Զադարի համալսարան
Զադարի պետական համալսարան (խորվ.՝ Sveučilište u Zadru), բարձրագույն ուսումնական հաստատություն՝ համալսարան, որը գտնվում է Խորվաթիայի Զադարի ժուպանության վարչական կենտրոն հանդիսացող համանուն քաղաքում[3]։
Զադարի համալսարան Sveučilište u Zadru | |
|---|---|
 | |
 Զադարի համալսարանի շենքը | |
| Տեսակ | պետական համալսարան |
| Միջազգային անվանում | University of Zadar |
| Հիմնադրված է | 1396 |
| Անվանված է | 1396 թվական |
| Տիպ | հասարակական |
| Ուսանողներ | 5500 ուսանող |
| Դոկտորներ | Անտե Ուգլաշիչ (խորվ.՝ Ante Uglešić) |
| Անդամակցություն | Եվրոպայի համալսարանների միություն[1] և Ֆրանկոֆոնիայի համալսարանական գործակալություն[2] |
| Երկիր | Խորվաթիա |
| Տեղագրություն |  Խորվաթիա, Զադարի ժուպանություն, Զադար |
| Կայք | Պաշտոնական կայք |
  Զադարի համալսարան, Խորվաթիա | |
 University of Zadar Վիքիպահեստում | |
Համալսարանը հիմնադրվել է վաղ միջնադարում՝ 1396 թվականին, սակայն որոշ ժամանակ անց փակվել է։ Ժամանակակից համալսարանը վերաբացվել է 2003 թվականին։
Պատմություն խմբագրել
Ըստ որոշ աղբյուրների՝ այս ուսումնական հաստատությունը հիմնադրվել է դեռևս 14-րդ դարում՝ 1396 թվականին, կաթոլիկ վանական Դոմինիկյան միաբանության անդամների կողմից։ Այն ի սկզբանե հիմնադրվել է, որպես աստվածաբանական և իմաստասիրական դպրոց, որն ուներ գիմնազիայի կարգավիճակ։
1553 թվականին այն կոչվել է Զադարի համալսարան՝ ստանալով բարձրագույն ուսումնական հաստատության կարգավիճակ։ Այս ժամանակաշրջանում Զադարի համալսարանի դեկանատն իրավունք ստացավ շրջանավարտներին պարգևատրել ակադեմիական աստիճանով։ Նապոլեոն Բոնապարտի կառավարման տարիներին նա կորցրել է իր դերն ու նշանակությունը և շուտով փակվել է։
1995 թվականին այն վերստին բացվել է, որպես փիլիսոփայական դպրոց։ Այդ ժամանակաշրջանում Զադարի համալսարանը միակ ինստիտուտն էր Խորվաթիայում՝ մայրաքաղաք Զագրեբի սահմաններից դուրս։
2002 թվականին անկախ Խորվաթիայի բարձրագույն օրենսդիր մարմինը՝ խորհրդարանը, ընդունել է բանաձև, համաձայն որի հաստատությանը տրվել է պետական համալսարանի կարգավիճակ։ 2003 թվականի մարտի 25-ին տեղի է ունեցել համալսարանի խորհրդի առաջին հանդիպումը, որի ընթացքում հաստատվել է համալսարաի կանոնադրությունը։
Տես նաև խմբագրել
Ծանոթագրություններ խմբագրել
- ↑ https://eua.eu/about/member-directory.html
- ↑ https://web.archive.org/web/20221123144401/https://www.auf.org/les_membres/nos-membres/
- ↑ «Զադարի պետական համալսարան – համալսարանական վարկանիշը, պատմությունն ու գալիք ապագայի պլաններն ու նախագծերը» (PDF). Արխիվացված է օրիգինալից (PDF) 2017 թ․ հունվարի 1-ին. Վերցված է 2017 թ․ մարտի 20-ին.
 | Վիքիպահեստն ունի նյութեր, որոնք վերաբերում են «Զադարի համալսարան» հոդվածին։ |
