Դևիդ Փոլ
Դևիդ Փոլ (անգլ.՝ David Paul, մարտի 8, 1957, Հարթֆորդ - մարտի 6, 2020, ԱՄՆ[1]), ամերիկացի դերասան, պրոդյուսեր և հեռուստահաղորդավար։
Դևիդ Փոլ անգլ.՝ David Paul | |
---|---|
Ծնվել է | մարտի 8, 1957 |
Ծննդավայր | Հարթֆորդ |
Մահացել է | մարտի 6, 2020 (62 տարեկան) |
Մահվան վայր | ԱՄՆ |
Քաղաքացիություն | ԱՄՆ |
Մասնագիտություն | դերասան |
Կենսագրություն խմբագրել
Դևիդ Փոլը ծնվել է 1957 թվականի մարտի 8-ին[2], իր երկվորյակ եղբայր Փիթեր Փոլից առաջ, դառնալով երրորդ երեխան ընտանիքում։ Դևիդի հայրենիքը ԱՄՆ Կոնեկտիկուտ նահանգի Հարթֆորտ փոքրիկ քաղաքն է։
Դեռահաս Դևիդը զբաղվում էր ամերիկյան ֆուտբոլով և ըմբշամարտով, երկու մարզաձևերն էլ պահանջում էին զգալի ֆիզիկական ուժ։ Ավելի ուշ զբաղվել է բացառապես բոդիբիլդինգով։
Յոթանասունականների վերջում երիտասարդ եղբայրներ Դևիդն ու Փիթեր Փոլը բացեցին իրենց ատլետիկ դահլիճը «Մետաղի տուն» անունով։ Բայց հետո նրանք տեղափոխվեցին Կալիֆոռնիա։
Ակտիվ մարզումների ժամանակ եղբայրները մարզվել են հայտնի Gold's Gym դահլիճում՝ Պետեր Գրիմկովսկու ղեկավարությամբ։
1983-2005 թվականներին եղբայրները նկարահանվել են ավելի քան մեկ տասնյակ կինոկարտինում, որոնցից ամենահայտնին 1994 թվականին նկարահանված «Դայակներ» («Twin Sitters») կատակերգական ֆիլմն է։ Ֆիլմը գրավել է հանդիսատեսի ուշադրությունը գլխավոր հերոսների, երկվորյակներ Դևիդ և Փիթեր Ֆալկոնեի շնորհիվ։
2020 թվականի մարտի 7-ին հայտնի է դարձել այն մասին, որ մարտի 6-ին 62 տարեկան հասակում մահացել է Դևիդ Փոլը։ Դևիդ Փոլի մահվան մասին լուրը հայտնել է իր երկվորյակ Փիթերը[3]։
Ֆիլմագրություն խմբագրել
Տարի | Հայերեն անվանում | Բնօրինակ անվանում | Դեր | |
---|---|---|---|---|
1983 | ֆ | Վաշինգտոնյան տաքսի | D.C. Cab | Բազի |
1984 | ս | Ճանապարհների ասպետ | Knight Rider | Կլիֆթոն |
1984 | ֆ | Ֆլամինգոյի տղան | The Flamingo Kid | Տուրկ |
1987 | ֆ | Բարբարոսները | The Barbarians | Գոռ |
1989 | ֆ | Մտածել խորը | Think Big | Վիկտոր |
1989 | ֆ | Կողոպտիչները մեծ ճանապարհից | The Road Raiders | Բլաք |
1989 | ֆ | Հոլիվուդի ուրվականը | Ghost Writer | Մարկո |
1992 | ֆ | Կրկնակի խնդիրներ | Double Trouble | Դևիդ Ջեյդ |
1994 | ֆ | Բնածին մարդասպաններ | Natural Born Killers | The Hun Brothers |
1994 | ֆ | Դայակներ | Twin Sitters | Դևիդ Ֆալկոնե |
2005 | ֆ | Անսիրտ | Souled Out | Այս Սթիվենս |
2013 | ֆ | Պանդոկ Ֆեյթ փողոցի անկյունում | Faith Street Corner Tavern | Դևիդ Փելպին |
Ծանոթագրություններ խմբագրել
- ↑ David Paul — One of the ‘Barbarian Brothers’ passes away
- ↑ «David Paul». IMDb. Վերցված է 2018 թ․ դեկտեմբերի 25-ին.
- ↑ Умер актер и бодибилдер Дэвид Пол