Գուրգեն Հայրապետյան
Գուրգեն (Գրիգոր) Միքայելի Հայրապետյան (օգոստոսի 9 (22), 1914[1], Վարնկաթաղ, Ջևանշիրի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն[1] - մարտի 14, 1998, Երևան, Հայաստան), Խորհրդային Միության հերոս, փոխգնդապետ, ԽՄԿԿ անդամ (1942)։ 1936 թվականին զորակոչվել է կարմիր բանակ։ 1938-1939 թվականներին սովորել է հրամանատարական դասընթացներում, Խորհրդա-ֆիննական պատերազմի տարիներին մասնակցել է Հյուսիս-արևմտյան ուղղությամբ Ֆինլանդիայի դեմ մղած խորհրդային ագրեսիային և, ըստ խորհրդային աղբյուրների, «աչքի ընկել Մաներհայմի գծի ճեղքման ժամանակ»։ Նրա հրամանատարությամբ գործող ջոկատը գրավել է հակառակորդի երկու դզօտ և պատճառել 200 զինվորի ու սպայի մարդկային կորուստ։
| Գուրգեն Հայրապետյան | |
|---|---|
| օգոստոսի 9 (22), 1914[1] - մարտի 14, 1998 (83 տարեկան) | |
| Ծննդավայր | Վարնկաթաղ, Ջևանշիրի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն[1] |
| Մահվան վայր | Երևան, Հայաստան |
| Քաղաքացիություն |  Ռուսական կայսրություն,  ԽՍՀՄ և  Հայաստան |
| Զորատեսակ | հետևազոր |
| Կոչում | փոխգնդապետ[1] |
| Մարտեր/ պատերազմներ | Խորհրդային բանակի ներխուժումը Լեհաստան, Խորհրդա-ֆիննական պատերազմ[1] և Հայրենական մեծ պատերազմ |
| Կրթություն | Վիստրել և Մ. Վ. Ֆրունզեի անվան ռազմական ակադեմիա (1952)[1] |
| Պարգևներ | |
Հրամանատարության առաջադրանքները հաջող կատարելու համար Հայրապետյանին շնորհվել է Խորհրդային Միության հերոսի կոչում։ Հայրենական մեծ պատերազմի գործողությունների առաջին օրերին կամավոր մեկնել է առաջնագիծ և կռվել Ուկրաինայի ազատագրման համար։ 409-րդ հայկական հրաձգային դիվիզիայի կազմում աչքի է ընկել Կիրովգրադ քաղաքի ազատագրման մարտերում։
1948-1951 թվականներին հեռակա կերպով ավարտել է Մ. Վ. Ֆրունզեի անվան ռազմական ակադեմիան։ 1955 թվականից աշխատել է Երևանի Կարլ Մարքսի անվան պոլիտեխնիկական ինստիտուտում (այժմ՝ Հայաստանի ազգային պոլիտեխնիկական համալսարան)։
Պարգևատրվել է Լենինի, Կարմիր դրոշի և այլ շքանշաններով ու մեդալներով։
Ծանոթագրություններ խմբագրել
- ↑ 1,0 1,1 1,2 1,3 1,4 1,5 1,6 1,7 1,8 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ http://www.podvignaroda.ru/?#id=21995673&tab=navDetailDocument
- ↑ http://www.podvignaroda.ru/?#id=1510258893&tab=navDetailManUbil
- ↑ http://www.podvignaroda.ru/?#id=1533319025&tab=navDetailDocument
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 205)։ 
|