Ելոուսթոուն (լիճ)
Ելոուսթոուն (անգլ.՝ Yellowstone Lake), Ելոուսթոուն ազգային պարկի տարածքում գտնվող ամենամեծ լիճը[1]։
 Yellowstone Lake | ||
 | ||
| Կոորդինատներ | ||
| Երկիր | ԱՄՆ | |
| Վարչատարածքային բաժանում | Վայոմինգ | |
| Հայելու բացարձակ բարձրությունը | 2356 մ | |
| Երկարություն | 32 կմ | |
| Լայնություն | 23 կմ | |
| Ավազանի մակերեսը | 350 կմ² | |
| Ջրափնյա գծի երկարությունը | 177 կմ | |
| Ամենամեծ խորությունը | 122 մ | |
| Միջին խորությունը | 43 մ | |
| Սկիզբ առնող գետերը | Ելոուսթոուն գետ | |
Պատմություն խմբագրել
Լճի ծագումը կապված է մղանցքի տակ մագմային պարկի փլուզման հետ, որը տեղի է ունեցել ուժեղ ժայթքման արդյունքում մոտ 600,000 տարի առաջ։ Փլուզումը հանգեցրել է Ելոուսթոուն խառնարանի առաջացմանը, որի մի մասը լցվելով ջրով՝ ձևավորել է Ելոուսթոուն լիճը։
Ենթադրվում է, որ լիճը ունեցել է հոսք դեպի Սնեյք գետը։ Այսօր լճից դուրս եկող միակ գետը Ելոուսթոուն գետն է, որը համարվում է Միսսուրիի վտակը[2]։
Լիճը տեսած առաջին եվրոպացին մաունթինմեն, թանկարժեք մորթիների որսորդ Ջոն Քոլթերն է, որն այդ տարածք այցելել է 19-րդ դարի սկզբին։ Թանկարժեք մորթու ակտիվ առևտրի ժամանակ (1820-1840 թվականներ) Ելոուսթոուն լիճ այցելել են թանկարժեք մորթու առևտրով զբաղվողներ բազմաթիվ մարդիկ։
Նկարագրություն խմբագրել
Լճի հայելու մակերեսը 350 կմ² է, ափի եզրագիծը երկար է՝ 177 կմ։ Լճի միջին խորությունը կազմում է մոտ 43 մ, առավելագույն խորությունը հասնում է 122 մ-ի[3]։ Դա Հյուսիսային Ամերիկայի ամենամեծ քաղցրահամ լիճն է, որը գտնվում է ավելի քան 2000 մ բարձրության վրա (7000 ոտնաչափ)[4]։ Ձմռանը լճի մեծ մասը ծածկված է մոտ 1 մ հաստությամբ սառցե շերտով, բացառությամբ այն վայրերի, որտեղ երկրի մակերևույթ են դուրս գալիս տաք աղբյուրներ։
Ելոուսթոունը սառչում է դեկտեմբերի սկզբին և կարող է սառույցի տակ մնալ մինչև մայիսի վերջ կամ հունիսի սկիզբ։ Ինչպես լճում, այնպես էլ նրա շրջակայքում կան բազմաթիվ գեյզերներ, ֆումարոլներ և տաք ակունքներ։
Վերջին տարիներին (2004) նկատվել է լճի հատակի զգալի բարձրացում, ինչը վկայում է տարածաշրջանի տեկտոնական ակտիվության մասին։
Պատկերասրահ խմբագրել
-
Լիճը տիեզերքից -
Լիճն ամպամած օրերին -
Ելոուսթոուն-լեյք հյուրանոցը, տեսարան լճից
Ծանոթագրություններ խմբագրել
- ↑ «www.britannica.com». www.britannica.com. Վերցված է 2019 թ․ դեկտեմբերի 5-ին.
{{cite web}}: CS1 սպաս․ url-status (link) - ↑ «МИССУРИ • Большая российская энциклопедия - электронная версия». bigenc.ru. Արխիվացված է օրիգինալից 2020 թ․ սեպտեմբերի 21-ին. Վերցված է 2021 թ․ փետրվարի 24-ին.
- ↑ «how deep is the yellowstone lake - Google Search». www.google.com. Վերցված է 2019 թ․ փետրվարի 11-ին.
- ↑ «Frequently Asked Questions at Lake Village». National Park Service. 2006 թ․ հունիսի 27. Արխիվացված է օրիգինալից 2012 թ․ դեկտեմբերի 11-ին. Վերցված է 2007 թ․ հուլիսի 29-ին.
Արտաքին հղումներ խմբագրել
- «Еллоустонское озеро». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբուրգ. 1890–1907.
{{cite book}}: CS1 սպաս․ location missing publisher (link) - USGS answers questions about the 'bulge' under Yellowstone Lake.
- Bathymetry and Geology of the Floor of Yellowstone Lake, Yellowstone National Park, Wyoming, Idaho, and Montana - United States Geological Survey
 | Վիքիպահեստն ունի նյութեր, որոնք վերաբերում են «Ելոուսթոուն (լիճ)» հոդվածին։ |