Ես քեզ սիրում եմ, Ֆիլիպ Մորիս
«Ես քեզ սիրում եմ, Ֆիլիպ Մորիս» (անգլ.՝ I Love You Phillip Morris), ֆիլմ, որը նկարահանվել է հյուսթոնյան լրագրող Սթիվ Մաքվիկերի «Ես քեզ սիրում եմ, Ֆիլիպ Մորիս» գրքի հիման վրա։ Կյանքի, սիրո և բանտից փախուստների իրական պատմություն է (անգլ.՝ I Love You Phillip Morris: A True Story of Life, Love, and Prison Breaks), որը խաբեբա հոմոսեքսուալիստ Սթիվեն Ռասելի կենսագրությունն է։ Գլխավոր դերերում են Ջիմ Քերրին և Էվան ՄաքԳրեգորը։ Պրոդյուսերը Լյուկ Բեսոնն է։ Համաշխարհային պրեմիերան կայացել է 2009 թվականի հունվարի 18-ին։
Սյուժե խմբագրել
Տասը տարեկան հասակում Սթիվ Ռասելը իմանում է, որ նա խորթ երեխա է։ Այդ պահից նա որոշում է կայացնում գտնել իր հարազատ ընտանիքին։ Դրա համար նա դառնում է ոստիկան։ Սակայն հայտնվելով իր հայրական տան շեմին՝ նա չի ստանում գլխավոր հարցի պատասխանը. «Ինչու՞ հենց ես»։ Սթիվը այդ ժամանակ արդեն բավականին կայացած մարդ էր, ուներ ամեն ինչ՝ լավ աշխատանք, սիրող կին (Դեբբի) և երեխա։ Սակայն նա գաղտնի հոմոսեքսուալիստ էր։
Սթիվը ծանր ավտովթարի է ենթարկվում և հասկանում է, թե որքան կարճ է կյանքը։ Այդ չարաբաստիկ օրը նա որոշում է իր կյանքի երկրորդ կեսն անցկացնել, չսահմանափակելով իրեն հասարակական բարոյականության նորմերով, և այլևս չթաքցնել իր սեռական կողմնորոշումը։ Այնպես որ, նա բաժանվում է իր ընտանիքից, թողնում է իր ոստիկանական աշխատանքը, դադարում է եկեղեցում երգեհոն նվագել, տեղափոխվում է ծովեզրյա նահանգ` Ֆլորիդա, գտնում է մի գեղեցիկ զուգընկեր (Ջիմմի) և սկսում է ապրել երջանիկ։ Ֆինանսավորելու համար իր շռայլ ապրելակերպը, նա ընտրում է «հեշտ և արագ» ճանապարհ` դիմում է խարդախության ու գողության և, ի վերջո, ձերբակալվում է։
Ազատազրկման ընթացքում Սթիվը հանդիպում է իր իրական սիրուն։ Հասարակ բանտարկյալ Ֆիլիպ Մորիսը, ով բարի հոգով և կոտրված սրտով երիտասարդ է, դառնում է նրա ամենաթանկ և ամենամտերիմ ընկերը։
Բանտից դուրս գալուց հետո նա հասնում է իր ընկերոջ արագ ազատ արձակմանը։ Նա դիմում է հերթական խարդախությանը։ Սակայն ամեն բան լավ կլիներ, եթե չլիներ մարդկային նախանձը. խորամանկին մատնում են ոստիկանությանը։
Ֆիլիպ Մորիսը, իմանալով պատուհասի մասին, իր ընկերը դասում է դավաճանների շարքին և խզում է բոլոր հարաբերությունները նրա հետ։ Սթիվ Ռասելը որոշում է պայքարել հանուն սիրու։ Նրան հաջողվում է մի քանի անգամ փախչել բանտից, օգտագործելով տարբեր խորամանկություններ, սակայն նրան գտնում և հետ են վերադարձնում։ Վերջին անգամ նա փախնում է բանտից՝ ձևացնելով, թե մահացել է ՁԻԱՀ-ից։ Սթիվը որպես փաստաբան գալիս է ազատելու Ֆիլիպին։ Սթիվին կրկին փակում են ճաղերի հետևում, և այս անգամ՝ ցմահ։ Նրան գրեթե դուրս չեն թողնում մեկուսարանից, տալիս են միայն մեկ ժամ օրվա մեջ՝ ցնցուղ ընդունելու և վարժանքների համար, այն էլ՝ հսկողության տակ։ Ֆիլմի վերջում Մորիսին ազատ են արձակում, իսկ Սթիվը կրկին փախնում է բանտից։
Դերերում խմբագրել
| Դերասան | Դեր |
|---|---|
| Ջիմ Քերրի | Սթիվ Ռասել |
| Էվան ՄաքԳրեգոր | Ֆիլիպ Մորիս |
| Լեսլի Ման | Դեբբի |
| Ռոդրիգո Սանտորո | Ջիմմի |
| Նիկոլաս Ալեքսանդր | Սթիվենի եղբայրը |
| Դևիդ Ջենսեն | դատավոր |
| Գրիֆֆ Ֆյորսթ | Մարկ |
| Ջեսիկա Հիփ | քարտուղարուհի |
| Մարկ Մաքքոլեյ | ոստիկան |
| Էլիզաբեթ Բուրվանթ | Սառա |
| Էնթոնի Կորոնե | Լիդհոլմ |
| Դամեոն Քլարկ | փաստաբան |
Փաստեր խմբագրել
- Ջիմ Քերրիի առաջին աշխատանքն է Լյուկ Բեսոնի հետ։
- Իրական Սթիվ Ռասելը չկարողացավ ֆիլմը տեսնել ամբողջությամբ, սակայն նրան հաջողվեց տեսնել մի քանի դրվագներ Google-ում, և նա ապշած էր նրանով, թե ինչպես է իրեն մարմնավորում Ջիմ Քերրին։ Քերրին և Ռասելը երբեք չէին հանդիպել, դերասանը միայն լսել էր Ռասելի ձայնագրությունը։ Ռասելը ֆիլմը անվանել է բավականին սյուռեալ։
- Ֆիլմի դրվագներից մեկում հնչում է արիա Մարիա Կալասի կատարմամբ։ Այդ նույն արիան հնչում է նաև «Փախուստ Շոուշենկից» ֆիլմում։
- Ջիմ Քերրիի հերոսը ասում է, որ 13-ը իր երջանիկ թիվն է, և ամեն անգամ, երբ Սթիվը բանտ է ընկնում, իր հերթական համարում ներկա է լինում այդ թիվը։
Ցուցադրում խմբագրել
Ֆիլմը ցուցադրվել է հետևյալ փառատոններում[10].
2009 թվական
- Կինոփառատոն «Սանդենս»
- Կաննի կինոփառատոն
- Գեյ և լեսբի փառատոն Փարիզում
2010 թվական
- Միջազգային կինոփառատոն Գյոթեբորգում
- Միջազգային կինոփառատոն Սան Պաուլուում
- Միջազգային կինոփառատոն Փալմ Սփրինգսում
- Միջազգային կինոփառատոն Մելբուրնում
- Միջազգային կինոփառատոն Դենվերում
Քննադատություն խմբագրել
- Ֆիլմն ունի 70 տոկոս ռեսյտինգ Rotten Tomatoes կայքում, որի քննադատները եկել են այն կարծիքի, որ «իրական իրադարձությունների վրա հիմնված այս կատակերգությունն ունի թերություններ, որոնք հաղթահարվել են շնորհիվ պատմվածքի հումորային երանգի և Ջիմ Քերրի կարիերայում ամենահաջող դերերից մեկի»[11]։
- Դեյմոն Ուայզը Թայմսից ֆիլմին հինգ հնարավոր աստղից տվել է չորսը, նշելով, որ «Ես քեզ սիրում եմ, Ֆիլիպ Մորիս»-ը «Արտառոց ֆիլմ է, որը հերթական անգամ հիշեցնում է դիտողին, թե ինչպիսի լավ դերասան կարող է լինել Քերրին, երբ նա չի փորձում հաճոյանալ հոլիվուդյան իրականությանը»[12]։
Սաունդթրեք խմբագրել
Ֆիլմի օրիգինալ սաունդթրեքը դուրս է եկել 2010 թվականի հունվարի 25-ին[13]։
- «I Cried Like A Silly Boy» — Նիկ Ուրատա
- «Dance Hall Days» — Ջեք Խյուզ
- «Key West» — Նիկ Ուրատա
- «Jesus Has A Plan» — Նիկ Ուարա
- «To Love Somebody» — Նինա Սիմոն
- «Written in the Stars» — Նիկ Ուրատա
- «Nobody Knows the Trouble I’ve Seen (Orlandus Wilson)» — «Golden Gate»
- «Promise to Jimmy» — Նիկ Ուրատա
- «The Escape Artist» — Նիկ Ուրատա
- «The Last Time» — Նիկ Ուրատա
- «Steal Away» — Ռոբբի Դյուպրի
- «Faking Death» — Նիկ Ուրատա
- «Duettino: Sull’Aria из оперы» — German Opera Orchestra of Berlin
Ծանոթագրություններ խմբագրել
- ↑ 1,0 1,1 1,2 http://www.imdb.com/title/tt1045772/
- ↑ http://nmhh.hu/dokumentum/158992/2010_filmbemutatok_osszes.xlsx
- ↑ http://www.kinokalender.com/film7550_i-love-you-phillip-morris.html
- ↑ 4,0 4,1 4,2 4,3 http://stopklatka.pl/film/i-love-you-phillip-morris
- ↑ 5,0 5,1 5,2 5,3 5,4 5,5 5,6 5,7 5,8 http://www.filmaffinity.com/es/film827197.html
- ↑ 6,0 6,1 http://www.allocine.fr/film/fichefilm_gen_cfilm=129258.html
- ↑ 7,00 7,01 7,02 7,03 7,04 7,05 7,06 7,07 7,08 7,09 7,10 7,11 7,12 7,13 7,14 http://www.imdb.com/title/tt1045772/fullcredits
- ↑ 8,0 8,1 8,2 8,3 ČSFD (չեխերեն) — 2001.
- ↑ «I Love You, Philip Morris». Box Office Mojo. IMDb. Արխիվացված օրիգինալից 2012 թ․ մարտի 23-ին. Վերցված է 2010 թ․ ապրիլի 5-ին.
- ↑ Release dates for I Love You Phillip Morris
- ↑ Movies " I Love You Phillip Morris
- ↑ «McGregor gay film too risque for cinema». Վերցված է 2011 թ․ դեկտեմբերի 23-ին.
- ↑ I Love You Phillip Morris (Soundtrack)