Էդուարդ Ղազարյան (ֆիզիկոս)
Անվան այլ կիրառումների համար տե՛ս՝ Էդուարդ Ղազարյան- Վիքիպեդիայում կան հոդվածներ Ղազարյան ազգանունով այլ մարդկանց մասին։
Էդուարդ Մուշեղի Ղազարյան (հունվարի 16, 1942, Երևան, Հայկական ԽՍՀ, ԽՍՀՄ), ֆիզիկոս, ֆիզմաթ գիտությունների դոկտոր (1982), պրոֆեսոր (1983), Հայաստանի գիտությունների ազգային ակադեմիայի ակադեմիկոս (1996)[1]։
| Էդուարդ Ղազարյան | |
| |
| 1999 - 2001 | |
|---|---|
| Նախորդող | Լևոն Մկրտչյան |
| Հաջորդող | Լևոն Մկրտչյան |
| Կրթություն՝ | ՄՊՀ ֆիզիկայի ֆակուլտետ |
| Գիտական աստիճան՝ | ֆիզիկամաթեմատիկական գիտությունների դոկտոր |
| Մասնագիտություն՝ | ֆիզիկոս |
| Ազգություն | հայ |
| Ծննդյան օր | հունվարի 16, 1942 (82 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան
|
| Պարգևներ |
 |
Կենսագրություն խմբագրել
1965 թվականին ավարտել է Մոսկվայի պետական համալսարանը։ 1975-1984 թվականներին եղել է ԵՊԻ ընդհանուր ֆիզիկայի ամբիոնի վարիչ, 1986-1987 թվականներին՝ ՀԽՍՀ բարձրագույն և միջնակարգ մասնագիտական կրթության փոխնախարար, 1987-1988 թվականներին՝ ՀՊՄԻ ռեկտոր, 1988-1990 թվականներին՝ ՀՀ ժողկրթության նախարարի առաջին տեղակալ, 1993-1999 թվականներին՝ ԵՊՀ պինդ մարմնի ֆիզիկայի ամբիոնի վարիչ, 1994-1999 թվականներին՝ միաժամանակ՝ պրոռեկտոր։ 1999-2001 թվականներին եղել է ՀՀ կրթության և գիտության նախարար, 2002 թվականից՝ ՀՀ ԳԱԱ Ֆիզմաթ և տեխնիկական գիտությունների բաժանմունքի ակադեմիկոս-քարտուղար, 2004 թվականից՝ նաև ՀՀ ԳԱԱ փոխնախագահ։
Գործունեություն խմբագրել
Աշխատանքները վերաբերում են ցածր չափայնության կիսահաղորդչային համակարգերի ֆիզիկայի և պինդ մարմնի ոչ գծային օպտիկայի խնդիրներին։ Կարևոր արդյունքներ Է ստացել տարածականորեն սահմանափակ համակարգերում տարբեր քվազիմասնիկային համակարգերի (Էքսիտոն, երկէքսիտոն և այլն) էներգիայի սպեկտրների ուսումնասիրման բնագավառում։ Զարգացրել է ֆոնոնային ենթահամակարգի և խառնուկային վիճակների հետ ռեզոնանսային լազերային ճառագայթման փոխազդեցության տեսությունը[2]։
Պարգևներ խմբագրել
- ՀԼԿԵՄ մրցանակ, 1976
- Պողոսյան մրցանակ, 2008[3]
- Հայաստանի պետական մրցանակ (2011)[4]
- Անանիա Շիրակացու մեդալ (2011)[5]
- Հայաստանի վարչապետի հուշամեդալ (2012)։
Երկեր խմբագրել
- Կիսահաղորդչային նանոէլեկտրոնիկայի ֆիզիկական հիմունքները, Ե., 2005 (համահեղինակ)[6]
Մամուլ խմբագրել
- Հոդվածների մատենագիտություն[7]։
| Նախորդող Լևոն Մկրտչյան |
ՀՀ Կրթության և գիտության նախարար Էդուարդ Ղազարյան 1999 - 2001 |
Հաջորդող Լևոն Մկրտչյան |
Ծանոթագրություններ խմբագրել
- ↑ «ՀՀ գիտությունների ազգային ակադեմիայի իսկական անդամներ». Վերցված է 2023 թ․ հունիսի 26-ին.
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ «Պողոսյան մրցանակ». Արխիվացված է օրիգինալից 2021 թ․ նոյեմբերի 7-ին. Վերցված է 2021 թ․ նոյեմբերի 7-ին.
- ↑ Հայաստանի Հանրապետության 2011 թվականի պետական մրցանակներ շնորհելու մասին
- ↑ Հայաստանի Հանրապետության շքանշաններով և մեդալներով պարգևատրելու մասին
- ↑ «ՀՀ ԳԱԱ հիմնարար գիտական գրադարանի էլ․ քարտարան- Էդուարդ Ղազարյան». Վերցված է 2023 թ․ հունիսի 26-ին.
- ↑ «ՀՀ ԳԱԱ ակադեմիկոսների կենսամատենագիտություններ». Վերցված է 2023 թ․ հունիսի 8-ին.