Գեորգի Սաղարաձե

Գեորգի Սաղարաձե (վրաց.՝ გიორგი საღარაძე, 24 սեպտեմբերի (7 հոկտեմբերի), 1906 - 1986, Թբիլիսի, Վրացական ԽՍՀ, ԽՍՀՄ), կինոյի և թատրոնի վրացի դերասան, Վրացական ԽՍՀ ժողովրդական արտիստ (1950)։

Գեորգի Սաղարաձե վրաց.՝ გიორგი საღარაძე
Ծնվել է	սեպտեմբերի 24 (հոկտեմբերի 7), 1906 կամ հոկտեմբերի 25, 1906(1906-10-25)
Ծննդավայր	Ռուսական կայսրություն
Մահացել է	1986 կամ ապրիլի 12, 1980(1980-04-12) (73 տարեկան)
Մահվան վայր	Թբիլիսի, Վրացական ԽՍՀ, ԽՍՀՄ
Գերեզման	Դիդուբեի պանթեոն
Քաղաքացիություն	Ռուսական կայսրություն և  ԽՍՀՄ
Մասնագիտություն	դերասան
Պարգևներ և մրցանակներ	Վրացական ԽՍՀ ժողովրդական արտիստ և

Կենսագրություն

Գեորգի Սաղարաձեն ծնվել է 1906 թվականի սեպտեմբերի 24-ին (հոկտեմբերի 7-ին)։ 1925 թվականին ընդունվել է Թբիլիսիի Շոթա Ռուսթավելու անվան պետական ակադեմիական թատրոնին կից թատերական ստուդիա (ներկայում՝ Թբիլիսիի Շոթա Ռուսթավելու անվան թատերական ինստիտուտ)։ Ուսումն ավարտելուց հետո սկսել է աշխատել թատրոնում։

1928 թվականից հանդես է եկել էստրադային ժանրում, նկարահանվել է կինոյում։ Հայտնի են նրա կատարած դերերը «Երդում» (1946) և «Ծեր զուռնաչիները» (1972) ֆիլմերում։

Գեորգի Սաղարաձեն մահացել է 1986 թվականին Թբիլիսիում։

Ընտանիք

• Որդի - Գուրամ Սաղարաձե (1929-2013), դերասան, Վրացական ԽՍՀ ժողովրդական արտիստ
• Թոռ - Մարինա Սաղարաձե (ծնվել է 1956 թվականին), Թբիլիսիի Շոթա Ռուսթավելու անվան պետական ակադեմիական թատրոնի դերասանուհի

Մրցանակներ

• Վրացական ԽՍՀ ժողովրդական արտիստ (1950)
• Ստալինյան մրցանակ գրականության և արվեստի բնագավառում, Իլո Մոսաշվիլիի «Ջրասույզ քարեր» պիեսի բեմադրության մեջ Շուկրիի դերակատարման համար (1951)

Արվեստ

Դերերը թատրոնում

• «Անզոր» (Սանդրո Շանշիաշվիլի) - Լարբի
• «Արսեն» (Սանդրո Շանշիաշվիլի) - Արսեն
• «Սալտե» (Սամսոնիձե) - Ամիրան
• «Երեկվանը» (Շալվա Դադիանի) - Կիլորդավա
• «Հիմար» (Շիուկաշվիլի) - Գերցինսկի
• «Հերոսների սերունդը» (Սերգո Կլդիաշվիլի) - Կախիանի
• «Հայրենիք» (Գեորգի Էրիսթավի) - Խիմշիաշվիլի
• «Կայարանապետը» (Իլո Մոսաշվիլի) - Կուզմա
• «Ջրասույզ քարեր» (Իլո Մոսաշվիլի) - Շուկրի (ԽՍՀՄ պետական մրցանակ, 1951)
• «Բեկում» (Բորիս Լավրենյով) - Բերսենև
• «Դավաճանություն» (Սումբատով) - Դաթո
• «Էդիպ արքա» (Սոֆոկլես) - Կրեոնտ
• «Համլետ» (Վիլյամ Շեքսպիր) - Կլավդի
• «Արքա Լիր» (Վիլյամ Շեքսպիր) - Էդմունդ

Ֆիլմագրություն

• 1937 - Կորուսյալ դրախտ (Թբիլիսիի կինոստուդիա)
• 1938 - Մեծ հրացոլք (Թբիլիսիի կինոստուդիա) - Ծերեթելի, նախարար
• 1946 - Երդում (Թբիլիսիի կինոստուդիա) - Գեորգի
• 1960 - Ասք մի աղջկա մասին (Վրացֆիլմ) - պրոֆեսոր
• 1972 - Ծեր զուռնաչիները (վրաց.՝ ბებერი მეზურნეები; Վրացֆիլմ) - Բուտխուզա
• 1973 - Աշնան տաք արև (Վրացֆիլմ) - Բիձինա
• 1977 - Դաթա Թութաշխիա (1-ին, 5-րդ և 6-րդ սերիաներ, Վրացֆիլմ) - Մաղալի Զարանդիա, Կոստայի ու Մուշնիի հայրը

Արտաքին հղումներ

• Գեորգի Սաղարաձեն Internet Movie Database կայքում (անգլ.)
• САГАРАДЗЕ, Георгий Илларионович Արխիվացված 2007-08-16 Wayback Machine