Գրառումներ մեռյալ տնից

«Գրառումներ մեռյալ տնից» (ռուս.՝ «Записки из Мёртвого дома»), ռուս գրող Ֆյոդոր Դոստոևսկու վիպակն է՝ բաղկացած երկմասանոց համանուն պատումից և մի քանի պատմվածքներից (գրվել է 1860-1861 թվականներին)։ Ստեղծվել է 1850-1854 թթ․ գրողի՝ Օմսկի տաժանավայրում անցկացրած տարիների տպավորությունների հիման վրա։

Գրառումներ մեռյալ տնից ռուս.՝ Записки из Мёртвого дома
Հեղինակ	Ֆեոդոր Դոստոևսկի
Տեսակ	գրական ստեղծագործություն
Ժանր	վեպ-թերթոն
Բնօրինակ լեզու	ռուսերեն
Ստեղծման տարեթիվ	1860
Նկարագրում է	Ռուսական կայսրություն և Սիբիրյան դաշնային օկրուգ
Երկիր	Ռուսական կայսրություն
Հրատարակված է	Vremya?
Հրատարակման տարեթիվ	1862
The House of the Dead Վիքիպահեստում

Վիպակը փաստագրական բնույթ ունի և ընթերցողին ծանոթացնում է XIX դարի երկրորդ կեսին Սիբիրում պահվող կալանավորների կենցաղի մասին։ Գրողը գեղարվեստականորեն ներկայացնում է Օմսկի տաժանավայրում անցկացրած չորս տարիների տեսածն ու զգացածը։ Առաջին անգամ հրատարակվել է «Վրեմյա» («Время») ամսագրում։

Հայերեն թարգմանություններ

«Գրառումներ մեռյալ տնից» վիպակը հայերեն թարգմանվել և հրապարակվել է քսաներորդ դարի սկզբներից։ Առաջին հիշատակումը Կ․ Պոլսում հրատարակվող «Հայրենիք» պարբերականում է, որը 1909 թվականի օգոստոսից, թերթոնի տեսքով, հատվածաբար հրապարակել է Երվանդ Օտյանի թարգմանությունը՝ «Մեռելներու տան յիշատակները» վերնագրով։ Թարգմանությունը, հավանաբար, կատարվել է ֆրանսերենից։

Հաջորդ, ոչ ամբողջական հրատարակությունը եղել է Ս․ Պետերբուրգում հրատարակվող «Արաքս» ամսագրի գրական հավելվածում՝ «Յիշատակարան մեռեալ տանից» վերնագրով, 1892-1894 թթ․։ Այս թարգմանության հեղինակն անհայտ է։

«Գրառումներ մեռյալ տնից» վերնագրով վիպակը 1998 թ․ հոկտեմբերից հատվածաբար հրատարակվել է ՀՀ ՆԳՆ ԱԱՆ «02» շաբաթաթերթում՝ Ներսես Աթաբեկյանի թարգմանությամբ։

Վիպակը 2005 թվականին առանձին գրքով հրատարակել է ՀԳՄ հրատարակչությունը՝ Արմեն Հովհաննիսյանի թարգմանությամբ։

Այլ

• «Գրառումներ մեռյալ տնից» գիրքը Գրապահարանում։ Արխիվացված 2020-07-03 Wayback Machine

Վիքիպահեստն ունի նյութեր, որոնք վերաբերում են «Գրառումներ մեռյալ տնից» հոդվածին։