Վիքիպեդիա

Գլյուքսբուրգ ամրոց

Գլյուքսբուրգների դինաստիայի ընտանեկան բնակավայր

Գլյուքսբուրգ ամրոց (դանիերեն` Lyksborg Slot, Լյուքսբորգ շլոթ), Գլյուքսբուրգների դինաստիայի ընտանեկան բնակավայր։ Գտնվում է դանիական սահմանի մոտակայքում, Գերմանիայի ամենահյուսիսում, Գլյուքսբուրգ քաղաքում,Ֆլենսբուրգից 11 կմ հեռավորության վրա։

Գլյուքսբուրգ ամրոց
դանիերեն` Lyksborg Slot
Գլյուքսբուրգ ամրոցի հարավային ճակատ
Տեսակշատո, water castle? և թանգարան
Երկիր Գերմանիա[1]
Տեղագրություն Շլեզվիգ Հոլշտայն
ՎայրԳլյուքսբուրգ
ՀասցեSchloss, 24960 Glücksburg[2]
Ճարտարապետական ոճՎերածննդի ճարտարապետություն
ՍեփականատերՇլեզվիգ Հոլշտայն Զոնդերբուրգ Գյլուքսբուրգ արքայատոհմ
Օգտագործվում էթանգարան
Կառուցման սկիզբ1582
Առաջին հիշատակում1192
Հիմնադրված է1583
ՃարտարապետՆիկոլաուս Կարիես
Կառուցման ավարտ1587
ՊատվիրողՀանս II կրտսեր
Կարգավիճակկանգուն
Ժառանգության կարգավիճակմշակութային հուշարձան և Heritage monument in Schleswig-Holstein?
Քարտեզ
Քարտեզ
Պաշտոնական կայք

Ամրոցը լճի մեջ է, լճի մակերեսից 2,5 մետր բարձրություն ունեցող հիմքի վրա։ Կառուցել է նրա նախագծող ճարտարապետ Նիկոլաուս Կերիեսը (անգլ.՝ Nikolaus Karies) Հանս II կրտսերի հրամանով[3]։

Պատմություն խմբագրել

Ամրոցի պատմությունը սկսվել է 1192 թվականին Շլեզվիգի Սուրբ Միքայել կրկնակի վանական համալիրից, որը անբարոյականության և հարբեցողության հեղինակություն էր վայելում։ Շլեզվիգի եպիսկոպոսը վանկաններին տեղափոխել է։ Միանձնուհիներն այնտեղ մնալով հիմնել են Սուրբ Հովհաննես վանքը, իսկ վանականները տեղափոխվել են Լանգսի լճի ափ և հիմնել են Գուլդենհոլմ աբայությունը (գերմաներեն՝ Güldenholm): Սակայն այս տեղափոխությունը նպատակին չի ծառայել և վանականներին նորից տեղափոխել են մեկ այլ վայր՝ Մունկբրարուպ։ Սա համընկել է Դանիայում ցիստերցիանական կանոնների խստացման հետ։ 1209-1210 թվականներին հիմնվել է նոր՝ Ռայդ Քլասթեր (դանիերեն Ryd Kloster) ցիստերցիանական աբբայությունը (անգլ.՝ Cistercians )[4], այսօրվա Գլյուքսբուրգ ամրոցի տեղում։ Լքված շենքերն անմխիթար վիճակում են եղել, երբ Հանս II կրտսերի՝ Շլեզվիգ Հոլշտայն Զոնդերբուրգի առաջին դուքսի (անգլ.՝ John II, Duke of Schleswig-Holstein-Sonderburg) հրամանով քարերը քանդվել են և այդ քարերով կրկին կառուցվել է ամրոց։ Ամրոցի շինարարությունը սկսվել է 1582 թվականին և ավարտվել է ընդամենը հինգ տարում[5]։

2005 թվականի պեղումների ժամանակ լճի հատակում հայտնաբերել են վանական համալիրի հիմքերը, գերեզմաններ և համալիրի գոյության բազմաթիվ վկայություններ[6]։

Գլյուքսբուրգների ժառանգական սեփականություն խմբագրել

Մի քանի հարյուրամյակ շարունակ ամրոցը պատկանել է Շլեզվիգ Հոլշտայնի դուքսերին։ XIX դարի կեսերին եղել է դանիական թագավոր Քրիստիան IX -ի տիրապետության տակ։ Ամրոցը Գլյուքսբուրգների ժառանգական սեփականությունն է։

Պատկերասրահ խմբագրել

Ներկայումս Գլյուքսբուրգ ամրոցում թանգարան է գործում, ինչպես նաև լինում են համերգներ, հարսանիքներ և այլ միջոցառումներ[7]։

  •  
    Ամրոցի պատվիրատու՝ Հանս II կրտսեր, 16-րդ դար
  •  
    Ռայթ Քլասթեր աբբայության տեղում կանգնեցված հուշաքար
  •  
    Ամրոցի տեսքը և առջևի ամրացումները արևմտյան մասից
  •  
    Ամրոցային համալիր

Ծանոթագրություններ խմբագրել

  1. ↑ archINFORM (գերմ.) — 1994.
  2. ↑ https://www.schloss-gluecksburg.de/kontakt
  3. ↑ Rudolf Jaeger: Karies, Nikolaus. in: Schleswig-Holsteinisches Biographisches Lexikon. Band 1. Karl Wachholtz Verlag, Neumünster 1970, S. 174–175 (գերմաներեն)
  4. ↑ «Ցիստերցիանականների պաշտոնական կայք». Արխիվացված է օրիգինալից 2019 թ․ հոկտեմբերի 30-ին. Վերցված է 2016 թ․ նոյեմբերի 30-ին.
  5. ↑ Johann Herzog von Schleswig-Holstein-Sonderburg
  6. ↑ Abendblatt.de: 2005 թվականի երկրաբանական հետազոտությունների զեկույց (գերմ.)
  7. ↑ «WELCOME TO SCHLOSS GLÜCKSBURG».

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Գլյուքսբուրգ ամրոց» հոդվածին։
Ստացված է «https://hy.wikipedia.org/w/index.php?title=Գլյուքսբուրգ_ամրոց&oldid=9747106» էջից