Դանիիլ Շաֆրան
Դանիիլ Բորիսովիչ Շաֆրան (հունվարի 13, 1923, Պետրոգրադ, ՌԽՖՍՀ, ԽՍՀՄ - փետրվարի 7, 1997[1], Մոսկվա, Ռուսաստան), խորհրդային թավջութակահար, ԽՍՀՄ ժողովրդական արտիստ (1977)։
Դանիիլ Շաֆրան | |
---|---|
Ծնվել է | հունվարի 13, 1923 Պետրոգրադ, ՌԽՖՍՀ, ԽՍՀՄ |
Երկիր | Ռուսաստան և ԽՍՀՄ |
Մահացել է | փետրվարի 7, 1997[1] (74 տարեկան) Մոսկվա, Ռուսաստան |
Գերեզման | Տրոեկուրովյան գերեզմանատուն |
Մասնագիտություն | երաժիշտ, երաժշտության ուսուցիչ և թավջութակահար |
Գործիքներ | թավջութակ |
Կրթություն | Սանկտ Պետերբուրգի կոնսերվատորիա |
Պարգևներ |
1950 թվականին ավարտել է Լենինգրադի կոնսերվատորիան (Ա․ Յա․ Շարիմերի դասարան)։ 1943 թվականից՝ Մոսկվայի ֆիլհարմոնիայի մենակատար։ Համերգներով հանդես է գալիս ԽՍՀՄ-ում և արտասահմանում։ Շաֆրանի նվագը բնորոշվում է նուրբ բանաստեղծականությամբ, վիրտուոզությամբ։ Համամիութենական (1937, Մոսկվա, 1-ին մրցանակ) և Հ․ Վիհանի անվան միջազգային (1950, Պրահա, 1-ին մրցանակ) մրցույթների դափնեկիր է։ 1959 թվականին, առաջինը սովետական երաժիշտներից, Շաֆրանը ընտրվել է Արտիստների միջազգային ակադեմիայի (Հռոմ) անդամ։ ԽՍՀՄ պետական մրցանակ (1952)։
Ծանոթագրություններ խմբագրել
- ↑ 1,0 1,1 1,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 475)։ |