Դիսկրիմինանտ

Դիսկրիմինանտ (լատին․՝ discriminans-անջատող, տարբերող), $f(x)=a_{0}x^{n}+a_{1}x^{n-1}+....+a_{n-1}x+a_{n}=0$ ($a_{n}\neq 0$) հանրահաշվական հավասարման, $a_{n}^{2n-2}\prod _{i<j}(\alpha _{i}-\alpha _{j})^{2}$ արտահայտությունն է, որտեղ $x_{i}$-երը հավասարման արմատներն են։ Դիսկրիմինանտ սիմետրիկ ֆունկցիա է և հավասարվում է $0$-ի միայն այն դեպքում, երբ $f(x)$ ունի գեթ մեկ բազմապատիկ արմատ։ Դիսկրիմինանտ կարելի է արտահայտել նաև $f(x)=0$ հավասարման գործակիցներից կազմված որոշիչով։ Օրինակ, երկրորդ կարգի $ax^{2}+bx+c=0$ հավասարման դիսկրիմինանտը $b^{2}-4ac$-ն է։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 398)։