Գարուն (ամսագիր, Երևան)

Գարուն;
Տեսակ	պարբերական
Լեզու	հայերեն
Գլխավոր խմբագիր	Աշոտ Գաբրիելյան
Երկիր	Հայաստան Երևան
Գրասենյակ	Երևան, Հայաստան
Հրատարակության պատմություն	1967 թվականից
Հաճախականություն	12
Գրախոսվող	ոչ
Հոդվածներ	4. - 8
Տպաքանակ	500
Հայկական ԱԳ	0
ISSN	[1] 0257-9901
ISI	0
SCOPUS	0
ԲՈՀ ցանկ	1
Թեմատիկ դասիչ	77719
OCLC	8338804

Անվան այլ կիրառումների համար տե՛ս՝ Գարուն (այլ կիրառումներ)

«Գարուն», գրական-գեղարվեստական, հասարակական-քաղաքական անկախ ամսագիր։ Տպագրվում է Երևանում 1967 թվականից։ Տպագրում է հայ անվանի և երիտասարդ գրողների ստեղծագործությունները, ակնարկներով, հոդվածներով և հարցազրույցներով բարձրացնում ու լուսաբանում է հասարակական, տնտեսական, բարոյախոսական, գիտական, դաստիարակչական հարցեր։ Մինչև 1991 թվականը եղել է ՀԼԿԵՄ Կենտկոմի, Հայաստանի Գրողների Միության հրատարակությունը^[1], այնուհետև եղել է անկախ պարբերական։

Պատմություն խմբագրել

1967-1975 խմբագրել

Ամսագրի առաջին համարում հրապարակվում են Բորիս Պոլևոյի, Հովհաննես Բաղրամյանի, Սերգեյ Սմիռնովի, Մարիետա Շահինյանի, Արամ Խաչատրյանի, Սերգեյ Մերգելյանի ողջույնի և շնորհավորանքի խոսքերը ամսագրի լույսընծայման կապակցությամբ։ Անդրանիկ համարի խմբագրականում գրված է.

Մեր ամսագրին վիճակված է ընթերցողներից լավագույնը։ 16-17 տարեկանը նոր-նոր փորձում է հասկանալ աշխարհի ու ժամանակի բարդությունը, հասկանալ ինքն իրեն, սիրում ու հուսահատվում է՝ իր մեջ ունենալով Համլետի հոգու մի մասնիկը, ներքին բոլոր իմպուլսներով պատրաստ է ամենախելագար սխրանքների։ 16-17 տարիքը մեր ելման կետն է, որ հասնում է մինչև 30-33, գուցե նաև 40 տարի, որովհետև այդ տարիքից հետո ոչ ոք չի ուզում մեծանալ։ Այս տարիքում գտնված են շատ հարցերի պատասխանները, գտնված է տեղը կյանքում, հոգին ավելի քիչ է պատրաստ խելահեղ քայլերի։ Մեր ընթերցողների հետ մենք պիտի անցնենք այս ճանապարհը՝ 16-40. և պիտի անցնենք ոչ թե տարիների ընթացքում, այլ յուրաքանչյուր համարի մեջ։ Դա բարդ է, երբեմն անհնար, բայց մենք կփորձենք, կորոնենք։

1967-1975 թթ. խմբագրակազամը խմբագրել

1967-1975 թվականներին ամսագրի գլխավոր խմբագիրն էր Վարդգես Պետրոսյանը։ Այս տարիներին խմբագրական կոլեգիայի անդամ են եղել Էմին Արիստակեսյանը, Մինաս Ավետիսյանը, Էդվարդ Արևշատյանը, Էմիլ Գաբրիելյանը, Խաժակ Գյուլնազարյանը, Ֆրունզե Դովլաթյանը, Գևորգ Էմինը, Գևորգ Խրլոպյանը, Անժիկ Հակոբյանը (պատասխանատու քարտուղար), Նորա Հակոբյանը։ Գեղարվեստական խմբագիր է եղել Ալեքսանդր Գրիգորյանը։ Խմբագրությունը գտնվել է Իսահակյան 28 հասցեում։

1967-1975 թթ. պոեզիան խմբագրել

1967-1975 թթ. ամսագրում տպագրվել են Պարույր Սևակի, Հրաչյա Սարուխանի, Վահագն Դավթյանի, Հենրիկ Էդոյանի, Դավիթ Հովհաննեսի, Արտակ Ոսկանյանի, Գևորգ Էմինի, Ալեք Խաչունցի, Հովհաննես Գրիգորյանի, Կարո Մելիքսեթյանի, Արամայիս Սահակյանի, Արևշատ Ավագյանի, Համո Սահյանի, Թաթուլ Բոլորչյան և ուրիշների բանաստեղծական շարքերը։

1967-1975 թթ. գեղարվեստական արձակը խմբագրել

1967-1975 թթ. ամսագրում արձակ ստեղծագործություններով հանդես են եկել Հովհաննես Մելքոնյանը, Գրիգոր Ջանիկյանը, Մկրտիչ Սարգսյանը,Վարդգես Պետրոսյանը, Առնոլդ Աղաբաբյանը, Հրաչյա Մաթևոսյանը, Հենրիկ Բադալյանը, Մուշեղ Գալշոյանը, Խաժակ Գյուլնազարյանը, Ռուդոլֆ Մարտիրոսյան և ուրիշներ։

1967-1975 թթ. հարցազրույցները խմբագրել

1967-1975 թթ. հարցազրույցներ են արվել Հանրապետության նախարարների խորհրդի նախագահ Բադալ Մուրադյանի, կապի նախարար Թ. Ս. Մինասյանցի, կինոռեժիսոր, Հայաստանի կինոմատոգրաֆիայի միության առաջին քարտուղար Ֆրունզե Դովլաթյանի, հասարակական կարգի պահպանության նախարարի տեղակալ Սուրեն Ոսկանյանի և ուրիշների հետ։

Թորոս Թորանյանը հարցազրույցներ է վարել Սփյուռքում գտնվող հայ արվեստագետների՝ Վահե Քաչայի, Գառզուի, Ալեքսանդր Սարուխանի հետ։

Հարցազրույցներ են ներկայացվել նաև թարգմանված արտասահմանյան մամուլից (Լուի Արագոն (բելգրական «Լը պուան») և այլն)։

1967-1975 թթ. թարգմանությունները խմբագրել

1967-1975 թթ. ամսագրի էջերում թարգմանաբար ներկայացվել են Ալեքսանդր Գորբովսկին, Պոլ Էլյուարը, Ռեյ Բրեդբերին, Թադեուշ Ռուժևիչը, Ժորժ Դյուամելը, Լորինա Դիմովան, Վլադիմիր Բաշևը, Նեդյալկո Յորդանովը, Նադյա Կեխլիբարովան, Կարլոս Աուգուստո Լեոնը, Տրիստան Ցարան, Վոլֆգանգ Բորխերտ և ուրիշներ։ Թարգմանությունները կատարել են Աբրահամ Ալիքյանը, Կարեն Սիմոնյանը, Համո Սահյանը, Լևոն Միրիջանյանը, Վահագն Կարենցը, Մետաքսեն, Հենրիկ Սևանը և ուրիշներ։

Թարգմանություններ են եղել նաև ժամանակակից արտասահմանյան մամուլից։

1967-1975 թթ. գրախոսությունները խմբագրել

Գիտությունը 1967-1975 թթ. հրապարակումներում խմբագրել

1967-75 թթ. գիտական հրապարակումներով հանդես են եկել աստղագետներ Վիկտոր Համբարձումյանը, Էլմա Պարսամյանը, պատմաբաններ՝ Վարդան Գրիգորյանը, Արամայիս Մնացականյանը, Հայկ Հայրապետյանը, Համբարձում Կարապետյանը, փիլիսոփա Գևորգ Խրլոպյանը, բժիշկ-պատմաբան Արծրուն Կծոյանը և ուրիշներ։

Արվեստը 1965-1975 թթ. հրապարակումներում խմբագրել

1967-1975 թթ. արվեստաբանական նյութեր են հրապարակել Հենրիկ Իգիթյանը, Արտո Չաքմաքչյանը, Մանյա Ղազարյանը, Արմեն Զարյանը, Սուրեն Հասմիկյանը և ուրիշներ։

Սպորտը 1967-1975 թթ. հրապարակումներում խմբագրել

Մարզական թեմաներով ակնարկներ են գրել Հովհաննես Մարտիրոսյանը (Սերգո Համբարձումյանի և ուրիշների մասին), Վանիկ Զաքարյանը (Չարլզ Մորֆիի և ուրիշների մասին)։

1967-1975 թթ. տպաքանակը խմբագրել

Անդրանիկ համարն ուներ 14.867 տպաքանակ, երկրորդը՝ 18300. երրորդը՝ 18494, չորրորդը՝ 13.000:

1976-1986 խմբագրել

1986-1990 խմբագրել

1990-2001 խմբագրել

2002-2015 խմբագրել

2016 թվականից խմբագրել

Խմբագիրներ խմբագրել

Գրականություն խմբագրել

«Գարուն ամսագրի մատենագիտություն» (1967-2000 թթ.): Կազմող՝ Լևոն Անանյան, Ե., «Ապոլոն», 2011, 512 էջ։

Ծանոթագրություններ խմբագրել

↑ ^1,0 ^1,1 ^1,2 «Armenian periodicals». worldcat.org. Վերցված է 2016 թ․ հոկտեմբերի 30-ին.
↑ ««Գարունը» չի լինելու զուտ գրական ամսագիր». Վերցված է 2016 թ․ հոկտեմբերի 30-ին.

Արտաքին հղումներ խմբագրել

«Գարուն» ամսագրի թվայնացված համարները Հայ մամուլ շտեմարանում
Ամսագրի Ֆեյսբուքյան էջը
Գիտական տեղեկատվական վերլուծության և մոնիթորինգի կենտրոն, Հայաստանում հրատարակվող գիտական պարբերականների ցանկ Արխիվացված 2016-03-04 Wayback Machine

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 702)։

[worldcat-1] 1,0 ^1,1 ^1,2 «Armenian periodicals». worldcat.org. Վերցված է 2016 թ․ հոկտեմբերի 30-ին.

[2] ««Գարունը» չի լինելու զուտ գրական ամսագիր». Վերցված է 2016 թ․ հոկտեմբերի 30-ին.

[1]

[2]