Գեբել էլ-Սիլսիլա

Գեբել էլ-Սիլսիլա (արաբ․՝ جبل السلسلة‎‎, եգ․: ẖny), տեղանք, որը գտնվում է Էդֆուից հարավ՝ Ասուանից 65 կմ հյուսիս։ Հնում հայտնի է եղել իր քարհանքներով։

Բնակավայր
Գեբել էլ-Սիլսիլա
Երկիր	Եգիպտոս
ԲԾՄ	166±1 մետր
Ժամային գոտի	Եգիպտոսի ստանդարտ ժամանակ
Գեբել էլ-Սիլսիլա (Եգիպտոս)
Գեբել էլ-Սիլսիլա Վիքիպահեստում

Անվանում

Այս վայրում ավազաքարե լեռները երկու կողմից շրջապատում են Նեղոսը, ինչի արդյունքում նեղացնում է նրա հոսքը։ Գետի հոսանքին հակառակ շարժվելով, որն այդ հատվածում ավելի ուժեղ է դառնում, զբոսաշրջիկները ստիպված էին լրացուցիչ ջանք թափել։ Այդ պատճառով տեղանքը ստացել է Հենու (բառացիորեն՝ «թիի վայր») անվանումը։ Իսկ արաբական Գեբել էլ-Սիլսիլա անվանումը (բառացիորեն՝ «շղթաների լեռ») կապված է մի լեգենդի հետ, ըստ որի շղթան պատնեշում է գետի այդ հատվածը։

Պատմություն

Այստեղ գտնվող քարհանքերը գոյություն են ունեցել առնվազն եգիպտական XVIII դինաստիայից մինչև հունահռոմեական ժամանակաշրջանը։

XVIII դինաստիայի ժամանակ եգիպտացիները կրաքարով շինարարությունը փոխարինեցին ավազաքարով։ Այդ ժամանակահատվածում Գեբելեինի քարհանքը չէր արտադրում բավականաչափ նյութ վիթխարի շինարարությունների համար, և Գեբել էլ֊-Սիլսիլան վերածվեց ավազաքարի աղբյուր։

Ռամզես II-ի օրոք 3000-ից ավել աշխատողներ գետի արևելյան ափի քարհանքում արդյունահանում էին ավազաքար Ռամզեսեում քաղաքի համար։ Հենց այստեղ, լեռնային զանգվածի հյուսիսային ծայրում տեղակայված են հին քաղաքի և տաճարի ավերակները՝ Ռամզես II-ի ժամանակաշրջանի մակագրություններով։ Քաղաքի արևելքում է գտնվում Ամենհոտեպ IV-ի ժայռափոր գրությունը, որից հետևում է, որ նա պատվիրել է հատել բլոկներ Կառնակի արևի տաճարի համար։

Նեղոսի արևմտյան ափին տեղակայված են Հորեմհեբի, Սեթի I-ի, Ռամզես II-ի և Մերնեպտահի ժայռփոր սրբավայր-կենոտաֆներ։

Պատկերասրահ

• 
  1809 թվականի լուսանկար։
• 
  Ռամզես II-ի և Մերնեպտահի ժայռափոր տաճարները։
• 
• 
  Հորեմհեբի սրբավայրը։

Արտաքին հղումներ

• Friends of Silsila Արխիվացված 2021-10-19 Wayback Machine
• Gebel el Silsila (Epigraphic) Survey Project blog
• Photo gallery of "Gebel el Silsileh: The Quarries East and West", part of "The Egyptian Theben Desert Portfolio" by Yarko Kobylecky

Վիքիպահեստն ունի նյութեր, որոնք վերաբերում են «Գեբել էլ-Սիլսիլա» հոդվածին։