Վիքիպեդիա

Զանգվածային սպանություններ Մալիում (2019)

Զանգվածային սպանություններ Մալիում, 2019 թվականի մարտի կեսին տեղի ունեցած հարձակումների շարք։ Այս հարձակումների ընթացքում զինյալները Մալիի կենտրոնական հատվածում սպանել են ֆուլբե ժողովրդի ավելի քան 160 ներկայացուցիչների։ Հարձակումները տեղի ունեցան այն բանից հետո, երբ Մալիի կառավարությունը հայտարարեց երկրում մնացած իսլամիստների ոչնչացման մասին։ Գրոհների արդյունքում հատկապես տուժեցին Օգոսագու և Ուելինգարա գյուղերը[2][3][4][5][6]։

Զանգվածային սպանություններ Մալիում
Տեսակսպանդ
Երկիր Մալի
Գրոհի վայրBankass Cercle?
ՏեղադրանքOgossagou?
Տարեթիվմարտի 23, 2019
Զոհվածներ160 մարդ[1]
Վիրավորներ55

Նախապատմություն խմբագրել

Ֆուլբե ժողովրդի հովիվները կոնֆլիկտի մեջ մտան Մալիի այլ էթնիկ խմբերի հետ, իսկ կոնֆլիկտի առարկան եղջերավոր անասուններին կոնկրետ տարածք տանելն էր ու ջրի հասանելիությունը[7][8]։ Կլիմայի փոփոխությամբ, հողերի դեգրադացիայով և բնակչության աճով[9] պայմանավորված՝ կոնֆլիկտներն ավելի են խորանում և սաստկանում։ African Arguments հրատարակության տվյալների համաձայն՝ ֆուլբե ժողովրդի միայն մի փոքր մասն է սատարում իսլամիստական խմբավորումներին, բայց Մալիի մյուս ժողովուրդները չեն կիսում այս կարծիքը և հաճախ են ֆուլբե ժողովրդին ասոցացնում ահաբեկիչների հետ[9]։

Բախումների ընթացք խմբագրել

Բախումները տեղի ունեցան Օգոսագու և Վելինգարա գյուղերում. այս գյուղերը բնակեցված են ֆուլբե ժողովրդի կողմից։ Տեղացի մալիացի չինովնիկների խոսքերով՝ հարձակումները տեղի են ունեցել դոգոն ժողովրդի որսորդների կողմից, ովքեր զինված էին հրազենով և մաչետեով[10]։ Հարձակումը կազմակերպած դոգոնները գյուղերի բնակիչներին մեղադրում էին ջիհադիստների հետ կապի մեջ և հայտարարեցին, որ հարձակում են գործել՝ որպես վրեժ՝ ի հատուցումն Ալ-Կաիդայի՝ նախորդ շաբաթ Մալիի ռազմական բազայի վրա կատարած հարձակման, ինչի արդյունքում մալիացի 23 զինվորներ զոհվեցին։ Ականատեսների խոսքերով՝ գյուղերի բոլոր հյուղակներն ամբողջովին ոչնչացվեցին[8]։

Հետևանքներ խմբագրել

Հարձակումներից հետո Մալիի նախագահ Իբրահիմ Բուբակար Կիթան աշխատանքից ազատեց բանակի շտաբի պետ, գեներալ Մ’Բեմբու Մեսսու Քեյթին և ցամաքային զորքերի հրամանատար, գեներալ Աբդրահաման Բեբին[11]։ Միավորված ազգերի կազմակերպությունը հայտարարեց, որ 2019 թվականի մարտի 26-ին քննչական խումբ կուղարկեն հանցանքի վայր[12]։ Նախագահ Իբրահիմ Բուբակար Կիթան հրամայեց, որպեսզի դոգոնյան ոստիկանությունը՝ Dan Na Ambassagou-ն, որը պատասխանատու էր զինված հարձակման համար, լուծարվի[9]։ Human Rights Watch կազմակերպությունը Dan Na Ambassagou-ին մեղադրեց նրանում, որ նրանք են պատասխանատվություն կրում զանգվածային սպանությունների համար՝ չնայած այն հանգամանքին, որ ոստիկանության ղեկավար կազմը հերքում է իր մեղավորությունը[3]։

ՄԱԿ-ի՝ ցեղասպանության նախազգուշացման գծով հատուկ խորհրդական Ադամ Դիենգը նախազգուշացրեց այն մասին, որ կոնֆլիկտում առկա է էթնիկ բաղադրիչ։ Նա հիշեցրեց, որ 2019 թվականի մարտի 26-ին սպանվել են 6 դոգոններ և ևս 20-ը առևանգվեցին Ուադու և Կերե-Կերե գյուղերում, ենթադրաբար, ֆուլբե ժողովրդի զինյալ ներկայացուցիչների կողմից[13][14]։ 2019 թվականի մարտի 30-ին Մալիի իրավապահ մարմինների ներկայացուցիչները ձերբակալեցին 5 կասկածյալների, ովքեր նախկինում եղել էին բռնությունից տուժողի դերում[15]։

Ծանոթագրություններ խմբագրել

  1. ↑ https://www.francetvinfo.fr/monde/afrique/mali/massacre-d-un-village-peul-au-mali-le-bilan-s-alourdit-a-160-morts_3249973.html
  2. ↑ Hoije, Katarina (2019 թ․ մարտի 26). «Death Toll From Mali Attacks Climbs to 160, Government Says». Bloomberg. Վերցված է 2019 թ․ մարտի 29-ին.
  3. ↑ 3,0 3,1 Ahmed, Baba (2019 թ․ մարտի 25). «Militia head refutes his group responsible for Mali massacre». Associated Press. Վերցված է 2019 թ․ մարտի 29-ին.
  4. ↑ Diallo, Tiemoko (2019 թ․ մարտի 23). «At least 134 Fulani herders killed in central Mali's worst violence yet». Reuters. Վերցված է 2019 թ․ մարտի 23-ին.
  5. ↑ «Death toll in Mali attack rises to at least 110». Reuters. 2019 թ․ մարտի 23. Վերցված է 2019 թ․ մարտի 23-ին – via The Jerusalem Post.
  6. ↑ https://www.kommersant.ru/doc/3923720
  7. ↑ «Mali: Dozens of civilians killed as farmers and herders clash over land». France 24. 2018 թ․ հունիսի 25. Վերցված է 2019 թ․ մարտի 30-ին.
  8. ↑ 8,0 8,1 «Mali attack: More than 130 Fulani villagers killed». BBC News. 2019 թ․ մարտի 24. Վերցված է 2019 թ․ մարտի 24-ին.
  9. ↑ 9,0 9,1 9,2 «Insiders Insight: Explaining the Mali massacre». African Arguments. 2019 թ․ մարտի 26. Վերցված է 2019 թ․ մարտի 28-ին.
  10. ↑ «More than 100 Fulani massacred as ethnic and jihadist violence escalates in Mali». France 24 (անգլերեն). 2019 թ․ մարտի 23. Վերցված է 2019 թ․ մարտի 23-ին.
  11. ↑ «Mali sacks top army chiefs, dissolves militia after scores killed». Al Jazeera. 2019 թ․ մարտի 24. Վերցված է 2019 թ․ մարտի 28-ին.
  12. ↑ «UN team to investigate 'horrific' massacre in central Mali». Associated Press. 2019 թ․ մարտի 26. Վերցված է 2019 թ․ մարտի 28-ին.
  13. ↑ «Central Mali: Top UN genocide prevention official sounds alarm over recent ethnically-targeted killings». UN News. 2019 թ․ մարտի 28. Վերցված է 2019 թ․ մարտի 29-ին.
  14. ↑ «Six die in Mali attacks». Bamako. Agence France-Presse. 2019 թ․ մարտի 28. Վերցված է 2019 թ․ մարտի 29-ին – via The Daily Star.
  15. ↑ AfricaNews. «Mali arrests five suspects in killing of 157 villagers». Africanews (անգլերեն). Վերցված է 2019 թ․ մարտի 30-ին.
Ստացված է «https://hy.wikipedia.org/w/index.php?title=Զանգվածային_սպանություններ_Մալիում_(2019)&oldid=9387440» էջից