Դիլիջանի երկրագիտական թանգարան-պատկերասրահ
Դիլիջանի երկրագիտական թանգարան-պատկերասրահ, հիմնադրվել է 1950 թվականին ուսուցիչ Եղիշե Հովսեփյանի կողմից, այցելուների համար բացվել է 1952 թվականին։ Թանգարանի պատկերասրահն ստեղծվել է 1958 թվականին։ Ընդգրկված է Դիլիջանի պատմության և մշակույթի անշարժ հուշարձանների ցանկում (հուշարձան՝ 10.3/134):
Դիլիջանի երկրագիտական թանգարան-պատկերասրահ | |
|---|---|
 | |
| Տեսակ | թանգարան և մշակութային արժեք |
| Երկիր |  Հայաստան[1] |
| Տեղագրություն | Դիլիջան[1] |
| Կազմված է | Խաչքար և Խաչքար Լույսի և Կիրակոսի |
| Հասցե | ք․ Դիլիջան, Մյասնիկյան 28 |
| Հիմնադրվել է | 1950 |
| Տնօրեն | Արման Բադեյան |
 | |
 | |
Պատմություն խմբագրել
Թանգարանի նախկին շենքը կառուցվել է 1920 թվականին՝ որպես հյուրանոց, այնուհետև օգտագործվել՝ որպես հիվանդանոց, հետագայում դարձյալ հյուրանոց։ 1967 թվականին վերանորոգումից հետո հանձնվել է Դիլիջանի երկրագիտական թանգարանին։ 2005 թվականին հին շենքը քանդվել է և 5 տարվա ընթացքում կառուցվել է թանգարանի նոր շենքը՝ Դիլիջան քաղաքի ֆինանսավորմամբ և քաղաքի գլխավոր ճարտարապետ Նվեր Դանիելյանի նախագծով։ 2010 թվականին եղել է թանգարանի պաշտոնական բացումը, իսկ 2011 թվականի ապրիլի 1-ից բաց է այցելուների համար[2][3]։
Ցուցադրություն խմբագրել
Թանգարանում պահվում և ցուցադրվում են հնագիտական իրեր՝ 1017 հատ, ազգագրական իրեր՝ 628 հատ, 391 կիրառական արվեստի իր, 353 գրաֆիկական աշխատանքներ, 409 գեղանկարներ, քանդակներ, 47 արծաթյա իր, որից 36-ը մետաղադրամ, հնատիպ գրականություն՝ 39 կտոր։ Առանձնակի հետաքրքրություն է ներկայացնում հնագիտության բաժինը, որը հայտնաբերվել է Դիլիջանի շրջակայքից և պատկանում է ուշ բրոնզի և վաղ երկաթի դարաշրջաններին։ Պատկերասրահը հարուստ է հայ, ռուս և արտասահմանյան նկարիչների, այդ թվում՝ Հովհաննես Այվազովսկու, Վարդգես Սուրենյանցի, Գևորգ Բաշինջաղյանի, Մարտիրոս Սարյանի, Ռոքուել Քենտի, Էդգար Շահինի, Ռիշար Ժերանյանի,Շանթ Հերթևցյանի բնօրինակ աշխատանքներով։
Հասցե խմբագրել
Թանգարանը գտնվում է Տավուշի մարզի Դիլիջան քաղաքում, Մյասնիկյան 28 հասցեում։
Պատկերասրահ խմբագրել
-
-
-
-
-
-
-
մազակալ -
Հովհաննես Այվազովսկի, Ծովային տեսարան -
Վարդգես Սուրենյանց, Ներքինինը Հարեմում -
Ադիբեկ Գրիգորյան, Պետրոս Դուրյանի մարմարե կիսանդրին
.jpg)
.jpg)
.jpg)
.jpg)
.jpg)
.jpg)
|
Հայաստանի պատմության և մշակույթի անշարժ հուշարձան, օբյեկտ № 10.3/134 |
Ծանոթագրություններ խմբագրել
- ↑ 1,0 1,1 Wiki Loves Monuments monuments database — 2017.
- ↑ Դիլիջանում բացվեց Երկրագիտական թանգարան-պատկերասրահը
- ↑ «ԴԻԼԻՋԱՆԻ ԵՐԿՐԱԳԻՏԱԿԱՆ ԹԱՆԳԱՐԱՆ | Պատմամշակութային արգելոց-թանգարանների և պատմական միջավայրի պահպանության ծառայության». hushardzan.am. Արխիվացված է օրիգինալից 2016 թ․ օգոստոսի 7-ին. Վերցված է 2016 թ․ օգոստոսի 18-ին.
Արտաքին հղումներ խմբագրել
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Դիլիջանի երկրագիտական թանգարան-պատկերասրահ կատեգորիայում։ |