Դաշտավան
Դաշտավան, գյուղ Հայաստանի Հանրապետության Արարատի մարզի Մասիսի տարածաշրջանում, մարզկենտրոնից գտնվում է 28 կմ հեռավորության վրա։
| Գյուղ | ||
|---|---|---|
| Դաշտավան | ||
| Երկիր |  Հայաստան | |
| Մարզ | Արարատի | |
| Հիմնադրված է | 1897 թ. | |
| Մակերես | 3,93 կմ² | |
| ԲԾՄ | 830 մ | |
| Պաշտոնական լեզու | Հայերեն | |
| Բնակչություն | 1970[1] մարդ (2011) | |
| Ազգային կազմ | Հայեր | |
| Ժամային գոտի | UTC+4 | |
| ||
Պատմություն խմբագրել
Գյուղը հիմնադրվել է 1897 թվականին։ Նախկինում ունեցել է Շոռլու, Շոռլու Դեմիրչի, Շոռլու Դեմուրչի, Շոռլու Տեմիրճի անվանումները։ Վերանվանվել է Դաշտավան 1978 թվականից։ Նախկինում մտել է Երևանի նահանգի Երևանի գավառի մեջ։ Գյուղն ընկած է Արարատյան դաշտում` Հրազդան գետի ձախ ափին։ Ծովի մակարդակից ունի 830 մ բարձրության վրա։
Կլիման խմբագրել
Կլիման չոր, խիստ ցամաքային է։ Ձմեռները սկսվում են դեկտեմբերի կեսերին, հունվարյան միջին ջերմաստիճանը տատանվում է -3-ից -5°C: Ամառը տևական է` մայիսից մինչև հոկտեմբեր, օդի միջին ամսական ջերմությունը հասնում է 24-ից 26 °C, իսկ առավելագույնը՝ 42 °C։ Հաճախ լինում են խորշակներ, որոնք զգալի վնաս են հասցնում գյուղատնտեսությանը։ Մթնոլորտային տարեկան տեղումների քանակը 250-300 մմ է։ Բնական լանդշաֆտները կիսաանապատներ են, որոնք ոռոգման ընթացքում վերածվել են կուլտուր-ոռոգելի լանդշաֆտի։ Ագրոկլիմայական տեսակետից համայնքն ընկած է բացարձակ ոռոգման գոտում։
Բնակչություն խմբագրել
Ըստ Հայաստանի 2011 թ. մարդահամարի արդյունքների՝ Դաշտավանի մշտական բնակչությունը կազմել է 1970, առկա բնակչությունը՝ 1909 մարդ[1], բնակչության փոփոխությունը ժամանակի ընթացքում` ստորև[2].
| Տարի | 1897 | 1926 | 1939 | 1959 | 1970 | 1979 | 2001 | 2011 |
|---|---|---|---|---|---|---|---|---|
| Բնակիչ | 1630 | 716 | 759 | 687 | 1292 | 1570 | 2013 | 1970[1] |
Տնտեսություն խմբագրել
Գյուղն ունի առկա 490 տնտեսություն, դպրոց, գրադարան, բուժկետ, կապի հանգույց։ Համայնքի տնտեսության մասնագիտացման ճյուղը գյուղատնտեսությունն է, համախառն բերքի մեծ մասը տալիս է բուսաբուծությունը։ Գյուղատնտեսական նշանակության հողերը կազմում են շուրջ 263 հա։ Համայնքի հողերի հիմնական մասն օգտագործվում են որպես վարելահողեր՝ զբաղեցնելով մոտ 129 հա։ Ունի պտղատու և խաղողի այգիներ։ Զբաղվում են այգեգործությամբ, դաշտավարությամբ, բանջարաբուծությամբ։ Մշակում են ջերմասեր բանջարաբոստանային կուլտուրաներ, ինչպես նաև հացահատիկ։ Պահուստային հողերը օգտագործվում են հիմնականում որպես արոտավայրեր՝ 63 հա։ Զբաղվում են կաթնամսատու անասնապահությամբ, մեղվաբուծությամբ։
_(5).jpg)
Սուրբ Մարիամ եկեղեցի խմբագրել
Դաշտավանի Սուրբ Մարիամ եկեղեցին ընդգրկված է Արարատյան Հայրապետական թեմի կազմում։ Կառուցվել է 2012-2016 թվականներին։ Եկեղեցու շինարարությունը մեկնարկել է 2012 թվականին։ Օծվել է 2018 թվականի հուլիսի 6-ին՝ ձեռամբ Արմավիրի թեմի առաջնորդ Գերաշնորհ Տ. Սիոն եպիսկոպոս Ադամյանի, ով սրբալույս մյուռոնով օծել է եկեղեցու տասներկու սյուները, ավազանը, խորանը, խորանի ճակատը և Սուրբ Սեղանը։ Եկեղեցին անվանակոչվել է Սուրբ Մարիամ Աստվածածնի անվամբ[3]։
Տես նաև խմբագրել
Ծանոթագրություններ խմբագրել
- ↑ 1,0 1,1 1,2 2011 թ Հայաստանի մարդահամարի արդյունքները
- ↑ «Հայաստանի հանրապետության բնակավայրերի բառարան, էջ 65» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2015 օգոստոսի 11-ին.
- ↑ «Օծվեց Դաշտավան համայնքի նորակառույց եկեղեցին». Qahana.am. Արխիվացված է օրիգինալից 2019 թ․ հուլիսի 17-ին. Վերցված է 2019 թ․ հուլիսի 17-ին.
Արտաքին հղումներ խմբագրել
- Արարատի մարզպետարան Արխիվացված 2012-04-13 Wayback Machine
- Դաշտավան Արխիվացված 2012-04-13 Wayback Machine