Դորիանս
Դորիանս, հայկական ռոք խումբ, որը ներկայացրել է Հայաստանը Եվրատեսիլ 2013 երգի մրցույթում և զբաղեցրել 18-րդ հորիզոնականը։
| Դորիանս | |
|---|---|
 | |
| Հիմնական տվյալներ | |
| Երկիր | Երևան Հայաստան |
| Ժանրեր | Ռոք |
| Գործունեություն | 2008 - ներկա |
| Լեյբլ | Dorians Production |
| Անդամներ | |
| Գոռ Սուջյան Գագիկ Խոդավիրդի Արման Փահլևանյան Էդգար Սահակյան Արման Ջալալյան | |
 Dorians (band) Վիքիպահեստում | |
Պատմություն խմբագրել
Խումբը հիմնադրվել է 2008 թվականի հունիս 7-ին։ Խմբի անդամներեն են՝ Գոռ Սուջյանը (վոկալ), Գագիկ Խոդավիրդին (կիթառ), Էդգար Սահակյանը (բասս կիթառ), Արման Փահլևանյանը (ստեղնաշարային գործիքներ) և Արման Ջալալյան (հարվածային գործիքներ)։
2009 թվականի ապրիլին Դորիանսը Մոսկվայում` Տաշիր ամենամյա մրցանակաբաշխության ժամանակ արժանացավ «Տարվա Բացահայտում» մրցանակին։ Հունիսին իր մեկ ամյակի առթիվ խումբն ունեցավ իր առաջին մեծ համերգը Երևանում[1]։
Լեգենդար երաժիշտներ Յան Գիլանի (Դիփ Փարփլ) և Թոնի Այոմիի (Բլեք Սաբաթ) հետ հանդիպումից հետո խումբը Rock Aid Armenia նախագծի շրջանակներում ունեցավ համերգ, որի հասույթը տրամադրեց Գյումրիի երաժշտական դպրոցին։
2010 թվականին խումբը համերգներով հանդես եկավ Մոսկվայում։ Նույն թվականին Հայաստանի Ազգային Երաժշտական Մրցանակաբաշխությանը ճանաչվեց “Տարվա Լավագույն Ռոք Խումբ”, իսկ 2011 թվականին նվաճեց “Տարվա Լավագույն Ռոք Խումբ”, ”Տարվա Լավագույն Տեսահոլովակ”, “Տարվա Լավագույն Երգիչ” մրցանակները[2]։
2011 թվականի ապրիլին խումբը ձայնագրեց իր առաջին ձայնասկավառակը, որի միքսային աշխատանքները կատարվեցին Բրյուսելում ("ICP" Studios), իսկ մասթերինգն արվեց Փարիզում ("Translab" Studio)։
2011 թվականի օգոստոսին Դորիանսը Երևանում ելույթ ունեցավ Սերժ Թանկյանի համերգի բացմանը[3]։
2011 թվականի դեկտեմբեր 13-ին խումբը Van Music Awards ռադիոմրցանակաբաշխության ժամանակ արժանացավ “Rock number One”, “Man Number One” մրցանակներին[4]։
Դորիանս խմբի առաջին՝ "Fly" (Թռիչք) անվամբ ձայնասկավառակի շնորհանդեսը տեղի ունեցավ 2011 թվականի դեկտեմբերի 22-ին[5]։
2012 թվականի սեպտեմբերի 10-ին Կարեն Դեմիրճյանի անվան Մարզահամերգային Համալիրում, իսկ սեպտեմբերի 13-ին Արցախում, Դորիանս խումբը ելույթ ունեցավ աշխարհահռչակ ռոք երաժիշտ, ստեղնահար Դերեկ Շերինյանի հետ։ Համերգի հատուկ հյուրն էր կենդանի ռոք լեգենդ Գլեն Հյուզը[6][7]։
2013 թվականի մայիսին խումբը "Lonely Planet" երգով ներկայացրել է Հայաստանը Եվրատեսիլ 2013 երգի մրցույթում[8][9][10], և եզրափակչում զբաղեցրել 18-րդ հորիզոնականը 41 միավորով[11]։
Խմբի անդամներ խմբագրել
Ներկայիս անդամներ խմբագրել
- Գոռ Սուջյան - վոկալ (2008 թ–ներկա)
- Գագիկ Խոդավիրդի - կիթառ (2008 թ–ներկա), ծնվել է 1987 թվականի մայիսի 19-ին Թեհրանում։ Դպրոցն ավարտելուց հետո տեղափոխվել է Երևան, ուր ընդունվել է Երևանի Կոմիտասի անվան պետական կոնսերվատորիա։
- Արման Փահլևանյան - ստեղնաշարային գործիքներ (2008 թ–ներկա)
- Էդգար Սահակյան - բաս կիթառ (2008 թ–ներկա)
- Արման Ջալալյան - հարվածային գործիքներ (2008 թ–ներկա)
Աղբյուրներ խմբագրել
- ↑ «Dorians». Արխիվացված է օրիգինալից 2012 թ․ ապրիլի 6-ին. Վերցված է 2012 թ․ ապրիլի 14-ին.
- ↑ Հայաստանի Ազգային Երաժշտական Մրցանակաբաշխություն 2009
- ↑ Սերժ Թանկյանի համերգը կբացի Դորիանս ռոք խումբը. Րաֆֆի Նիզիբլյան
- ↑ Van Music Awards 2011(չաշխատող հղում)
- ↑ «Ներկայացվեց Դորիանս ռոք խմբի առաջին ձայնասկավառակը». Արխիվացված է օրիգինալից 2012 թ․ փետրվարի 15-ին. Վերցված է 2012 թ․ ապրիլի 14-ին.
- ↑ Առաջին մեծության ռոք-աստղը ելույթ է ունեցել Արցախում
- ↑ Դորիանսը, Գլեն Հյուզն ու Դերեկ Շերինյանը “ռոքեցին” հայ հանդիսատեսին
- ↑ Who will win Eurovision 2013?CNN(անգլ.)
- ↑ Գոռ Սուջյանը կներկայացնի Հայաստանը - European Broadcasting Union(անգլ.)
- ↑ Gor Sujyan will represent Armenia - European Broadcasting Union(անգլ.)
- ↑ Eurovision Song Contest 2013 Grand Final(անգլ.)
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Դորիանս» հոդվածին։ |