Եղեգնուտ (Լոռու մարզ)

Եղեգնուտ
Գյուղ
	Եղեգնուտ
Երկիր	Հայաստան
Մարզ	Լոռու մարզ
Համայնք	Փամբակ համայնք[1]
Հիմնադրված է	1856 թ.
Այլ անվանումներ	Ղամշկուտ
Մակերես	12,26 կմ²
ԲԾՄ	1000 մետր
Պաշտոնական լեզու	հայերեն
Բնակչություն	▼893 մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	եղեգնուտցի
Ժամային գոտի	UTC+4
	Եղեգնուտ (Լոռու մարզ) (Հայաստան)
	Եղեգնուտ (Լոռու մարզ) (Լոռու մարզ)
	Եղեգնուտ Վիքիպահեստում

Անվան այլ կիրառումների համար տե՛ս՝ Եղեգնուտ (այլ կիրառումներ)

Եղեգնուտ, գյուղ Հայաստանի Լոռու մարզի Փամբակ համայնքում^[1]։

Գտնվում է Փամբակ գետի աջ ափին։ Բարձրությունը ծովի մակերևույթից՝ 1 000 մ։ Տեղակայված է մարզկենտրոն Վանաձորից 21-23 կմ հյուսիս-արևելք։

Հիմնադրվել է 1856 թվականին, վերանվանվել Եղեգնուտ 1935 թվականին^[3]։ Վարչական տարածքը կազմում է 1225.9 հա։

Բնակչություն խմբագրել

Ըստ Հայաստանի 2011 թ. մարդահամարի արդյունքների՝ Եղեգնուտի մշտական բնակչությունը կազմել է 893, առկա բնակչությունը՝ 788 մարդ^[4]։ 1831 թվականից ի վեր բնակիչները հայեր են^[3]^[5]։

Եղեգնուտի բնակչության փոփոխությունը ժամանակի ընթացքում` ստորև.

Տարի	Բնակչություն
1897	421 մարդ	^[6]
1926	1084 մարդ	^[6]
1939	1427 մարդ	^[6]
1959	1200 մարդ	^[6]
1970	1319 մարդ	^[6]
1979	998 մարդ	^[6]
1989	825 մարդ	^[7]
2001	1164 մարդ	^[6]
2011	893 մարդ	^[2]

Կլիմա խմբագրել

Գյուղը պատկանում է սակավահող տնտեսությունների թվին։ Ձմեռվա տևողությունը միջինում 140 օր է։ Ձմեռը մեղմ է, ամառը՝ զով։ Անտառները հարուստ են հատապտուղներով։

Տնտեսություն խմբագրել

Գյուղում հիմնականում զբաղվում են կարտոֆիլի, կաղամբի և այլ բանջարաբոստանային կուլտուրաների արտադրությամբ։ Այս արտադրությունը և բերքատվությունը կախված են բնության քմահաճույքներից։ Անբարենպաստ պայմանների պատճառով գյուղացին երբեմն կորցնում է բերքի 50-55%-ը։ Գյուղում հիմնականում զբաղվում են անասնապահությամբ։ Արտադրվում է կաթ, միս, բուրդ, ձու։ Վերջին տարիներին գրանցվել է մեղվաբուծության առաջընթաց։ Բնության քմահաճույքները անդրադառնում են նաև անասնապահության բնագավառի առաջընթացին՝ կերի կուտակմանը և տեղափոխմանը։

Պատմամշակութային կառույցներ խմբագրել

Գյուղը շատ հարուստ է պատմամշակութային կառույցներով։ Գյուղում կան 22 խաչքար և 10 գերեզմանոց։ Գյուղի հարավային կողմում պահպանվել են Մ.թ.ա. 2-1-ին հազարամյակների ամրոցի պատերի մնացորդներ։ Կան Մ.թ.ա. 4-3-րդ հազարամյակների երկու բնակատեղի և մի ամրոց, ինչպես նաև միջնադարյան 6 գյուղատեղի։ Գործում են մեկ մատուռ և մեկ եկեղեցի։ Գյուղի տարածքում են գտնվում Մ.թ.ա. 2-1-ին հազարամյակների մեկ դամբարանատեղի, տապանաքար և թևավոր խաչ։ Փամբակ գետի վրա է գտնվում 19-րդ դարում կառուցված երկաթուղու կամուրջ։ Գյուղի սկզբնամասում, ճանապարհի ձախ կողմում է գտնվում Երկրորդ աշխարհամարտում զոհվածներերին նվիրված հուշարձան։