բժշկական դպրոցը հաճախելու մտքից (Վասսալն ավարտելուց հետո՝ Նյու Յորքում ապրելու ընթացքում, բանաստեղծը ցուցակագրվել էր բժշկական դպրոց ընդունվելուն)։ Խոսելով Բիշոփի աշխատանքների վրա ունեցած Մուրի ազդեցության մասին՝ նրա ընկերն ու վասսալական համակուրսեցի գրող Մերի ՄքՔարթնին ասել է․ «Անշուշտ, Բիշոփը և Մարիաննա Մուրը նմանություններ ունեն՝ փորձի որոշակի մասի մանրակրկիտ ուսումնասիրությունը։ Ես կարծում եմ, որ Մարիաննա Մուրի մոտ լրջությունը մի քիչ շատ է, իսկ Էլիզաբեթ Բիշոփի մոտ՝ բացակայում է»[23]։ Մուրը օգնեց, որ նախ Բիշոփը հրատարակի իր բանաստեղծությունները Trial Balances կոչվող քրեստոմատիայում, որտեղ կայացած բանաստեղծները ներկայացնում էին երիտասարդ, սկսնակ բանաստեղծների աշխատանքները[23]։

Միայն չորս տարի շփումից հետ Բիշոփը «Սիրելի օրիորդ Մուր»-ին սկսեց դիմել որպես «Սիրելի Մարիաննա» և միայն ավագ բանաստեղծի խնդրանքով։ Երկու կանանց ընկերությունը` պահպանված երկար նամակագրությամբ (տես՝ One Art), տևեց մինչև Մուրի մահը (1972)։ Բիշոփի «Ձկների խանութներում» (1955) բանաստեղծությունը որոշակի ակնարկներ է պարունակում Մուրի «Մի գերեզման» (1924) բանաստեղծությունից[24]։

Ռանդալ Ջարելը 1947 թվականին Էլիզաբեթին ներկայացրել է Ռոբերտ Լովելին, և նրանք դարձան լավ ընկերներ (հիմանականում պահպանելով նամակագրական կապ) մինչ 1977 թվականի Լովելի մահը։ Նրա մահվանից հետո Էլիզաբեթը գրում է․ «Մեր ընկերությունը, որը բաժանման տարիներին հաճախ կենդանի էր մնում նամակագրական կապի շնորհիվ, մնաց անսասան և սիրով լի, և ես միշտ խորապես երախտապարը կլինեմ դրա համար»[25]։ Նրանք նաև ազդեցություն են ունեցել միմյանց գրական ստեղծագործությունների վրա։ Լովելը մեջբերել է Բիշոփի ազդեցությունը իր «Skunk Hour» բանաստեղծության մեջ՝ ասելով․ «Հիմնված է օրիորդ Բիշոփի «The Armadillo» բանաստեղծության վրա[26]։ Նաև իր «The Scream» բանաստեղծությունը բխում է «Գյուղում» (In the Village) պատմվածքից»[27]։ Կյանքի վերջում հրատարակված իր վերջին բանաստեղծություններից մեկը` «Հյուսիսային դրախտ»-ը (North Haven), գրվել է 1978 թվականին Լովելի հիշատակին։

Ճամփորդություններ խմբագրել

Վաղ չափահաս տարիներից սկսած Բիշոփը արդեն ուներ իր սեփական փոքր եկամուտը՝ իր հանգուցյալ հորից ստացած ժառանգությունը, որը չվերջացավ գրեթե մինչ իր կյանքի վերջ։ Այս եկամուտը թույլ էր տալիս ակտիվորեն ճամփորդել։ Թեև ճամփորդությունները ճոխ չէին, բայց նա չէր անհանգստանում ծառայությունների և շատ քաղաքներում և երկրներում կեցության ծախսային խնդիրների մասին։ Այս ճամփորդությունները նկարագրված են իր բանաստեղծություններում[16][28]։ Նա հաճախ էր գրում, թե որքան է սիրում ճամփորդել՝ «Questions of Travel», «Over 2000 Illustrations and a Complete Concordance»։ 1930-ականների կեսերին Լուիս Քրեյնի հետ մի քանի տարի ապրել է Ֆրանսիայում։ Նրանք համալսարանական ընկերներ էին։ Լուիսը թուղթ արտադրող մի ընկերության ժառանգորդուհի էր։

 
Էլիզաբեթ Բիշոփի առանձնատունը Քի Վեսթում, Ֆլորիդա

1938 թվականին նրանք երկուսով Ֆլորիդայում՝ Քի Վեսթում,մի տուն գնեցին։ Այնտեղ ապրելու տարիներին Բիշոփը ծանոթություն հաստատեց Պաուլին Պֆայֆերի հետ, ով 1940 թվականին բաժանվել էր Էռնեստ Հեմինգուեյից։

Հետագայում նա տեղափոխվեց Ֆրանսիս 611 փողոց։

 
1312 և 1314 30-րդ փողոց Նյու Յորք

1949-1950 թվականներին նա Կոնգրեսի գրադարանի պոեզիայի բաժնի խորհրդատուն էր և ապրում էր Վաշինգթոնում՝ Ջորջթաունում[29]։

1951 թվականին Բրին Մաուր քոլեջից կրթաթոշակ ստանալով ($2,500)՝ Բիշոփը Հարավային Ամերիկայում շուրջծովային նավարկության դուրս եկավ։ Այդ տարվա նոյեմբերին Էլիզաբեթը ժամանեց Սանտոս, Բրազիլիա։ Նա նպատակադիր էր այնտեղ մնալ երկու շաբաթ, բայց մնաց տասնհինգ տարի։ Բիշոփն ապրում էր Պետրոպոլիսում ճարտարապետ Լոտա (Մարիա Կարլոտա) դե Մակեդո Սոարեսի հետ, ով մի հռչակավոր քաղաքական գործիչների ընտանիքի ժառանգն էր[30]։ Թեև Բիշոփը չէր մանրամասնում Սորեսի հետ իրենց մոտալուտ սիրո պատմությունը, նրանց հարաբերությունների մանրամասները հայտնի են դառնում իր և Սամուել Էշլի Բրաունիի նամակներից։ Հետագա տարիներին նրանց փոխհարաբերությունները վատթարացան՝ դառնալով անկայուն և կատաղի, առանձնանալով դեպրեսիվ բախումներով, զայրույթի պոռթկումներով և հարբեցողությամբ[31]։ Նրանց հարաբերությունները նկարագրված են 2013 թվականին էկրանավորված «Հասնելով Լուսնին» (Reaching for the Moon) ֆիլմում։

Բրազիլիայում անցկացրած տարիներին Բիշոփը տարվեց Լատինական Ամերիկայի լեզուներով և գրականություններով[32]։ Հարավային և Կենտրոնական Ամերկայի բանաստեղծները՝ ներառյալ մեքսիկացի պոետ Օկտավիո Պասը և բրազիլացի պոետ Ժոաո Կաբրալ դե Մելո Նետոն, ոգևորում էին նրան։ Էլիզաբեթ Բիշոփը թարգմանեց նրանց աշխատանքները անգլերեն։ Անդրադեի մասին նա ասել է․ «Ես նրան ընդհանրապես չէի ճանաչում։ Նա, կարծում եմ, պետք է շատ ամաչկոտ լինի։ Ես պետք է շատ ամաչկոտ լինեմ։ Մենք մեկ անգամ ենք հանդիպել գիշերը մայթեզրին։ Մենք հենց նոր էինք դուրս եկել նույն ռեստորանից, և նա քաղաքավարի համբուրեց ձեռքս, երբ մենք ծանոթացանք»[33]։ Սոարեսի՝ 1967 թվականին տեղի ունեցած ինքնասպանությունից հետո Բիշոփը իր կյանքի մեծ մասը անցկացրել է Միացյալ Նահանգներում[34][35]։

Գրական ոճ և ինքնություն խմբագրել

Ի տարբերություն իր ժամանակի նշանավոր բանաստեղծների, ովքեր իրենց անձնական կյանքը դարձնում էին իրենց ստեղծագործական գործունեության կարևոր մասը, Բիշոփը խուսափում էր այս սովորությունից[36]։ Հակառակ այս անկեղծ ոճին, որը ներառում է ինքնամերկացում, Բիշոփի գրական ոճը հայտնի է, քանի որ ներկայացնում է չափազանց մանրակրկիտ, օբյեկտիվ և չեզոք տեսանկյուն և ցուցաբերում է զսպվածություն, թեև երբեմն ընդրկում է աղոտ մանրամասներ անձնական կյանքից։ Նա խոհեմությամբ էր գրում իր կյանքի մանրամասների և ծանոթների մասին։ «Գյուղում» (In the Village) ստեղծագործությունում ներկայացնում է հոգեպես անկայուն մորը և մի հատված իր մանկությունից։ Բանաստեղծությունը գրված է երրորդ դեմքով, հետևաբար ընթերցողը կարող է իմանալ բանաստեղծության ինքնակենսագրական բնույթի մասին, միայն եթե ծանոթ է Բիշոփի մանկության մասնրամասներին[37]։

Բիշոփը իրեն չէր համարում լեզբուհի կամ կին գրող։ Այս պատճառով նա հրաժարավում էր իր գործերը տպագրել կին բանաստեղծների քրեստոմատիաներում։ Այլ կին գրողներ, ովքեր ներգրավված էին կանանց շարժման մեջ, կարծում էին, որ Էլիզաբեթը թշնամաբար է տրամադրված շարժման նկատմամբ։

Մրցանակներ ու շքանշաններ խմբագրել

Ստեղծագործություններ խմբագրել

Բանաստեղծությունների ժողովածուներ
  • North & South (Houghton Mifflin, 1946)
  • Poems: North & South. A Cold Spring (Houghton Mifflin, 1955) —winner of the Pulitzer Prize[13]
  • A Cold Spring (Houghton Mifflin, 1956)
  • Questions of Travel (Farrar, Straus, and Giroux, 1965)
  • The Complete Poems (Farrar, Straus, and Giroux, 1969) —winner of the National Book Award[14]
  • Geography III (Farrar, Straus, and Giroux, 1976)
  • The Complete Poems: 1927–1979 (Farrar, Straus, and Giroux, 1983)
  • Edgar Allan Poe & The Juke-Box: Uncollected Poems, Drafts, and Fragments by Elizabeth Bishop ed. Alice Quinn (Farrar, Straus, and Giroux, 2006)
  • Poems, Prose and Letters by Elizabeth Bishop, ed. Robert Giroux (Library of America, 2008) 9781598530179
  • Poems (Farrar, Straus, and Giroux, 2011)
Այլ աշխատանքներ
  • The Diary of Helena Morley by Alice Brant, translated and with an Introduction by Elizabeth Bishop, (Farrar, Straus, and Cudahy, 1957)
  • The Ballad of the Burglar of Babylon (Farrar, Straus, and Giroux, 1968)
  • An Anthology of Twentieth Century Brazilian Poetry edited by Elizabeth Bishop and Emanuel Brasil, (Wesleyan University Press (1972)
  • The Collected Prose (Farrar, Straus, and Giroux, 1984)
  • One Art: Letters, selected and edited by Robert Giroux (Farrar, Straus, and Giroux, 1994)
  • Exchanging Hats: Elizabeth Bishop Paintings, edited and with an Introduction by William Benton (Farrar, Straus, and Giroux, 1996)
  • Poems, Prose and Letters Robert Giroux and Lloyd Schwartz, eds. (New York: Library of America, 2008)
  • Words in Air: The Complete Correspondence Between Elizabeth Bishop and Robert Lowell," ed. Thomas Travisano, Saskia Hamilton (Farrar, Straus & Giroux, 2008)
  • Conversations with Elizabeth Bishop. George Monteiro Ed. (University Press of Mississippi 1996)

Մատենագրություն խմբագրել

  • Costello, Bonnie (1991). Elizabeth Bishop: Questions of Mastery. Cambridge: Harvard University Press. ISBN 0-674-24689-6.
  • Kalstone, David (1989). Becoming a Poet: Elizabeth Bishop with Marianne Moore and Robert Lowell. New York: Farrar Straus Giroux. ISBN 0-374-10960-5.
  • Millier, Brett (1993). Elizabeth Bishop: Life and the Memory of It. Berkeley: University of California Press. ISBN 0-520-07978-7.
  • Nickowitz, Peter. Rhetoric and Sexuality: The Poetry of Hart Crane, Elizabeth Bishop, and James Merrill. Palgrave Macmillan: New York, 2006.
  • Oliveira, Carmen L., trans Neil K. Besner, (2002) Rare and Commonplace Flowers: The Story of Elizabeth Bishop and Lota de Macedo Soares (Rutgers University Press, 2002) 0-8135-3359-7
  • Ostrom, Hans. "Elizabeth Bishop’s ‘The Fish,’" in a Reference Guide to American Literature, ed. Thomas Riggs. Detroit: St. James Press, 1999.
  • Page, Chester (2007). Memoirs of a Charmed Life in New York. iUniverse. էջ 77. ISBN 978-0-595-69771-7.
  • Schwartz, Lloyd and Estess, Sybil P. (1983) Elizabeth Bishop and Her Art University of Michigan Press 0-472-06343-X
  • Travisano, Thomas (1988). Elizabeth Bishop: Her Artistic Development. Charlottesville: University Press of Virginia. ISBN 0-8139-1159-1.
  • McCabe, Susan (1994) Elizabeth Bishop: Her Poetics of Loss Penn State Press 0-271-01048-7

Ծանոթագրություններ խմբագրել

  1. ↑ 1,0 1,1 Blain V., Grundy I., Clements P. The Feminist Companion to Literature in English: Women Writers from the Middle Ages to the Present — 1990. — P. 95.
  2. ↑ 2,0 2,1 2,2 2,3 2,4 https://www.poetryfoundation.org/poets/elizabeth-bishop
  3. ↑ http://www.gf.org/fellows/all-fellows/elizabeth-bishop/
  4. ↑ https://www.neustadtprize.org/1976-neustadt-laureate-elizabeth-bishop/
  5. ↑ http://www.theparisreview.org/interviews/3229/the-art-of-poetry-no-27-elizabeth-bishop
  6. ↑ https://web.archive.org/web/20150315043417/https://poets.org/academy-american-poets/prizes/academy-american-poets-fellowship
  7. ↑ https://psa.fcny.org/psa/awards/frost_and_shelley/shelley_winners/
  8. ↑ https://www.nationalbook.org/books/the-complete-poems/
  9. ↑ 9,0 9,1 9,2 Encyclopædia Britannica
  10. ↑ 10,0 10,1 10,2 Itaú Cultural Enciclopédia Itaú Cultural (порт.) — São Paulo: Itaú Cultural, 2001. — ISBN 978-85-7979-060-7
  11. ↑ 11,0 11,1 11,2 Բրոքհաուզի հանրագիտարան (գերմ.)
  12. ↑ 12,0 12,1 https://poets.org/poet/elizabeth-bishop
  13. ↑ 13,0 13,1 13,2 "Poetry". Past winners & finalists by category. The Pulitzer Prizes. Retrieved 2008-04-25.
  14. ↑ 14,0 14,1 14,2 "National Book Awards – 1970". National Book Foundation. Retrieved 2012-04-07.
    (With essay by Ross Gay from the Awards 60-year anniversary blog.)
  15. ↑ «The Nobel Prize in Literature Takes This Year Off. Our Critics Don't» (անգլերեն). Վերցված է 2018 թ․ սեպտեմբերի 23-ին.
  16. ↑ 16,0 16,1 16,2 16,3 16,4 16,5 "Elizabeth Bishop, The Art of Poetry No. 27" Interview in Paris Review Summer 1981 No. 80
  17. ↑ «Elizabeth Bishop». Worcester Area Writers. Worcester Polytechnic Institute. Արխիվացված է օրիգինալից 2008 թ․ սեպտեմբերի 5-ին. Վերցված է 2008 թ․ ապրիլի 25-ին.
  18. ↑ «Elizabeth Bishop – Poet».
  19. ↑ 19,0 19,1 Millier, Brett C. (1995). Elizabeth Bishop: Life and the Memory of It. University of California Press. ISBN 9780520203457.
  20. ↑ «Elizabeth Bishop». Walnut Hill School. Արխիվացված է օրիգինալից 2008 թ․ մայիսի 9-ին. Վերցված է 2008 թ․ ապրիլի 25-ին.
  21. ↑ «Elizabeth Bishop, American Poet». Elizabeth Bishop Society. Vassar College. Վերցված է 2008 թ․ ապրիլի 25-ին.
  22. ↑ Kalstone, David. Becoming a Poet: Elizabeth Bishop with Marianne Moore and Robert Lowell. University of Michigan Press (2001): 4. In an early letter to Moore, Bishop wrote: "[W]hen I began to read your poetry at college I think it immediately opened up my eyes to the possibility of the subject-matter I could use and might never have thought of using if it hadn't been for you.—(I might not have written any poems at all, I suppose.) I think my approach is so much vaguer and less defined and certainly more old-fashioned—sometimes I'm amazed at people's comparing me to you when all I'm doing is some kind of blank verse—can't they see how different it is? But they can't apparently."
  23. ↑ 23,0 23,1 Voices and Visions Series. Elizabeth Bishop Episode. New York Center for Visual History: New York, 1988.[1] Արխիվացված 2018-02-17 Wayback Machine
  24. ↑ Stewart, Susan (2002) Poetry and the Fate of the Senses. University of Chicago Press 141, 357 fn.78 and fn.79).
  25. ↑ Bishop, Elizabeth. Poems, Prose, and Letters. New York: Library of America, 2008. 733.
  26. ↑ Lowell, Robert (2003) Collected Poems New York: Farrar, Straus, and Giroux, p1046.
  27. ↑ Lowell, Robert. (2003) Collected Poems New York: Farrar, Straus, and Giroux p326.
  28. ↑ "Elizabeth Bishop", poets.org, Retrieved 2008-04-25
  29. ↑ http://www.dcwriters.org/
  30. ↑ "The Love of Her Life," June 2002 The New York Times review of Rare and Commonplace Flowers: The Story of Elizabeth Bishop and Lota de Macedo Soares Retrieved 2008-04-25
  31. ↑ Bishop Biography Retrieved 2008-04-25
  32. ↑ Schwartz and Estess (1983) p. 236
  33. ↑ Schwartz and Estess (1983) p329
  34. ↑ Poetry Foundation profile
  35. ↑ Oliveira, Carmen (2002) Rare and Commonplace Flowers: The Story of Elizabeth Bishop and Lota de Macedo Soares Rutgers University Press, 0-8135-3359-7
  36. ↑ Helen Vendler phone interview on Robert Lowell and Elizabeth Bishop audio podcast from The New York Review of Books. Accessed 2010-09-11
  37. ↑ Bishop, Elizabeth. "In the Village." Questions of Travel.
  38. ↑ «Book of Members, 1780–2010: Chapter B» (PDF). American Academy of Arts and Sciences. Վերցված է 2011 թ․ ապրիլի 10-ին.

Արտաքին հղումներ խմբագրել

 
Վիքիքաղվածքն ունի քաղվածքների հավաքածու, որոնք վերաբերում են
Էլիզաբեթ Բիշոփ հոդվածին
Պրոֆիլներ
Հոդվածներ և քննադատական վերլուծություններ
Արխիվներ
 Վիքիպահեստն ունի նյութեր, որոնք վերաբերում են «Էլիզաբեթ Բիշոփ» հոդվածին։
Ստացված է «https://hy.wikipedia.org/w/index.php?title=Էլիզաբեթ_Բիշոփ&oldid=9500685» էջից